Gouverneur de Normandie

a veu donner), où il disoit l'auoir veujant souffrir et pour cela changer si soutient de langage qu'il n'adjousteroit jamais foy à déposition extorquée par tels tourmens. Mais si en cette variation du dict Salcède, il deuoit estre réserué pour estre confronté à d'autres ou exécuté comme il fut, il n'appartient d'en parler. Ce qui s'en fit aussi tost ne vint pas de moy ni de ma poursuite. L'on a dict encore qu'au supplice il parla et signa quelque chose qui fut recueilly par Tanchon. J'aurois plus d'esgard à cela qu'au demeurant" car il estoit à la mort où l'on donSi recongnoistre et confesser la vérité auec son créateur ou jamais. Je u'ay jamais sceu au vray ce qu'il auoit dict : aussi l'ay je mesprisé, asseuré de mon innocence. Toutesfois j'ay ouï dire à quelques vns qu'il m'auoit seul deschargé, [à d'aultres, qu'il n'avoit plus accusé que moy.] L'vn est croyable et l'aultre incroyable, voire impossible; car vne si grande conspiration se pouuoit bien faire sans moy, mais je ne la pouuois pas seul entreprendre ny exécuter, et me semble, sous correction, qu'il n'y a que redire à cela. Si ceste. déposition contient autre chose ou non, je vous dis derechef que je ne le sçay pas, et si je le sçauois, j'y répondrais.

Mais voici ce que l'on adjouste : l'on dict qu'vne grande partie de ceux que le dict Salcède chargea, se sont depuis rebellez contre le feu roy et que j'ay inoi-mesme serui la Ligue depuis la mort de feu M. de Guyse; et partant ce que le dict Salcède a dict de moy doibt estre véritable, comme il s'est trouué des aultres. Monsieur, je nie cette conséquence. Le dict Salcède fut exécuté au mois d'octobre 1582, et la première guerre de la Ligue commença en feburier et mars 1585. Durant cet interualle de temps, je seruis le roy très fidellôment. Il se serait aussi de moy plus contidemment (pie deiiant. Je diray dauantage que si S. M. eust entretenu les gens de guerre de chenal et de pied qu'elle auoit aduisé d'ordonner et establir en certaines prouinces au commen-

cernent de l'an 1584, ainsi qu'elle fit très soigneusement jusques au mois d'aoust de la dicte année que je tombay malade, de façon que je ne peus continuer à y seruir comme j'auois faict deuant, la dicte Ligue ny aultres n'eussent osé ny peu s'esleuer. Tel ordre aussi auoit esté dressé exprez pour cet effect et pour donner main forte à la justice; mais, comme je fus absent, il fut bientost négligé, mesme blasmé d'aujeuns qui firent employer ailleurs les deniers affectez au payement des dicts gens de guerre, comme peuuent tesmoigner les officiers qui en auoient la charge, lesquels sèment encores aujourd'huy le roy. Or, si j'eusse eu intelligence auec ces remueurs de mesnages, je n'eusse conseillé ny maintenu le dict ordre, et puis dire que ceux qui furent cause de le* rompre les sentirent très à propos, .festois, comme vous sçauez, employé des plus auant aux affaires publiques. Je m'aperceus aussi des premiers de ces mouuemens, principalement depuis le trespas de feu monseigneur frère du roy, que la perte de ce prince commença à enfler les espérances des vns et l'audace des autres, à cause que S. M. estoit sans enfans : ce qui aduança la tetnpeste qui esclata bientost après sur ce misérable royaume. Et, comme ceux qui le vouloient troubler pour faire leurs affaires ne le pouoient vtilement faire qu'en s'aydant du prétexte de la religion et du bien publicq, si les gens de bien eussent esté creus et si le feu roy eust esté seruy, l'on eust donné tel ordre à l'un et à l'autre que ceste ouuerture leur eust manqué, laquelle les a depuis faict suiure; car c'estoit le plus seur moyen de renuerser leurs desseins auec les forces susdictes que S. .M. auoit disposées par les prouinces, pour fortiffîer la justice; et diray que c'estoit le gré et la volonté du feu roy. J'en parle de science. Mais ce prince estoit si bon et facile à démouuoir que rarement il exécutoit ce cpi'd auoit résolu ; de manière que les conseils que Ton luy donnoit et ses résolutions, pour bonnes qu'elles fussent, soutient luy apportaient plus de mal que de bien.

