I. Un mot illisible
appaiser, ceuxdudict conseil furent contraintz de leur promestre que le droit ne se lèueroit plus. Non contensde cela ilz s'en allèrent aux lieux où s'exige le droit, rompirent les bancs et déchirèrent les liures. Et dura ceste émeute jusques à la nuict que chacun se retira sans qu'il s'en soit suiuy aultre effect. Aujourd'huy tout y est paisible. Aussy tost que l'aduis en est arriué, la cour a député un des présidens et deux conseillers d'icelle auec vn de vos procureurs généraux pour en informer et procéder contre les coupables, selon qu'il z trouueront la disposition des choses requérir le remède ou plus sévère ou plus gracieux, jugeant assez qu'il importe principalement à lestât présent du général de vos affaires qu'on ne congnoisse poinct ny dedans ny dehors que le peuple de ceste ville-là soit en aucune mauuaise disposition, et aliéné de l'obéissance. Comme de faict je ne juge pas que cest accident puisse auoir aucun mauvais progrez, n'aiant pas cause, sinon d'un costé en la naturelle licence du menu peuple de ceste ville-là et en la haine qu'ilz ont de toutes charges, et d'autre costé en l'extresme auarice des particuliers et plus aisez de la dicte ville à qui il est deub ; sans qu'il y ait aucun manquement d'affection de part ny d'autre à vostre seruice. Mais bien de là et de plusieurs aultres semblables rencontres qui sont arriuées cy deuant, V. M. doit elle juger qu'il fault apporter auec le temps vn aultre ordre en ceste ville pour s'en asseurer. C'est tout le subjet que peult auoir la présente ; qui me fera la finir en [triant Dieu, etc.
D'aix, ce 13 jahuier 1G03.
Vostre, etc.
G. Du Vair.
Coll. Dup., 64, fo 144.
9 février 1603. — Avis de complots formés sur Marseille et Saint-Tropez '. — Plainte du général des galères contre le parlement. — Réponse de Du Vair à cette plainte.
Sire,
Le vingt deuxiesnie de janvier, un Gènenois que je ne congnois point, se disant affectionné aux affaires de V. M. m'enuoya exprès vn marchand de Marseille qui estoit à Gennes, pour me donner aduis qu'il y auoit un dessein qui estoit prest à exécuter sur Sainct Tropez, et qu'il estoit parti de Gennes ce jour là vn homme, qu'il me désignoit, qui y estoit allé pour cet effect; qu'au mesme temps le seigneur Amédée qui estoit venu à Gennes sur ce subject n'y auoit demeuré que quatre heures, s'en estoit retourné et enuoyé deux hommes, l'un vers le duc de Parme, l'autre vers le comte de Fuentès, et qu'il y auoit des galères qu'on attendoit et des soldats sur la coste de Nice en divers endroitz, disposez pour seruir à ceste exécution. Il me mandoit aussi qu'il se manioit quelque chose à Marseille dont il ne sçavoit les particularitez, sinon qu'il falloit auoir l'œil à ceux qui auoient la garde de la muraille. Pour ce que je trouuois fort peu d'apparence en tout cela, pour ne pas croire que vos voisins se voulussent desclarer sur un si mauvais subject que Sainct Tropez, et pour ne veoir pas qu'ilz eussent des forces ensemble suffisantes pour rien attenter contre Marseille, je m'en suis voulu esclaircir en ce qui m'a esté possible auant de vous en donner aduis.
1. Cette lettre se réfère à l'un de ces nombreux complots qui troublèrent même la seconde partie du règne de Henri IV, et dont on peut voir un résumé fait avec beaucoup de soin dans VHistoire du règne de Henri IV, par M. Poirson, t. 1er, livre M, chap. ier.
