PIÈCE CCLIV

[Vers 1460]. — Extrait d'un mémoire envoyé au roi par les consuls de Lyon, relatif à la manière d'imposer la taille en Lyonnais.

[Voir p. 263-269]. (Sur papier.) (Fol. 4 v°). Item, sur ce que combien selon raison, droiture et bonne équité les aides, taillies et subsidez ordonnez a estre mis sus et impousez en aucunes villes, pais et contreez doent et aussi aent acoustumé estre assiz, impousez et levez en iceulx villes, pais et contreez et que les manans et habitans d'iceulx villes et pais esgalement et justement et selon les facultés et puissances d'un chascun lieu et d'une chescune ville et village des dis contreez et pais et des manans et habitans d'iceulx pais et contreez, le fort portant le foible, neantmoins le dit ordre et forme de impouser et asseoir, lever et cueillir par la manière que dit

est,.iceulx aides et subsides n'ont esté et ne sont tenu/ ne j^arde/ es dis ville et païs de Lionnois, ains est vray que quant aucun aide, taille ou subside est ordonné, mande et commis estre mis sus, impousez et levé en iceulx ville et païs de Lionnois, les esleuz sur le fait des aides en iceulx ville et païs, ja pieça ont prins ordre et forme de tauxer la dite ville de Lion pour sa quote et porcion des dis aides, taillies ou subsides, c'est assavoir entre le tiers et quart denier de la somme totale ordonnée et mandée estre mise sus es dis villes et païs pour iceulx aides et taillies et le résidu départit sus le dit plat païs || (fol. 5 r"), combien toutesfois que ainsi ne leur soit mandé ne commis, ains leur soit mandé et commis iceulx aides et taillies tauxer et imposer en iceulx ville et païs par esgal porcion et justement, le fort portant le foible, comme dit est, et ce, soubz umbre et coleur de ce que iceulx esleuz dient et prétendent l'usance et observance d'imposer la dite ville es dis aides et tailles au regard du dit plat païs entre les dis tiers et quart estre et avoir esté ja pieça telle et ainsi observée, a quoy iceulx esleuz ne doyvent avoir regard ne soy arrester, car présupposé que ainsi fust et que autresfois eust esté consenti, promis et accordé par et entre les citoyens, manans et habitans de la dicte ville, et les habitants du dit plat païs que icelle ville paiast et contribuast es dis aides et tailles entre le dit tiers et quart, ce fut du temps des guerres et divisions du royaume, auquel temps la dite ville esloit en grant puissance, bieii peuplée de gens de tout estas habundans en grans richesses, puissances et facultez et le dit plat païs fort folez tant par rason des dites guerres et divisions qui lors y regnoent que autrement; or, est a présent le contrayre, car le dit plat païs de Lionnois et les villes et villaiges d'icellui sont depuis douze ou quize ans ença, et depuis que la cource et pillerie des gens de guerre cessa, fort augmentez et accreuz de peuple, de chevances et facultez de biens et la dite ville damnée et appovrie, et ont pluseurs des citoyens et habitans d'icelle ville, mesmement bourgois et autres vivans de leurs renies et chevances qu'ilz ont hors la dicte ville Il (fol. 5 v") depuis le dit temps absentez icelle ville et sont alez demourer au dit plat païs et aillieurs hors icelle ville, sans ne toutesfois que les dis esleuz aient voulu ne veulent descharger la quote et porcion de la dicte ville des dis aides d'entre le dit tiers et quart pour raison de ladite decheite de populacion, vuydange et diminucion de peuple et chevances delà dicte ville; pour quoy, soit remonstré ou roy et a son conseil ce que dit est et obtenue provision par laquelle, narracion faicte des causes et raisons que dessus et autres servans a la matière et mesmement que se le dit ordre de tauxé la dicte ville es dis aides entre le dit tiers et quart se continuoit, les habitans d'icelle ville seroent contrains a vuider icelle ville, considéré les autres grans charges et subsidez ([ui d'autre part y sont

deuz, qui seroit Tinterest et dommaige grant du roy et de la chose publique, soit mandé et commis es dis esleuz que s'il leur appert, sommerement et de plain, la dicte ville estre diminuée de peuple, mesmement de gens d'estat et aussi de chevances et facultés au regart du dit plat pais, et icellui plat pais estre augmentez et accreuz de peuple, de chevances et facultés, et autrement la dite ville estre grevée au dit impost d'entre le dit tiers et quart denier, que non obstant la dite usance et observance ainsi gardée et introduicte du dit temps des dites guerres et divisions de ce royaume, comme dit est, ilz taxent || (fol. 6 r"), imposent et asseent la dicte ville decy en la es dis aides, tailles et subsides a tel taux et impost qu'ilz verront et leur apperra estre juste et raisonnable, sans avoir regard au dit taux et impostz du dit temps passé, etc.

(Arch. mun. de Lyon, AA 149. Mémoire non numéroté, baillé à Jean Grand, fol. 4 V'-fi r").