A quoy j'adjousteray que ce malheur procédoit quelquefois de la faulte de ses seruiteurs, autant que de la sienne. On tient que les bons maistres font les bons seruiteurs : toutesfois, il me semble y auoir en cela de la fatalité comme ez aultres choses de ce monde; car souuent nous auons veu des princes très-bons et prudens mal serais, soit que leur bonté ait surpassé leur prudence ou quils Payent dissimulé pour éuiter pis. Le feu roy auoittrès bien commencé à rétablir la justice et à soulager le peuple; et croy fermement que, sans la guerre de la Ligue, il eust encore mieux acheué. Nous approchions aussi du terme dedans lequel ceulx de la religion prétendue refformée deuoient rendre les villes de seureté qui leur auoient esté accordées par le dernier traicté de paix faict auec eux, et craignoient ceux qui vouloient remuer qu'ils y satisfissent et, par ce moyen, que le prétexte de s'esleuer et former leur party ne vinst à leur manquer, ne plus ne moings que celuy du bien public par l'ordre susdict. Partant ils ne furent marris, quand ils sçeurent que la garde des dictes villes leur auoit esté prolongée, ny d'une certaine assemblée qui fut faicte à Montauban, non plus que du voyage en Guyenne de M. d'Espernon et de celuy du sieur de Ségur en Alemagne. Toutesfois je puis respondre que tout ce qui a esté public de celuy du dict sieur d'Espernon pour descrier S. M. a esté artificieusement controuué. Je suis aussi asseuré que l'intention d'icelle pour la dicte prolongation estoit très bonne. Toutesfois comme j'estois lors malade et absent, je n'en puis parler de science comme de l'autre. Mais j 'appellerais volontiers à tesmoing M. du Plessis Mornay, lequel prit la peyne de me venir visiter sur cette occasion, des propos que je luy en tins; comme je ferais feu M. de G***, s'il viuoit, de ce que je luy escriuis sur ce subject après la mort de feu Monseigneur, frère du roy, luy donnant aduis du chemin qu'il me sembloit que le roy que nous appellions lors de Nauarre auoit à tenir pourcoupper l'herbe soubs le

pied aux factions qui se préparaient : à quoy s'employa aussi en inësme temps mondict sieur de Bellieure; ce que nous fismes par commandement du feu roy, mais non sans donner jalousie à aucuns qui n'approuuoient nos conseilz; lesquelz (pour reuenir à mon compte) je me fusse bien gardé de donner tels, si j'eusse esté engagé en la conspiration du dict Salcède; car c'estoit le vray moyen de la renuerser et confondre entièrement les autheurs d'icelle. Mais les jugemensde Dieu sont inéuitables : ce prince estoit très bien aduerty de toutes choses; il recongnoissoit le malheur qui luy estoit préparé non seulement par aduertissemens qui luy estoient donnez, mais aussi par des signes si éuidens qu'il n'en doubtoit quasi point; il nous faisoit leçon tous les jours des moyens d'y remédier, dont il estoit mieux instruict et auoit encore meilleure volonté d'vser que nul aultre; et touteffois il n'en fit rien. Je pourrais citer plusieurs particularités à ce propos dont je m'abstiendray; car je doibs ce silence à mon deuoir. Tant y a que j'estois en ma maison très mal de la fiebure qui m'auoit desià tenu absent de la cour près de huict mois, quand la guerre de la Ligue commença, auec l'aduantage et réputation que chacun sçait. Au lieu de m'y joindre, comme par raison je deuois faire si j'eusse esté de la partye, j'accourus soudain aux pieds de S. M., tout malade et débile que j'estois. De quelle affection et fidélité je la serais, c'est chose qui m'est facile à prouuer par escript et par bons tesmoings dedans et dehors le royaume. En quoy je n'interpelleray pas seulement ceux qui seruirent lors S. M. très fidellement, mais aussi les aultres qui prirent les armes auec M. de Guyse, auxquels il ne cela rien de ses conceptions et intelligences, qui ont depuis seruy le feu roy ainsi qu'ils font encore de présent S. M. Ceux-cy peuuent dire quel estât le dict duc faisoit de moy lors, et ceux là auec quel courage et soin je me bandois auprès de sa dicte Majesté contre luy et ses desseins.