J'envoyay à l'instant à SainctTropez. Par la responsequej'ay eue des consulz, j'ay trouué estre vray que l'homme désigné par l'aduis estoit venu là et s'en estoit retourné à Nice. J'ai aduerty les dicts consulz et le capitaine qui y commande d'auoir l'œil à leurconseruation, et néantmoingsde mestre ordre, si cest homme renient, deTarrester. Au mesme temps le sieur de Torretes m'a escript d'Antibe scauoir certainement qu'il y auait des galères en Vay qui chargeoientde l'infanterie ; qui est vn temps fort mal .opportun. Des barques de Martiguesqui viennent de Nice m'ont continué le mesme,et qu'à Nice on auoit retenu trois de leurs barques chargées de bled qui aboient à Gennes, affin de faire du pain de munition. Il est vray que cela se faict soubs prétexte du passage des enfans de monsieur de Savoye en Espagne. J'ay aussi sceu que depuis vn mois vn nommé Jacques Blanc, soldat désespéré, qui est de Marseille, frère d'un capitaine qui est à présent en charge, auoit esté enuoyé par le chevalier de la Mante en la dicte ville, où il a demeuré près de trois sepmaines, sans aller que de nuict par ville, et prenant pour subjet de son séjour qu'il vouloit achepter une tartane pour aller en course. J'enuoyay pour le prendre ; mais il estoit jà party et s'en esloit retourné à Nice, où il est auec le capitaine Montplaisir, lequel envoie, à ce qu'on m'aduertit, de temps en temps vn laquais à Marseille. J'ay mis ordre pour le faire attrapper; et ay adverty ceux de Marseille de veiller, sur ces occasions-cy et les bruictz qui courent de la guerre, à leur conseruation. Hz m'ont asseuré qu'ilz le feront. Voyant que cet aduis ne se trouuoit pas du tout destitué de vérisimilitude, j'ay pensé de le faire entendre à V. M. pour y faire la considération que vostre prudence jugera bon. Il me semble qu'il sera à propos renvoyer monsieur de Mesplez par deçà, tant pour pouruoir à la garde de sa place que mesmes pour entretenir les habitants auec les soldatz en meilleure intelligence qu'ilz ne sont. J'ay pensé cependant que je ne pouuois faillir de ren-
voyer celuy qui m'a apporté cet aduis, vers celuy qui me l'a donné, l'asseurant que s'il faict seruice à V. M., elle le recognoistra selon que la qualité du seruice le méritera. Il m'a faict entendre qu'il en a le moien. Je sçay bien qu'en ce quartier là il y a prou de fourbes et de donneurs de faux aduis; mais, puisqu'on ne hazarde rien, on ne peut faillir d'attendre l'effect.
Depuis celle que j'ay escripte au sieur de Canlet, dont je donnay aduis à V. M., je n'ay eu nulle nouvelle de luy, ce qui me faict en mal penser. Je veille pour descouurir ce dout je me doubte, aftin d'y pourueoir.
Par les deux dernières despesches que j'ay receues de V. M., j'ay appris la plainte que monsieur le général des galères vous a faicte de la visite qu'on auoit fait faire en ses galères par les consulz de Marseille à l'occasion des forçatz non condamnez qui y sont. Je vous puis asseurer, Sire, qu'il n'a esté faict aucune visite par ordonnance de la cour sur les dictes galères, que par ie commissaire de la marine qui est l'officier qui le doibt faire. Il est bien vray que, pource que, quand il se faict desabbus en ces choses-là, il se fait la plus part du consentement des dicts officiers, nous ordonnâmes que le viguier de Marseille assisteroit auec luy, comme V. M. pourra veoir par la copie du procès verbal que je luy enuoie auec la présente, par lequel, bien qu'il se soit trouué quelques forçatz non condamnez, toutefois nous n'y auons voulu nullement toucher, à cause que nous en auions aduerty V. M., et ne voulions pas qu'on nous dégarnist vos galères; aussi que nous espérions qu'en aiant aduerty V. M., elle y mettroit ordre, et pour le présent et pour l'aduenir. Vostre cour, Sire, ne s'est jamais meslée de ce qui est du faict des armes, discipline militaire, et autres accidents qui peuvent survenir en l'expédition des guerres, en laquelle la puissance de ceux qui commandent ne sçauroit estre trop absolue et souveraine. Mais les délictz et faultes qui se commectent hors de là par quel-
que personne que ce soit, par l'ordre et loix de vostre royaume sont subjectz à la censure de vostre justice ordinaire, bien que par le désordre des guerres civiles plusieurs s'en soient voulu exempter. Mais, quand V. M. y aura bien pensé, je m'asseure qu'elle jugera qu'il importe extrêmement, pour la conservation de son authorité et seureté de son estât, de réduire toutes choses selon les anciennes ordonnances du royaume, et apprendre à tous vos subjectz qu'il n'y a que vous seul en vostre royaume par dessus les loix et la justice. J'ay faict arrester le cours des procédures qu'on faisoit contre le chevalier de Gardane, pource que V. M. l'a ainsy commandé, bien que je ne croie pas que ce soit chose bien vtile pour vostre seruice , pour cognoistre l'humeur de ceux à qui nous auons affaire. Je prie Dieu, etc.
