PIÈCE XIII

[1418] 28 juin, Poitiers. — Lettre de Charles, Dauphin de Viennois, duc de Berry ef de Touraine, et comte de Poitou, aux gens d'église, aux nobles, aux consuls et aux habitants de Lyon, leur annonçant la venue dans leur ville de Varchevêque de Eeims, qu'il envoie en Languedoc, pour ramener Vordre dans ce pays.

(Original sur papier. Traces de scellemenl au dos.) A noz chiers et bien amez les gens d'église, nobles, consulz, manans et habitans de la bonne ville de Lyon.

De par le daulphin de Viennois, duc de Berry et de Touraine, et conte de Poictou.

Très chiers et bons amis, nous avons bien sceue la bonne et entière amour et affection que toujours vous estes monstrez avoir au bien de Monseigneur et de sa seigneurie et envers nous et les nostres dont nous vous remercions, très chiers et bons amis pour certaines besongnes et affaires qui grandement touchent le bien de mon dit seigneur et Tunion, paix et tranquillité de son pays de Languedoc, lequel parle fait d'aucuns sedicieux, a esté et est en grant trouble, nous envoyons présentement ou dit pays et aussi par devers vous très révérend père en Dieu et nostre ami et féal larcevesque, duc de Reins, per de France, conseiller de mon dit seigneur et le nostre, auquel nous avons chargié vous dire certaines choses de par nous, si vous prions et requérons très acertes que a tout ce que de nostre part nostre dit conseiller vous dira et exposera, vous adjoustez plaine foy et créance et lui donnez tout le conseil, confort, et aide que vous pourrez, sachans certainement que, se le cas se y offre, mon dit seigneur et vous recongnoistrons en temps et en lieu la bienveillance et amour que, comme dit est, vous avez eue et avez envers lui e nous. Très chers et bons amis, Nostre Seigneur soit garde de vous. Escript en nostre ville de Poictiers le XXIIP jour d'aoust.

CuARLKS Campion.

(Arch. mun. de Lyon AA 22 n° 6).

PIÈCES Jl'STfFICATIVES 313