Toutesfois à cause que la paix se fit bientost après et que je fus trouuer la royne mère du roy sur la tin et conclusion (ficelle, aulcuns ont voulu bastir sur cela vne nouuelle conjecture de mon intelligence auec le dict duc. Mais je diray qu'ils ont esté très mal informez de la vérité; car je puis prouuër par lettre escripte de la propre main de S. M., que ce ne fut pas pour ce traicté là qu'elle m'enuoya, et dauantage qu'elle me fit faire ce voyage à regret et contre mon conseil. J'en pourrois quasi dire autant de la négociation de la paix des barricades, où S. M. me voulut employer deuarit M. Miron, son premier médecin ; car je m'en excusay. Mais depuis, S. M. voyant que le dict Miron n'auoit rien aduancé en deux ou trois voyages qu'il auoit faiets, elle m'en chargea, et je l'entrepris exprez pour essayer de la tirer en vne sorte ou aultre de l'incertitude en laquelle «'Ile s'entretenoit et tlottoit entre la guerre et l'espérance de la paix qui ruinoit sa réputation et ses affaires, d'autant que cependant elle ne se préparoit ny donnoit ordre à rien. Mais je puis faire veoir par escripts signez et recongueus de la propre main de S. M., auoir esté si bon mesnagerde ses volontez et commandemens en ceste négociation que j'en ay rapporté de reste : tant s'en fault que j'aye en icelle accordé de moy mesme et sans charge la ville d'Orléans, comme aucuns ont osé dire ( mais seulement après mon bannissement de la cour, que ehacun me couroit sus ainsi que font ces mastins de cuisine à ceux que l'on en chasse, car deuant ils ne l'eussent entrepris, comme, à mon aduis, ils se garderont bien de faire encore maintenant). J'ay en main air^si de quoy les faire rougir, et si Dieu nous a donné vu prince qui ne me condamnera pas sans m'ouïr. Je fus si religieux en cette négociation que je la rendis la plus publicque qu'il me fut possible. Ce que je traictois à Paris auprès de la royne mère du roy estoit délibéré et résolu en la présence de plusieurs personnages de qualité du conseil de S. M. ordonnez d'elle pour l'assister. Dauantage j'y fis

appeler MM. les présidens de la cour; dont je fus parler à M. le premier président, afin d'en estre fortifié quand je retournois deuers le roy après luy auoir dict sommairement à part ce que j'auois négocié à Paris. J'en rendois compte derechef à S. M. en présence des princes officiers de la couronne et aultres seigneurs de son conseil qui estoient auprès d'elle, où elle me déclaroit et ordonnoit sa volonté, laquelle estoit recueillie et mise par escript sur le lieu par M. Bruliart qui me la bailloit après signée de la main de S. M. et contresignée de la sienne. Enfin tout fut traicté par escript de part et d'aultre, tant à Paris qu'à Rouen, en la forme susdicte, excepté les aduantages particuliers que le roy voulut faire au dict duc et à ceux qui l'approchoient, dont elle me déclaroit à part son intention, pour n'apporter jalousie aux siens; mais elle ne laissoit de me bailler cecy par escript, comme le reste, signé de sa main et approuué de quelques mots de mesme, ainsi que je feray veoir quand il sera besoing. Sur tout on a blasmé de cette négociation le pouuoir qui fut donné au dict duc de Guise. Partant je veux vous dire plus particulièrement comment ce faict a passé; car il me semble qu'il importe à la cause.