Vostre, etc.
D'Aix, ce 9 de féburier 1603.
Coll. Dup., 64, f* 142.
Octobre 1603. — Du Vair remercie le roi de lui avoir accordé une pension, — de lui avoir fait connaître les motifs qui ont empêché sa Domination à l'archevêché d'Arles. — Il lui rend grâces de vouloir liien le nommer à l'évêché de Marseille, et le prie de compléter cett? faveur insigne.
Sire,
J'avais desjà receu le brevet de la pension qu'il vous a pieu m'acorder sur l'archevesché d'Arles, lorsque m'est arryvée la lettre que vous m'avez faict cet honneur de m'escrire le 6e de ce moys, pleyne de nouveaux tesmoignages de vostre bienveillance et bénéficence envers moy. Vous
me faictes ceste faveur de me dire l'occasion pour laquelle vous ne m'avez gratifiié de cet archevesché, à moy, dis-je, à qui vostrc seule volonté suffira tousjours pour tout sujet de contentement, lequel néansmoins s'accroist beaucoup en moy, voyant que rien ne vous a desmeu de me faire ceste grâce que l'intercession de la royne '. Je doibs et porte en effect tant de respect à toutes ses volontez que mes disgrâces me sembleront bénéfices quand elles serviront à son contentement. Et puis elle est si judicieuse princesse que je m'asseure qu'elle n'en aura poinct prefféré ung autre à moy, en ceste occasion, qu'elle n'y ayt recongneu plus de mérite et de suffisance, non toutefois plus de fidelle affection à luy rendre scruice et aux siens. A ceste faueur, Sire, il vous a pieu en adjouster une autre, c'est l'offre qu'il vous plaist me faire de l'évesché de Marseille, lequel j'estime que vous m'avez donné deux foys, puisque c'est sans l'avoir demandé 2. Il est vray que vous me tesmoignez que c'est avec regret et que vous auriez plus agréable que je continuasse à vous servir en ma charge. Les incommoditez que je sens en ma personne, m'ont faict désirer (voyre avec quelque passion, je le confesse) de faire trouver bon à V. M. ce mien changement de vie que je n'ay point estymé désadvantageux à vostre service. Sy j'ay esté sy heureux de le vous avoir ainsy persuadé, j'accepte, Sire, la grâce qu'il vous plaist nie faire et la reçois comme très-chère. Je m'asseure qu'en ce cas V. M. me la fera tout entière, sans me charger de condition qui puisse amoindrir le tesmoignage de vostre bienveillance envers moy , ou donner atteinte à ma réputation, qui sont les principaulx instru-
1. Horazio Montano, archevêque d'Arles depuis lb'i'j, était mort le 11 septembre 1608. — Il rut pour successeur, par le crédit de la reine, ainsi que le prouve cette lettre, Gaspard Du Laurent, frère de l'archevêque. d'Embrun.
. Frédéric Ragueneau.évèque de Marseille, fut assassiné le 25 septembre 1603. - Voyez sur la nomination do Du Vair à cel évèché, suprà, p. 07. — Cabasse. t. 1er, ch. xxiv.
mens avec lesquelz je vous ay, à ce que vous dictes, dignement et utilement servy et espère continuer à l'aduenir. En quoy aussy V. M., comme elle est pleine d'équitéconsidérera, s'il luy plaist, que je remetz entre voz mains plus de dignités et de commodités que je n'en recepvray de ceste grâce, quand je l'auray tonte entière. Que sy V. M. me la faict avec quelque marque de regret, elle ne me sevoit plus grâce mais un ver qui me rongeroit continuellement le cœur, et me priveroit poui jamais du repos que je cherche en mon ame principalement, sy ce soupçon me deineuroit que vous eussiez diminué quelque chose de la ferme créance que vous avez toujours montrée avoir de ma fidelle affection à vostre service; car, comme elle a esté le principal fruictde mes labeurs, aussy a-t-elle esté la principale fin de mes souhaitz; et, pour c ', Sire, après avoir encore représenté avec beaucoup de vérité ce qui est de mon infirme santé et de mon inclination, puisque V. M. m'est sy indulgente de me le permettre, je resigne en voz mains toutes mes charges, desseings, désirs et volontez, pour disposer de mes actions et de ma vie comme il vous plaira: elle est, Sire, toute vostre, et ce que y adjousterez ou osterez de commodité, ne sera que la rendre plus ou moings utile à vostre service. Car, pour mon esprit, il sera tousjours trop content de ce qu'il congnoistra vous estre agréable. Et, quand je ne seray point assez heureux pour servir à faire paroistre [vostre] munificence, je le seray assez pour faire congnoistre vostre jugement d'avoir faict eslection en moy d'un serviteur qia sçait mesurer son contentement par le vostre, et qui n'a point de plus forte passion au monde que de se monstrer. etc.
