PIECE I

[UIG] mars, Paris. — Copie d'une lettre de Charles VI aux « généraux commissaires >> de la taille «imposée pour résister aux menées des Anglais » leur ordonnant de diminuer la quote part de la ville et du diocèse de Mdcon, taxés à 5.000 fr. pour le dernier aide et à IMO Ôcus pour un emprunt demandé par leDauphin, attendu que Lyon n'est taxé qu'à] 5.000 francs et que le pays de Beaujolais a été récemment distrait dudit diocèse.

Charles, etc., a nos amez et feaulx conseillers, les generaulx commissaires nouvellement ordonnez sur le' fait de la taille imposée pour résister aux entreprinses de nostre adversaire d'Angleterre, salut et dilection. Receue avons humble supplicacion des povres habitans de nostre ville et diocèse de Mascon contenant que comme Ten les ait imposé a ceste derreniere taille a la somme de V'" l'rans, et d'austre part nostre très chier lilz le Daulphin ait demandé emprunt a la dite ville de XII<^ escuz, lesquelx supplians ne pourroient paier ces deux choses, et leur seroit comme impossible veue la povreté qu'ilz ont et si est vray que la dite ville est assise es lins de nostre royaume et est une des clefz du royaume de l'empire joignant au pais de Bourgoigne et de Savoye, Charrolais et Beaujoloys, et pour les debaz et décisions qui ont esté, la dite ville et tout le dit pais a esté grandement grevé et apovris, et ne sont osez venir les marchans ainsi comme ilz avoient accostumé pour acheter leurs vins, ainsi comme ilz avoient accostumé et d'autre part l'en a osté et séparé du dit diocèse la terre de Beaujoloys qui souloit paier XII^ frans et la l'en sépare a part avec les terres de nostre très cher cousin le duc de Bourbon, telement que la dicte terre de Beaujoloys ne contribue plus avec les dis supplians, et en tant qu'il touche autres villes qui souloient contribuer avec les dis supplians pour ce qu'elles confrontent et sont enclavées au pais de Bourgoigne ou diocèse de Chalon, l'en ne les puet contraindre, et par ainsi, toute la charge demeure sur les dis supplians, lesquelx pourles guerres, mortalitez, tempestes et les grans tailles qui ont eu cours, sont

1 Nous rappelons qu'à cette époque clans la région lyonnaise, on faisait commencer l'année à Pâques.

telement apovriz qu'ilz n'ont de quoy de vivre et se sont plusieurs retraiz et aler demourer en l'empire et encore s'en vont chacun jour et s'en yront plus, se pourveu ne leur est, et est vray que plusieurs villes d'environ et par especial la ville de Lion qui vault mieulx que quatre villes de Mascon n'est assise a la dite taille que a cinq mil frans et a esté par leur très grant prouchas et diligence, ce que n'ont pas peu faire les dis supplians pour leur povreté, mais ont tousjours soustenu plus grant charge qu'ilz ne pevent porter, requerans humblement que sur ce leur vueillons pourveoir de nostre grâce afin qu'ilz n'aient cause d'eulx absenter et délaisser nostre royaume si comme plusieurs ont ja fait, se comme l'en dit; pour ce est il que nous qui voulons que noz subgiez puisse demourer en nostre royaume en bonne transquillité, et que bonne equalité soit gardée ou fait desdites tailles, vous mandons, commandons et enjoignons que vous ou cas dessus dit modérez ou facez modérer aus dis supplians la dite taille en la mectant et ramenant a telle somme qu'ilz la puissent paier, et en leur pourveant de telle grâce et remède comme bon vous semblera et que vous nous conseilleriez de faire, car ainsi voulons nous qu'il soit fait, non obstant quelxconques lettres subreptices empêtrées on a empêtrer a ce contraires. Donné a Paris le jour de mars, l'an de grâce mil IIII" et XVI et de nostre règne le XXVIF'.

(Arch. mun. de Lyon, AA 22, n" a).