Quand le feu roy me dépescha la première fois pour ce traicté, il estoit à Vernon. Ce fut le jour de la Pentecosle, je venais de la communion et S. M. y alloit. Le dict sieur Miron estoit arriué le matin, qui ne lui auoit apporté contentement. S. M. me manda et commanda en sa présence de prendre cette commission, et me fist escrire sur le champ sa volonté et mon instruction, laquelle elle dicta ellemesme, présent toujours le dict Miron, et, sur ce qu'il luy disoit auoir appris estre nécessaire de faire pour aduancer les affaires et mesmes faire parler M. de Guyse plus clairement qu'il n'auoit faict; car Ton n'en auoit pas tiré encore que des paroles générales et incertaines dont S. M. estoit très mal satisfaicte. Par ce premier mémoire, ainsi dressé et approuué de la main de S. M., elle me donna pouuoir

d'offrir et accorder en son nom au dict duc la charge de lieutenant-général, représentant sa personne par tout le royaume et pays de son obeyssance. Je partis à l'heure mesme et arriuay le lendemain à Paris; mais je m'aduisay de n'estaller d'abordée ma marchandise, et me coutentay de recognoistre le cours du marché, dont bien me prit; car je trouuay que la royne mère du roy auroit esciïpt à S. M. par le sieur de la Roche, qu'elle auoit descouuert par le moyen de M. de Schomberg que, s'il plaisoit à S. M. adjouster à l'estat de grand maistre de France qu'auoit le dict duc, un pouuoir sur les armes en ce royaume, il se contenteroit et feroit la paix : qui fut cause de me faire tenir encore plus serré; de sorte que le dict duc ne aultre ne sceurent rien de la charge que S. M. m'auoit donnée'; ce que je n'eusse ainsi laissé passer si j'eusse eu tant d'enuie d'agrandir le dict duc et faire ses affaires aux. despens de mon maistre. Car pouuois-je pas luy dire ouuertement ou lui faire sçauoir soubs main ce secret aftin d'en faire son proffit ainsi qu'il pouuoit faire facilement? Car le roy auoit si grande enuie d'esteindre le feu qui auoit esté trop légèrement et mollement allumé qu'il ne reffusoitrien au dict duc de ce qu'il opiniastroit. Et pour le regard des aultres lettres de pouuoir qu'il obtint, elles me furent commandées par S. M. et par moy dressées; mais elle les veit et corrigea plus d'une fois devant que de les arrester et signer. M. le chancelier y mit aussi le sceau; et puis dire qu'elles furent si escourtées et retranchées qu'elles ne luy donnoient guères plus d'autorité qu'à un mareschal de France. Il est vray que telle auctorité entre ses mains estait très-dangereuse pour le roy et pour le royaume, les choses estant en Testât qu'elles estaient; car vous sçauez que chacun estoif, mal content de la conduite et administration des affaires publicques,dont le dict "duc sçauoittrop bien faire son proffit, comme des dicts traictez, que l'on congnoissoit estre faicts par S. M. par nécessité, au grand préjudice de sa ré-

putation (k-dans et dehors le royaume, et non moindre regret de ses bons serviteurs qui congnoissoient que ce chancre mangeroit à la fin le sceptre et la couronne de S. M. sy elle n'y remédioit; de quoi elle estoit très advertye. Tout aultre pou u oit-il conduire celle négociation pour obeyr à S. M., plus candidement et fidèlement que cela? Disposons-nous à souhait des cœurs et des voloni^s de nos roys ? S'il y a eu de la faulte ou du malheur, en doibs-je estre seul coupable et repris, puisque tant de personnes y ont participé, et que je n'ai faict i;ue porter et exécuter les commandements de S. M. à laquelle ce fut moi aussi qui fis premièrement parler ce lieutenant du prévost Hardy, dont fait mention ce satyre, par lequel elle fut pleinement informée des monopoles d'aucuns habitants de Paris avec le dict duc et ceux de sa maison, quelques jours deuant ce retour de Guyenne de M. de Mayenne, dont je fus consulter avec le dict sieur premier président, la royne mère du roy, estant lors en Poictou ? Et vous diray que, si S. M. eust creu qu'en arrestant le dict duc et faisant lors empoigner et chastier ces factieux de la dicte ville, elle eust abattu ou fort affaibli la faction, elle l'eust exécuté, spécialement quand elle sceut que M. d'Aumale auoil pris Dourlens. Mais elle auoit trop mal pourveu à ses affaires pour commencer ce jeu en l'absence de la dicte dame et de sesprincipaulx serviteurs, qui tous quasi estoient aussi absents ; le dict duc de Guyse, armé comme il estoit et peult-estre désireux que S. M. attaquast l'escarmouche pour auoir subject de l'achever, car il n'esloit sans martel du voyage de la dicte dame, laquelle traictoit auec le roy de Nauârre qui estoit lors en Poictou, et de la prise de la citadelle de Valence. Je veis S. M. en cette consultation. En quoy si elle fut trop retenue et considérée, sachez que ce ne fut pas faulte de volonté ny de courage de sa part ny de ceux qui l'assistoient, mais seulement de moyen de mieux faire. Ce n'est pas tout aussi que d'entreprendre (encore que Ton