G. Du Yair.
Bibl. imp., no 8955. f°73, Mémoire* du règne du roy Henri IV.
420 Al'PKNDICE.
5 août 1604. — État politique et financier de la ville de Marseille. — Du Vair fait connaître au roi la misère du peuple, et l'invite à y remédier.
Sire,
L'estat où je vois aujourd'huy réduite vostre ville de Marseille me contrainct vous faire ceste dépesche pour vous en donner aduis, car selon ce que je puis auoir de jugement, je la trouueen la plus mauuaise et dangereuse constitution où je Taie encore veue, et où peut estre elle ait jamais esté depuis qu'ell'est soulz la puissance de vos prédécesseurs. V. M. sçait assez de quelles gens ell'est habitée : la bizarre humeur de ce peuple a toujours esté assez suspecte à ceux qui l'ont cognu. Mais à cela tout à coup se viennent maintenant conjoindre toutes les plus fascheuses rencontres qu'on sçauroit craindre et plus puissantes pour y apporter l'altération. Le traffic duquel elle se nourrissoit et enrichissoit, est entièrement rompu par les déprédations qui ont mangé, depuis trois ou quatre ans, justement le tierz du fondz qui s'y traffique ; la cessation du commerce d'Espaigne rend le reste inutile. La ruine du bastion est vnenouuelle accession d'incommodité. L'on a departy sur les habitants de cinq a six cent mille escus de debtes dont on commençoit ces jours passez à faire l'exaction. La récolte de ceste année est si misérable que le bled dès ceste heure s'y vend quinze franez la charge, et est pour en valoir plus de vingt cinq. Par dessus tout cela est suruenu de nouueau que, depuis dix ou douze jours, les fermiers de la foraine, en vertu d'un arrest de vostre conseil, ont mis des bureaux sur tous les chemins à deux lieues à l'en tour de Marseille, etexigent le droit sur toutes sortes de denrées qui y vont, fors sur le bled et le charbon. C'est auec vue extrême altération non seulement du peuple de la dicte ville, mais mesme de toute
ceste prouince : et veoy mesme en ceux qui ont touiours monstre plus d'affection à vostre seruice beaucoup d'indignation de ce faict là. J'ay sonnent représenté à V. M. qu'à Marseille vous n'auez ny force, ny officiers, ny affidez seruiteurs pour l'establishment de vostre authorité, et que je n'y voyois aucun fondement que la bienveillance du peuple; et ayant souuent considéré et discouru auec les plus entendra: comme ceste ville si enuiée s'estoit si bien conseruée auec vne si mauuaise garde et si pauure ordre, je n'en ay poinct trouué d'autre raison, sinon que vos prédécesseurs auoient rendu à ce peuple leur domination si douce qu'il ne pouuoit songer à changer de maistre, qu'auec appréhension d'estre plus mal traicté. C'est maintenant à V. M. à juger par sa prudence quel effect produira ceste dernière nouueauté survenant à tant d'autres incommoditez dont ce peuple se trouue surchargé. Pour moy, Sire, je croy fort que dans peu de jours V. M. receura quelque mauuaise nouuelle qui la réduira à Tune de deux extremitez, l'une et l'autre fascheuse et non moins périlleuse : c'est que, ou il faudra dissimuler l'insolence et les desordres que ce peuple commettra, ou le chastier; l'un establira la désobéissance et couppera les nerfs de vostre authorité ; l'autre jettera ce peuple à un tel désespoir qu'il se précipitera à la première occasion qui luy fera ouuerture de secouer le joug'. Je
1. La sagacité de Du Vair pressentait dès l'année 1604 les mouvements qui, au commencement de l'aunée suivante, devaient agiter la Provence. « Des gentils- « hommes, parents on amis du duc de Biron prétendirent venger sa mort en s'apt puyant sur les Espagnols, et ens'aidant des mécontentements du peuple qui trou-
■ voit les impots excessifs, quoiqu'ils eussent été diminués, parce qu'il les snpporloit « au milieu de la misère eugendrée par les guerres civiles. Ces trames, parties du « Limousin et du Périgord, s'étendoient au bas Languedoc et à la Provence. . . o . . . . Meyrargues, gentilhomme provençal, proche parent des comtes de. o Sault, député à Paris parles États de son pays pour soutenir leurs intérêts au « sujet des impôts, après avoir eu plusieurs entrevues avec l'ambassadeur d'Es- « pagne, Zuniga, dans le but de livrer Marseille au roi d'Espagne, fut surpris au
■ milieu d'une conférence qu'il avoit avec Bruneau, secrétaire de cet ambassadeur. « fut condamné par le parlement de Paris, et eut la tète tranchée en place de Grève, « le 19 décembre 160b.» (Poirson, t. 1er, livre vi, ch. m.)
