PIÈCE IX

[1418] 16 février, Compiègne. '— Lettre de Charles, Dauphin de Viennois, duc de Berry, conde de Pontieu et de Poitou, aux Lyonnais, leur prescrivant de payer rapidement leur portion de Vaide réceminent imposée pour les (juerres, dès qu'ils connaîtront le montant de leur quote-part.

[Citée p. 8, n. .'j]. (Original sur papier. Traces de scellenienl au dos.) A noz très chiers et bien amez les bourgois, manans et habitans de la ville de Lyon. (Au dos.)

De par le Daulphin de Viennois, duc de Berry, conte de Pontieu et de Poictou.

Très chiers et bien amez, pour ce que par autre manière que de l'aide des bons et loyaulx subgiez de Monseigneur ne puet estre recouvrée la finance nécessaire pour la provision advisée a contrester aux Anglois ennemis de mon dit seigneur et de nous qui fort s'appareillent et mectent sus en entencion de briefment descendre ou royaume guerreer et grever mon dit seigneur et ses subgiez, pour quoy il est besoing de garnir les frontières et pourveoir au surplus es affaires du royaume tant a extirper les pilleries et roberies. qui s'y font en plusieurs parties en nostre très grant desplaisance comme autrement, a quoy nous a qui mon dit seigneur comme son lieutenant, nous a commise la charge, avons ferme propos et entencion de nous y employer entièrement et y remédier, a laide de Dieu, a l'honneur et bien de mon dit seigneur et de ses subgiez, mon dit seigneur a ordonné un aide, le mendre que bonnement il a peu, estre généralement mis sus et levé en son royaume, et, pour ce que nous desirons les provisions pour ce advisées estre briefment exécutées pour obvier aux inconveniens qui se pourroyent ensuir, que Dieu ne vueille, vous prions et requérons de par mon dit seigneur et de par nous et sur tout le plaisir que faire nous desiz'ez, que la somme a quoy serez tauxez et impo-

PIÈCKS .IIISTIFICATIVKS 309

sez pour le dit aide, vous sans aucun delay asseez sur vous et ycellui paie/ et délivrez hastivement a cellui qui commis est, a le recevoir, en donnant exemple a tous autres de libéralement contribuer au dit aide pour convertir es faiz dessus diz; en ce faisant, vous nous ferez très grant et singulier plaisir et le recong-noistrons en temps et en lieu, sachans que des deniers qui en ystront nous ferons rendre et restituer les sommes que avons requises a vous et autres nous prester pour les causes dessus dictes.

Très chiers et bien amez, Nostre Sire vous ait en sa saincte garde.

Escript a Compieigne le XVI" jour de février. Mautaint (?).

(Arch. mun. de Lyon, AA 22, n" 02.)