PIÈCE CCLV

1460, 9 octobre. — Notification faite par Jean le Gouz, commis à la recette du payement des gens d'armes et « sobdoyez ou pays de Lionnois » de la délégation de PierreSymart, son clerc, à ces fonctions.

[Voir p. i52]. ^Sur parchemin.) Je, Jeahn le Gouz, notaire et secrétaire du roy nostre sire et commis a la recepte de l'aide du payement des gens d'armes et sobdoyez ou pays de Lyonnoys certiffie a tous qu'il appartient que jay commis et député par ces présentes, commetz et députe Pierre Symart, mon clerc, a exercer et conduyre pour moy et en mon nom la dicte recepte et luy ay donné et donne puissance et auctorité de faire et besoigner en ce, ainsi qu'il verra estre expédient et neccessere et de ce qu'il recevra baillier quictance, lesquelles je prometz, ratiffîe, se mestier est, en tout ce qu'il aura fait et besoigné, en ce que dit est, agréable et le confermer estable; si supplie a tous que en ce, luy soit obey, comme a moy mesmes sans luy donné aucun empeschement ne destourbier. En tesmoing de ce, jay escript et signé de ma main ces présentes, le IX" jour d'octobre, l'an mil IIII^ soyxante.

J. Le Gouz.

Donné par copie faicte a l'original.