veux croire, Sire, que ceux qui vous conseillent sont plus sages et plus entendus que moy, et s'ilz vous donnent contraire aduis, je souhaite qu1 il vous réussisse heureusement ; mais cependant je ne pense point me pouuoir desgager de l'obligation que j'ay à vous fidellement seruir, si je ne vous représentois comme je faictz Testât au vray de ceste affaire, et ne vous en disois ingénuement, selon mon peu de sens, mon aduis. Sur lequel j'attendray l'honneur de vos commandements pour apporter en la soigneuse exécution d'iceux, tout ce que doit,
Sire, vostre, etc.
D'Aix, ce 5 aost 1604.
Coll. Dup., 64, f" 145.
G. Du Vaik.
9 janvier 1605. — Du Vair annonce au roi que le parlement d'Ak a refusé d'enregistrer les bulles de la légation et de la vice-légation d'Avignon *>n l'absence de lettres patentes de S. M.
Sire,
Outre ce que M. de la Goutière vous dira de Testât de Marseille et de ceste prouince, j'ay pris occasion de son parlement pour aduertir V. M. que M. le cardinal de Sainct- Georges et le seigneur Montorio, éursque de Nicastre, ont fait présenter à vostre parlement les bulles de la légation et vice-légation d'Auignon, pour en auoir l'annexe. Il s'estoit depuis ces troubles coulé vn abus en ce parlement, que, quand semblables prouisions se présentoient, on en donnoit l'annexe sans auoir aucunes lettres de V. M. ; et, pour ce que cela me sembloit préjudiciel1 à vostre authorité et à ce que j'auois appris où j'ay esté nourry, estre des droictz de la couronne, j'ay recherché les vieux registres de ce par-
Iément, où j'ay trouvé que, jusques au temps des troubles, telles prouisions n'ont esté présentées qu'auec lettres patentes des roys. Tellement que vostre cour, sur la présentation qui a esté faicte de celles-cy, a ordonné que les suppliants se retireraient à V. M. Et, pource que je ne doubte point que le dict seigneur cardinal n'en fasse quelque plainte, j'ay creu en de noir promptement donner aduis à V. M., tant pour instruire vostre ambassadeur de la raison qui a meu vostre cour à en vser ainsy et y pouruoir au surplus selon qu'il sera plus à propos pour le bien de vostre seruice. Ceux qui poursuiuent ceste affaire disent qu'en Daulpbiné on ne leur en a point fait de difficulté, ce que je ne croy pas. Si cela estoit, V. M. qui juge la conséquence du faict, y sçaura mettre ordre. Je ne voy rien au reste de la prouince qui mérite vous en donner aduis. Je ne manqueray point de satisfaire à ce que V. M. m'a ordonné par celles que l'assesseur Martelli, m'a rendues. Je prie Dieu, etc.
. Vostre, etc.
G. Du Vair.
D'Aix, ce ixme ianuier 1605.
Coll. Dup., 64, fo 148.
12 avril 1605. — Sur la plainte formée contre les Jésuites d'Avignon par des familles qui prétendaient qu'on leur avait enlevé leurs enfants. — Demande d'un congé.
