PIÈCE IV

[1417] 30 novembre, Paris. — Copie d'une lettre de Charles VI [aux consuls de Lyon] leur prescrivant de rester en charge Vannée suivante pour éviter la nomination à la Saint-Thomas de conseillers favorables au duc de Bourgogne, ou tout au moins d'empêcher la nomination d'un Consulat dévoué à ce dernier.

[Citée p. 5. n. %]. Chiers et bien amez, nous avons esté et sommes bien informés de voz grans loiautés et bonnes obéissances et du gouvernement que ou fait de vous offices vous auez eu et tenu au lieu de nous et de nostre bonne ville de Lion, en telle manière que la mercy nostre Seigneur elle s'est tousjours tenue, tient et au plaisir de Dieu tiendra en bonne obéissance envers nous, dont nous avons estes et sommes très contens de vous, et en temps et en lieu, si le cas y eschiet vous en apparcevrez et combien que chacun an on ait accoustumé le jour de la feste

Saint Thomas devant Noël changer et muer les consulas de nostre ville qui y ont servi Tannée passée et y en esliere et mectre de nouveaulx, toutesvoies pour la bonne relacion qui nous a esté faicte de voz personnes, nous voudrions bien que pour Tannée a venir vous demourissiés encores en voz estas et offices, et pour ce, en escripvons présentement et vous aux bourgois et habitans de nostre dicte ville de Lion en vous requérant et neantmoins mandant de par nous sur Tobeissance que vous nous devez et sur tout que vous desirez le bon estât et prospérité de nostre dicte ville que au cas que les ditz bourgois et habitants seroient d'accord que vous demourissiez en voz estas et offices comme nous le leur escripvons, que vous ne le reffusez ou vous en escriviez en aucune manière, toutesvoies se il avenoit que iceulx bourgois et habitans ne fussent contens que vous y demourissiés, mais en voulussent eslire de nouveaulx pour ce que nous avons entendu que en icelle nostre ville aucune qui ont tenu et tiennent le parti du duc de Bourgogne et qui ce sont vantés et vantent au dit jour de Saint Thomas de eslire ou mectre peine de faire eslire autres qui aymeront mieuTx le parti dicellui de Bourgogne que vous n'avez fait, qui nous seroit très grant duplaisir et dont il porroit advenir a vous et a nostre dicte ville dommage et inconvénient irréparable, pour ce aussi que ou fait de la dicte élection, vous aures la plus grant vois comme nous en sommes bien acertenez, nous vous requérons et neantmoins mandons comme dessus que au cas que comme dit est, il conviendra eslire nouveaulx consulaz, nous de voz porrons travailliez et labourez a ce que ilz soient esleux feables et bons a nous, et telz que par leur eslection aucune mutacion ou nouvelleté n'aviengne en nostre dicte ville, car autrement nous ne le prendrions pas bien en gré, ainçois en ferions et ferons punir ceulx qui sérient ou seront cause de les eslire autres que bons. Donné a Paris le dernier jour de novembre, ainsi signées. *

(dessous) CuARLES. Et. Mauregart.

Memoyre de soy informer qui impelra, les lettres dessus escriples et (fui donna a entendre les parolles escriptes en icelles.

(Au dos, d'une autre écriture). Copie des lettres du roy consonans a Testât de messire Jehan le \'iste.

(Arch, mun. de de Lyon BB 878)