PIÈCE CXCVI
[1447] 24 novembre, Bourges. — Lettre (close) de Charles VII aux Lyonnais, leur ordonnant de se faire représenter à rassemblée des trois Etats du pays de Lyonnais, qui doit s'ouvrir à Lyon le 14 décembre.
[Citée p. iSy, n" 2. Voir p. 283-284]. (Original sur parchemin. Au dos, quelques débris du sceau du secret en cire rouge.)
A noz chiers et bien amez les consulz, bourgoys, manans et habilans de la ville de Lion. (Sur la queue du parchemin.)
De par le Roy.
Chiers et bien amez, pour aucunes choses qui grandement touchent le bien de nous et l'entretenement de nostre seigneurie, nous avons ordonné les gens des trois estaz des païs et élection de Lionnoys estre assemblez en la ville de Lyon au XIIII'"* jour de décembre prouchain venant, ausquelz jour et lieu envourons aucuns des gens de nostre grant conseil pour dire et remonstrer bien a plain a la dicte assemblée noz vouloir et entencion sur ce. Si voulons et vous mandons très expressément que a icelle assemblée vous soiez aucuns des plus notables et souffîsans d'entre vous en tel nombre que verrez estre a faire pour y assister et faire et acomplir de vostre part tout ce qui y sera dit et remonstré pour ceste foiz de par nous. Donné a Bourges le XXIIII"'* jour de novembre.
Bardoien.
(Arch. mun. de Lyon, AA 22, n° Go.
PIÈCE CXCVI bis
[1447] 26 novembre, Bourges. — Lettre (close) de Charles VII aux trois Etats du jxitjs du Lyonnais aux Lyonnais, leur demandant d'aider le comte d'Angoulênie à payer la seconde partie de sa rançon, qu'il est sommé par les Anglais de verser immédiatement.
[Cf. p. 283 et p. 85-87]. (Original sur parchemin. Au dos, on aperçoit un minuscule débris de cire rouge qui atteste que la pièce a été scellée.)
A noz cliiers et bien amez les gens des trois estaz du pays de Lyonnoys. (Sur la queue du parchemin.)
De par le Roy.
Ghiers et bien amez, vous savez assez comment nostre très chier et amé cousin le conte d'Angoulesme pour le bien de nostre royaume, par l'espace de XXXII ans ou environ a esté prisonnier ou royaume d'Anglelerre et ilec usé une grant partie de son temps et jeunesse et que pour estre délivré de la dicte prison lui a convenu composer et appoincter avec ceulx qui le detenoient a une grant et excessive finance et avant le partement d'icelle prison a esté contraint paier partie d'icelle composicion, a quoy faire lui a esté besoing soy aider de nous et ses autres parens et amis, et de l'autre partie qui reste a paier a baillé les scellez et obligacions de plusieurs seigneurs de nostre sang, ses parens et autres ses amis, desquelz acquicter il est présentement sommé, pressé et requis, et pour ce que les terres et seigneuries de nostre dit cousin a Toccasion des guerres qui longuement ont eu cours en nostre dit royaume, ont esté et sont grandement diminuées, et comme de nulle valeur, et que pour tout son vaillant ne pourroit acquicter les dites scellez et obligacions ainsi baillez pour lui et que piteuse chose seroit que en deffault de ce, lui conveinst retourner en prison et ilec finer ses jours, auquel ne povons secourir et aider, ainsi que bien le vouldrions, obstant les grans charges et alFeres que avons a supporter pour les afFeres de nostre dit royaume, nous vous prions bien acertes que oultre la somme pour laquelle mectre sus et imposer envoyons présentement les porteurs de ces présentes, noz gens et officiers par delà, vueillez a icelui nostre cousin donner et liberalment octroyer quelque bonne et competant somme de deniers a l'aide de laquelle, avec l'aide que lui feront noz autres subgetz, ausquelz escripvons pareillement, il se puisse acquicter envers les Anglois et recouvrer les scellez et obligacions ainsi baillez pour lui et tant en vueillez faire qu'il congnoisse par effect que voulez recongnoistre la grant loyaulté qu'il a gardée envers nous et nostre dit royaume, et la grant pascience qu'il a eue en se longue prison et vous nous ferez bien agréable plaisir que nous recongnoistrons en voz ad'aires et sur ce vueillez oïr et croire les dessus diz noz gens et officiers de ce quilz vous diront de par nous. Donné a Bourges le XXVI'"* jour de novembre. Charles. Dii'PE.
(Au dos : liltere régis missorie. L'écriture est du temps.) (Arch. mun. de I-yon, AA 22, n" Gy.)