Sire,
Je n'ay reeeu qu'au commencement d'auril la dépesche que V. M. m'a faicte du neufviesme de mars, auec vne commission pour informer de la vérité des mémoires qui
oui été présentez à V. M. touchant quelques en fans qu'on prétendoit auoir esté enlevez par MM. les Jésuites d'Avignon. Je n'eusse point manqué de réacheminer aussy tost sur les lieux pour effectuer ce qui est de l'intention de V. M., n'eust esté que je n'ay nulle cognoissance des sieurs de Ghamhonnas et de Mons qui sont les principales personnes de qui deppend cet affaire, et que, estant tous les intéressez hors de ce ressort, et par conséquent n'y pouuant exécuter ceste commission que par forme de communication, il m'a esté besoin au préalable m'en informer et rechercher le moien de les faire trouuer ensemble. J'ay escrit pour cet effect au Père Recteur d'Avignon, afin qu'il m'indiquast la demeure des dénommez aux mémoires que V. M. m'a enuoyés, et j'enuoiray vers eux pour les faire rendre en quelque lieu où je puisse les ouyr : j'attends, Sire, leur response; et, en cela et toute autre chose qui regarde vostre seruice, je ne tnanqueray pas de la diligence et seruice que j'y doibs : non que V. M. doiue attendre grand fruict de ce que je pourray apporter en ce fait cy; car ce sont differendz qui ont esté de tout temps et seront toujours entre les pères qui croyent que leurs enfans sont principalement nez pour les seruir, et pensent les perdre quand ilz entrent en religion, et les religieux au contraire qui croyent que, Dieu estant le premier père, ceux qui se trouuent propres à son seruice doiuent tout abandonner pour cet effet. Sur ceste dispute il est passé et passeront plusieurs siècles. Les autres faictz ont peu d'apparence et en eussions eu icy Ypielque bruit : toutefois je m'en esclairciray le plus soigneusement qu'il me sera possible; et attendant, prieray Dieu, etc.
Vostre, etc.
D'Aix, ce 12autil 1G05.
LETTRES DE DU VA1K A HENRI IV. iïo
Sire,
Nous auons jusques aujourd'huy espéré le bien que V. M. nous auoit promis de venir ce printemps visiter vostre pais de Provence; je voy maintenant, par tous les aduis qui viennent de la cour, que vostre voyage est différé jusques en automne ; cela me fait supplier très humblement V. M. de me permettre de luy aller baiser les mains et reuoir la France, attendu que et Testât de la prouince et la disposition des affaires de nos voisins est telle qu'il n'y a rien dont on doibue auoir crainte. J'attendray donc ceste grâce de vostre bonté, et l'aduis de son congé par la première commodité.
Coll. Dnp., 64, f° 149.
2 juin 1608. — Du Vair recommande an roi M. de La Cépede pour la première présidence de la chambre des comptes.
Sire,
Dieu ayant appelé à soy M. de Réauville, premier président en vostre chambre des comptes de ceste province, j'ay estimé que V. M. jugera qu'il importe beaucoup au bien de ses affaires de remplir ceste place d'un personnage qui, avec la fidélité et affection à son service, apporte la suffisance et prudence requise à une si importante charge, et ay bien pensé qu'elle se ressouviendra de la volonté qu'elle avait eue, après le décès de M. de Mayan, d'en gratiffier M. le président de La Cépède. Encore, Sire, que la mémoire
qvi est excellente en V. M. et le jugement, pareil, me persuadent assez que tous les advis qu'elle pourroit recepvoir de ses serviteurs en semblable occasion sont inutiles, toutefois je penseroys faillir si je ne luy tesmoignoys comme j'ay tousjours veu le dict sieur de La Cépède continuer en la tidelle et soigneuse affection à son service, qui le luy avoit autrefois rendu recommandable, et si je ne luy disois d'ailleurs que sa suffisance et prudente conduite pourroit extrêmement servir à maintenir l'union et la concorde entre ces deux compagnies souveraines, qui, au préjudice de V. M., a esté fort altérée par le peu d'expérience d'autres qui y sont entrez. Et bien que je rende principalement ce tesmoignage à la vérité, si ne veux-je pas nier que mon affection particulière ne m'y pousse aucunement, pour ne pouvoir recognoistre du mérite et vertu en personne quelconque, sans l'aymer et chérir; mais je croy que ce n'est point chose qui puisse estre désaggréable à V. M. puisque c'est à son exemple. Je prie Dieu, etc.
G. Du Vair.
D'Aix, ce 2 juin 1608.
Coll. Dnp., CXCIV, fo 12Î.
