PIÈCE X
[1418] 17 février, Lyon. — Lettres pnicntrs de Philippe de Bonnay, bailli de Màcon, sénéchal de Lyon, faisant connaître, sur une plainte des Lyonnais, que Jean le Viste ne prend pas la responsalnlité de Vintention qu'a eue Charles VI en prescrivant, le 16 novembre 1417, au Parlement et a,u bailli de le prendre sous leur protection pendant un an, afin de lui permettre de surveiller les Lyonnais, attendu que ceux-ci ne sont pas suspects de vouloir trahir le roi.
[Citées p. 7, n. 2]. A tous ceulx qui ces présentes lettres verront, Philippe, seignieur de Bonnay et de Pressy, chevalier, chambellan du roy nostre sire, son bailli de Mascon et Senneschal de Lyon. Savoir faisons que, comme noble homme messire Jehan le Viste, chevalier et docteur en loys heust empêtré et obtenu du roy nostre Sire les lettres d'eslat contenant la forme qui s'ensuit: Charles, par la grâce de Dieu, roy de France, a noz amez et feaulx conseilliers les gens tenans nostre présent parlement, au prevost de Paris, au bailli de Mascon, seneschal de Lion, et a tous noz autres justiciers et officiers ou a leurs lieuxlenans, salut. Nous vous mandons et a chacun de vous, si comme a lui apparfendra, (fue toutes les causes et querelles meues on a mouvoir tant en demandant comme en de/fendant, dehtes et hesoignes de nostre amê et féal conseiller Jehan le Viste, chevalier, docteur en loys, lec/uel pour les grans inconveniens (fui sont aujourd'huy sur les pays ne pourvoit bonnement venir par deçà, mays le convient continuelmcnt estre sur le fait et cfarde de la ville de Lyon, la ou il fait sa résidence et résister aux entreprises qui se pourroienl fere contre nous et au préjudice de la chose publique et chacun pour luy fault estre avec noz gens et officiers pour appaysier le peuple et le mectre en nostre obeyssance, vous tenes ou faictes tenir en estât j'usques a un an a compter de la date de ces présentes, et ce pendant ne faictes ne feussiez aucune chose estre faicte, actempérée ou innovée contre et ou préjudice du dit chevalier, mais s'aucune chose estait faicte, actemptée ou innovée contre et ou préjudice du dit chevalier, mays s'au-
cune chose esloyt faicte aclemptée ou innovée au contraire vous le faictes repaiera et remectre tantost et sans délai/ au premier estât et deu, car ainsy voulons nous qu'il soit fait et au dit chevalier l'avojis octroyé et octroyons de grâce especial par ces présentes^ non ohslant quelxconques lettres suhreptices empêtrées ou a empêtrer a ce contraires. Donné à Paris le XVI'' jour de novembre, Van de grâce mil quatre cens et dix sept et de nostre règne le XXXVIII^., ainsy signé par le roy a la relacion du conseil, Charrenton. Pour occasion de la dicte impetracion et mesmement en ce quelle chargeoit et blasmoit les habitans de la ville de Lyon en ce que le dit chevalier avoit donné a entendre qu'il luy faut estre a Lion avec les officiers du roy nostre sire pour appaisier le peuple d'icelle ville et le mectre en lobeyssance du roy nostre sire, les conseillers de la dicte ville et plusieurs des habitans dicelle feussent mal content du dit chevalier, lequel pour ce au jour d'uy, date des présentes est venu et comparu par devant nous, presens a ce les dis conseillers et pluseurs autres notables personnes de la dicte ville et a dit et desclaré que les dictes paroles d'appaysier le peuple et le tenir en l'obeyssance du roy nostre sire ont estez mises et escriptes en ses dictes lettres d'estat sans son sceu, voulenté ou consentement et luy en desplait et ne les adure pas, car il scet bien et est vray que les habitans de la dicte ville ont esté tousjours et sont en bonne obeyssance envers le roy nostre Seigneur, et en telle obeyssance qu'il n'est pas necessere que pour cesle cause le dit chevalier ne autre face résidence en la dicte ville, toutesfoys les autres causes contenues en son dit estât il a réservé et aduré pour soy aidier d'icellui sans y renoncer, for que es causes lesquelles il a desaduré, comme dit est, dont les diz conseillers, avec eulx, Rolin de Mascon, procureur de la dicte ville, ont requises noz lettres de certiffîcacions, lesquelles leur avons octroies en ceste forme et fait sceller du seel de nostre court a Lion et signer des seings manuelz des deux tabellions dessobz nommés, greffiers de nostre court. Donné a Lion, le XVII'' jour de février, l'an de grâce mil quatre cens et dix sept.
Par monseigneur le bailli, seneschal,
Denys Bi;cev. Rossignol.
(Arch. mun. de Lyon, BB 378.)
