PIÈCE XIV

[1418] G octobre, Niort. — Lettre de Charles, Dauphin, de Viennois, duc de Bcrry, de Touraine et comte de Poitou, remerciant les Lyonnais de lui avoir communiqué les lettres à eux écrites par Charles VI au sujet des marchandises saisies à Lyon et appartenant à des marchands lucquoys demeurant à Paris, qui se sont rendus coupables de trahison, marchandises qu'ils ont bien fait de retenir malgré Vordre contraire de Charles 17, irresponsable.

[Citée p. (), n. 5]. (Original sur papier. Au clos, débris de sceau en cire rouge.) A noz chiers et bien amez, les consulz et habilans de la ville de Lyon. (Au dos.) . ..

De par le dauphin de Viennois, duc de Berry, de Touraine et conte de Poictou,

Chiers et bien amez, nous avons receu voz lettres avecques autres lettres a vous envoyées de par monseigneur faisans mencion de certeines marchandises pieça deleissées en la ville de Lyon par aucuns marchans estrangiers, lesquelles marchandises vrtus nous requérez estre arrestées en la dicte ville sanz d'icelles faire aucun transport, comme ordonné l'avons a nostre bien ami escuier Anthoine de Varennes, pour ce que autrement le faire doubteriés mesprandre, et par ce encourir en grant interest et dommage ou temps avenir, veu et considéré ce que mon dit seigneur vous a sur ce escript a la requeste et poursuite des diz marchans, sur quoy vueilliez savoir, queactendu Testât et empeschement de mon dit seigneur durant lequel et tant qu'il sera ainsi détenu hors de sa franchise comme vous savez qu'il est de présent, il ne peut escrire ne faire chose qui procède de son mouvement ne qu'il lui soit ne a nous aussi plaisant ne proflîtable, nous nous donnons grant merveille, veu ce que autresfoiz vous avons sur ce escript comment vous faictes aucune ouverturedeslettres qui en son nom vous sont apportées, et de ce que aucunement vous y arrestez,car vous savez bien que des le commencement vous ordonnasmes expressément et si chier que aimez son bien et le nostre que vous n'en receussiez aucunes en meniere que lecture en feust faicte, ains toutes telles lettres en la forme que présentées vous seroient, ensemble les messaigiers et porteurs dicelles envoyssiés incontinent par devers nous pour en ordonner, comme bon vous sambleroit, et quant aux dictes marchandises, nous sommes souffisamment informez et mesmes par aucuns de ceulx qui y ont partie et porcion et qui pour avoir provision sur ce, au regard de leur interest sont venus au remède par devers nous que la greigneur part d'icelles marchandises est et appartient a marchans luquoys qui sont demourans à Paris, et qui ont esté et sont principaulx faiseurs ou consentans de la trayson qui faicte y a esté a l'encontre de la seigneurie de mon dit seigneur et de vous et pour ce n'est pas vostre entencion de

sur ce faire aucune mutacion ou nouvelle ordonnance, et toutes voyes, il nous samble que pour unes simples lettres clouses, ainsi obtenues de mon dit seigneur, et ou dit estât ou il est, vous ne deussiez avoir fait aucun arrest ou assouppement a Texecucion de ce que par noz lettres patentes passées en conseil et pour l'évident bien et prouflit de mon dit seigneur avions volu et ordonné mesmement, car vous povez bien penser que se les diz marchans luquoys, a qui sont les dictes denrées, feussent bons et loyaulx envers mon dit seigneur et nous, ils se feussent aussi bien et plus tost traiz par devers nous qui avions donné et fait mectre l'empeschement en leurs dictes denrées pour sur ce avoir provision et remède, comme ilz se sont traiz a Paris par devers ceulx qui si violantemeiit ont entrepris le gouvernement de mon dit seigneur, pour quoy nous semble que de plus faire poursuite de ceste chose qui en riens ne vous touche, vous povez bien depporter, toutesvoyes nous avons sceu par ce que nous a escript vostre ami et féal lArcevesque de Reins, que du consentement et accord du dit Varennes, il a sur ce prins certein appointement par delà, duquel sommes et serons assez contens, Chiers et bienamez, \'ostre Seigneur soit garde de vous. Escript a Nyort le \'I* jour d'octobre.

Charles Picart.

(Arch. mun. de Lyon AA22 n° 33).