Vov. Étude sur Du Vair. suprà, pages 58 et

de Cartagène enuiron la Noël, chargé de trois compaignies de Bisognes 1 fort chétifs , faisant quatre cent cinquante hommes, et de neuf cents balles de layne et quelques aultres marchandises appartenantes aussy à des Gènenois. Il a esté poussé par le vent à la coste et contrainct de venir mouiller l'ancre au chasteau d'If le treiziesme de ce dict mois sur le soir. Mondict sieur de Guyse, en ayant aduis, a armé deux vaisseaulx françois qui estoient aux Isles, et faict sommer ce nauire qui s'est rendu. Les soldatz ont esté mis aux deux galères qui sont icy. Le vaisseau, Sire, sans les prisonniers, est estimé, sur ce qui en est jusques à présent apparu, environ quatre vingt mille escuz. Beaucoup ont opinion qu'il y doibt y auoir de l'argent caché dans les balles : on n'en a rien descouuert. Les marchandz de ceste ville appréhendent fort que vous déclariez ce vaisseau de bonne prise, pour ce qu'ilz estiment par là qu'ilz perdront le commerce qu'ilz ont auec les Gènenois, sans lequel ilz ne peuuent entretenir celuy de Leuant. V. M. sçaura bien en cela pezer ce qui est du bien de son seruice. Attendant sa volonté, on mettra peyne de conseruer le tout soubz la main de vostre justice. Sy vous déclarez la prise bonne pour le regard du vaisseau et des marchandises, V. M. aura beaucoup d'occasions de se soubuenir de mondict sieur de Guyse qui vous sert auec beaucoup d'affection en une province pleyne de grandz affaires et d'extrême pauureté.

Pour vous rendre compte, Sire, du surplus de la charge dont il vous a pieu m'honorer, je vous auois donné aduis par ma dernière despesche que ceux de Marseille ont fait amener à leur port dix barques chargées de bled de M. le grand duc de Toscane, et six de celuy du pape, où il y a enuiron trois mille charges de bled. Les gens dudict seigneur grand duc de Toscane en font de grandes plainctes et menaces. C'est chose où il n'y a.aultre remède que celuy