I. L'exécution du maréchal de Biron est du 31 juillet

LETTRES DE Dl VAIR A HENRI IV. 409

de Marseille celle que vous leur escriuez auec les despéches du grand seigneur ; et, selon qu'il vous auoit pieu me commander, leur ay faict entendre l'obligation qu'ils ont au soin que V. M. prend de leur bien et commodité.

Quant au placart que Voslre Majesté m'enuoyoit pour le faict de vos subjets qui sont au seruice des princes estrangers, pour ce que vous ne m'ordonniez pas précisément de le faire publier, ains seulement en cas qu'il fust de besoing, j'ay supersédé de le faire jusques à ce que je vous aye donné aduis que les galères de Germes qui ont passé sur ceste coste retournent en Italie en nombre de six, portant, à ce que Ton dict, trois millions tant pour les Gènenois que pour le comte de Fuentès.

On dict en quelques endroits qu'il s'estoit découuert à Parpignan une entreprise qui s'y menoit pour Vostre Majesté : pour raison de quoy, on y auoit quarante ou cinquante prisonniers. Sur lequel bruit ces peuples qui ont la créance et les mouuement soudains, se sont incontinent persuadé la guerre que beaucoup de gens désirent. Cela a esté aidé d'vn autre bruit qui est suruenu que M. de Guyze s'en reuenoit par deçà, commandé par V. M. Tellement que si à ceste disposition d'esprits fust encore suruenue ceste publication, cela eust dauantage confirmé ceste opinion de guerre qui se fust portée aisément jusques à nos voisins et les eust peult estre persuadés le contraire de ce que V. M. désire qu'ilz croyent. Si V. M. perséuère en ceste volonté de faire publier la dicte ordonnance, il n'y aura rien de perdu : il sera toujours temps, quand il vous plaira, de le faire sçauoir.

Sur les offres que le capitaine Gasgny auoit faictes de receuoir recompense de Brigançon et lesquelles il m'auoit faict bailler par escript par un sien amy, V. M. m'avoit chargé de sçauoir de qùoy il se contenteroit. J'ay faict traicter auec luy, maison sorte que jeluy ay faict entendre que c'estoit chose que V. M. ne désiroit point, sinon en tant

que luy mesme, pour sa commodité, la proposerait; me doubtant bien que son intention au fond estoit telle qu'autrefois j'ay faict entendre à V. M. et pour ce, ne voulant luy donner aucun. subjet de croire qu'on se défiast de luy, ains le conseruer en opinion de se pouuoir maintenir au seruice de V. M. et en sa bonne grâce. On l'a trouué fort bien aduisé du commandement que V. M. m'auoit donné, et fortifié des conseils de ses amis ; de sorte qu'après beaucoup d'honnestes paroles et protestations de faire tout ce que V. M. luy ordonnera, sa résolution est en effet de ne jamais sortir de sa place, alléguant sa vieillesse, son indisposition et la puissance de ses ennemis; mais qu'il vous enuoie son fils, voire tous les deux, si vous le luy commandez, pour en faire ce qu'il vous plaira, et entendre vos volontés, pour, selon icelles vous seruir, comme il proteste fort y estre résolu. Je feray ce que je pourray pour le conseruer en ceste opinion, ne pouuant sur ce subjet vous dire lien de plus certain que ce que j'ay faict par cydevant.

Vos capitaines qui sont dans Thoulon m'ont faict dire que tous les jours soldats s'en vont faulte de payement. V. M. y mettra l'ordre qu'elle juge nécessaire.

