PIECE III

[1417] 14 février, Paris. — Lettre de Charles VI aux Lyonnais, leur ordonnant de payer leur quote-part de l'aide récemment imposé, qui se monte, pour l'élection de Lyon, à 5.000 livres tournois.

De par le Roy,

Ghiers et bien amez, pour ce que des revenus de nos domaine et aides ne pourroient estre recouvrée la finance necessere pour pourveoir a la

garde des frontières et a la défense de nostre royaume et d'icelui extirper les pilleries et roberies qui se font de jour en jour et pour résister par puissance aux entreprinses de nostre adversaire d'Angleterre qui comme savons certainement se mect sus a grant effort ou entencion de descendre en ceste prochaine saison en nostre dit royaume pour nous et nos. subgiez grever et dommaiger, nous, par grant et meure deliberacion et advis de nostre très chier et très ami aisné filz, Jehan, Daulphin de Viennois, auquel nous avons baillé et commise la charge comme nostre lieutenant du fait de la guerre et aussi par le conseil de pluseurs autres de nostre sang et de nostre conseil, avons mis sus en par tout nostre dit royaume un aide le meindre que avons peu et ordonné que sus nos subgiez en Feslection de Lyon soit assise et par eulx paier la somme de cinq mil livres tournois pour l'emporcion d'icelui aide, pour quoy nous doublons que par deffault de prompte finance, inconvénient naviengne a nous et a nostre dit royaume, que Dieu ne vueille, vous requérons et neantmoins mandons et commandons sur l'obéissance que nous devez, que ces lettres veues, vous contribuez au dit aide et en paiez sans delay la somme a quoy seriez assiz par les esleuz, si donnant exemple de vraye obéissance a noz autres subgiez de la dicte eslection afin quilz soient plus enclins d'avancier le paiement d'icelui aide. Saichans que en ce faisant vous ferez vos devoirs et le congnoistrons en temps et en lieu, et si serez restituez des deniers qui en ystront des sommes que nostre dit ainsné filz a requis a vous et autres lui prestez pour les causes dessus dictes. Donné à Paris le XlIIPjour de février, l'an mil GGGCXVI.

Mallière.