PIÈCE II

[1416] 37 septembre, Le Quesnoy. — Lettre de Jean, Dauphin de Viennois, duc de Berry, comte de Poitiers et de Poitou, aux Lyonnais, leur annonçant l'arrivée du roi d'Angleterre à Calais avec son armée et les encourageant à soutenir le roi contre les Anglais.

[Citée p. 5. n. i]. Jehan, ainsné filz de roy de France, Daulphin de Viennois, duc de Berry, conte de Poictiers et de Poictou, a noz chiers et bien amez les bourgois, manens et habitans de la ville de Lyon, salut. Chiers et bien amez, nous avons sceu nouvellemant que l'adversaire d'Angleterre et ennemy de Monseigneur est descendu a Calaiz avec toute sa puissance de gens d'armes et de trait en entencion comme nous avons oy et est a croire de porter tout le domaige qu'il pourra a mon dit seigneur et a son royaume, et pour ce que après mon dit seigneur la chose nous touche plus que a nul autre, et que nous voulons de tout nostre povoir, comme raison est, nous employer au service de mon dit seigneur et défense de son dit royaume et avons ferme esperence en Dieu a l'ayde des parens,vassaulx et autres preudes hommes subgiez et bienvieillans de mon dit seigneur de contraister briefment a celuy adversaire, nous vous signiffions et faisons

assavoir noz intencions et voulenté, affin que vous vueilliez préparer et ordonner pour venir a Tayde de mon dit seigneur, toutes foi/, que mandé vous sera par luy et que de nous aurez requeste en vous exortant et priant en est sur la loyauté que vous devez a mon dit seigneur, que de ce ne vueilliez estre negligens ne remis en aucune manière et combien que ou temps passé aucunes divisions ayent esté ou dit royaume, lesquelles doivent cesser par la paix qui f'u faicte a Arraz par feu nostre très cher seigneur et frère monseigneur de Guienne que Dieu pardoint, au commandement de mon dit seigneur, laquelle paix nostre entencion a esté et est défaire entretenir a nostre povoir et rendre mon dit seigneur seul et pour le tout obey, et seigneury eu son dit royaume, toutevoyes au regard d'iceluy adversaire d'Angleterre un chacun loyal subgieet vassal et autre bienvueillant de mon dit seigneur doit pour le présent laissier et déposer tout scrupule et note de division affin que par vertu bien vuye Dieu et Nostre Dame devant résistance puisse estre faicte a Tonneur de mon dit seigneur et bien de son dit royaume et cestes noz présentes intencion et voulenté vueilliez signiffier et publier es villes voisines de vous affin que pareillement ilz soient prestz de venir a l'aydede mon dit seigneur quant mandé leur sera et de nous auront requeste, en tesmoing de laquelle chose nous avons fait plasquer noste seel de secret a ces présentes. Donné au Qnesnoy en Haynau le XXVIl» jour de septembre, Tan de grâce mil Ilir^ et seize.

Par monseigneur

LE Daulphin. De la Teillaye.

(Arch. mun. de Lyon, AA 22, n' 5.)

Cette lettre a été recopiée dans le premier registre des Délibérations consulaires à la date du 19 octobre 141 6 (V. C. Guigue, Registres des délibérations consulaires, p. 12). Nous publions cette lettre à nouveau à cause des différences existant entre loriginal et la copie et signalées plus haut, p. 5, n. i.