Nous auons publié et faisons exécuter vqstre édict des monnoyes 4, et trouuons qu'il n'y a nul billon du tout en ceste prouince de vostre coing; de sorte que, sous vostre bon plaisir, nous auons donné cours aux solz d'Auignon pour dix deniers, ce qui est à peu près ce qu'ils tiennent de fin, jusques à la fin de ceste année. Encore cela n'a il peu empescber qu'il ne soit arriué vne espèce de sédition à Marseille : car ceux qui débitent par le menu n'en veulent point receuoir du tout, voyant le décry total si proche ; de sorte que le menu peuple ne pouuoit auoir ni pain ni vin pour son argent, n'ayant du tout point d'autre monnoye que celle-là. Tout le remède que nous y auons peu apporter, a

1. Voyez Poirson, t, I<"", livre vi, chap. m, Delà situation financière de la France. •

esté de faire crier que le Corps de la ville desdommageroit au bout du terme ceux qui en auroient de ce qu'ils perdraient en les portant au billon. Mais cela ne sera rien si V. M. ne mect ordre de faire trauailler les monnoyes qui ne font rien icy, et si elle ne faict faire quelque quantité de billon pour l'usage du peuple : car le proffit que ceux d'Avignon faisoient à refondre vos solz où ils gagnoient vu sixiesme, a faict qu'il ne s'en trouue plus, s'ils ne sont faux. Nous faisons recherche des faux monnoyeurs et en auons desià pris un bon nombre. Je veux croire, Sire, que ceux qui vous ont conseillé de faire ceste dernière ordonnance l'ont faict avec beaucoup de considération : mais pour moy, j'estime que rien ne se pouuoit faire ni plus légitime ni plus vtile que l'Ordonnance de soixante dix sept, et que V. M. trouuera dans peu de temps que l'exposition des monnoyes estrangères vous tirera par le moyen du billonnage vne bonne partie de l'or et de l'argent qui est en vostre royaume. Desià depuis la publication de l'ordonnance, le pistolet d'Espagne ' est monté jusqu'à soixante sept solz à Marseille, qui est chose à quoy nulle diligence ne peult poumon ; car c'est vn marché où tous les deux, et celuy qui prend et celui qui reçoit, pensent gaigner, et qui par conséquent n'a garde de se réueler.

N'y ayant icy autre subject qui mérite vous estre escript, il ne me reste sinon prier Dieu, etc.

D'Aix, ce 3 décembre 4602.

Vostre, etc.

G. Du Vair.

Coll. Dup., 64, fo 136.

1 . Pistolet, nom de monnaie donné alors aux écus d'Italie, d'Espagne, de Savoie, de Bourgogne et de Suis*e.

13 janvier 1603. — Emeute à Marseille pour un impôt sur les farines.

Sire,

J'ay pensé deuoir aduertir V. M. de ce qui arriua hier dimanche et douziesme de ce mois à Marseille. Il se lève depuis quelques années vn impost en ladicte ville sur la farine pour le paiement des debtes. Quelques uns de la ville et mesme des consulz, pour gratiffier le peuple, ont mis cy deuant en auant d'oster cet impost. Ce coup aiant esté rompu par les remonstrances qu'on leur feitque la ville ne pouvait subsister sans paier ses debtes, pour les vexations que les marchans recevroient de tous costez, ceux qui auoient faict la première proposition en feirent vue aultre qui estoit d'affermer l'impostqui se le ne sur la chair, pour trois années, et que moiennant cela on en tireroit de quoy remplacer le fondz qu'on tiroit de la farine. Y aiant eu quelques altercations, enfin cela auoit esté ainsi accordé. Il restoit de le faire approuuer par le conseil de la dicte ville qu'on auoit assemblé hier pour cet effect. Plusieurs du peuple qui en estoient aduertis et craignoient qu'il n'y eust empeschement par les habitans de la dicte ville à qui il est deub, s'assemblèrent à l'entour de la maison de ville; plusieurs aussi des créanciers s'y trouuèrent : se dirent quelques paroles sur lesquelles le peuple s'esmeut de telle façon qu'aussy tost il accourut cinq ou six mille personnes du menu peuple à la dicte maison, enfoncèrent les portes, montèrent au conseil et battirent à coups de poingz quelques uns du dict conseil qui voulurent parler, et enfin se mirent tous à crier ' farine, tellement que pour les