puisse remettre et donner quelque chose à la fortune en une juste cause, comme vostre Hure nous remonstre par son grand discours), il faut estre préparé et m uni -de moyens comme de résolution, sinon tels qu'il conuient pour du tout assurer son entreprise, au moins tels qu'il y ait apparence d'y plus proffiter que perdre. Faire aultrement, c'est plus tost estre téméraire que courageux, imprudent que bien advisé, désespéré que bien conseillé. Ce sont coups aussi plus propres et communs à un usurpateur qu'à un prince estably de longue main, duquel Tauctorité est plus facile à esbranler qu'à renverser; lesquels, en tous cas, doiuent procéder plus tost du propre mouuement d'un maistre que d'un seruiteur, lequel se doibt contenter de luy mettre le doigt sur la playe, luy dire en homme de bien son aduis du remède, et après, exécuter fidèlement ses commandemens: encoresn'éuitera-t-il pasquel'on ne mesure ses conseils plus tost aux éuénements qu'aux raisons sur lesquelles ils ont eslé premièrement donnez et approuvez. Souvenons-nous combien le feu roy cuidoit auoir bien dressé sa partye aux barricades de Paris et depuis aux Estats de Blois. Il croyoit auoir si bien pourueu à l'une et à l'autre exécution qu'elles estoient sans péril. Il m'appela à la résolution de la première, et nestois plus auprès de lui à la dernière. Maisc'estoit quasi félonnie que d'apporter desdifficultez et considérations en celle-là, tant on l'avoit asseuré qu'il n'en pouuoit mésaduenir; mais il veit et esprouua qu'il s'estoit mescompté, et ceux qui Pauoient conseillé, dont je sais qu'il se repentit deuant quasi qu'elle fust consommée. On dict aussi qu'il en fut de mesme de l'aultre, quelque temps après l'auoir exécutée; ce qui ne fust aduenu à mon aduis, s'il n'eust entrepris à demy, comme il fit, l'un et l'aultre faict, ou si on ne luieust représenté à demy les accidents qui en pouuoient succéder, car il s'y fust mieux préparé ou résolu, ou il ne s'y fust embarqué siauant; mais c'est la coutume quasi de tous les courtisans de flatter leurs maistres en leurs désirs et

appétits, autant quelquesfois par ignorance ou pour s'en préualoir, que par imprudence ou indiscrétion, n'ayant esgard à leur naturel; dont il arrive de très grands inconuénients ; car, comme le bon médecin doit considérer auec la maladie la complexion de celuy qui a besoin de luy, deuant que d'ordonner du remède, il fault aussi qu'un seruiteur, appelé pour conseiller son maistre, non-seulement prenne garde que ses conseils soient justes, mais qu'il en soit capable; aultrement, il sera difficile qu'ils opèrent heu-* reusement. C'est, à mon aduis aussi, la plus seure et utile science qu'un courtisan puisse acquérir, pour bien seruir son prince, que de congnoistre son humeur et son courage, pour s'y accommoder, non comme ilatteur, mais comme prudent, affin que ses conseils et seruices soient plus utiles à la fin qu'agréables du commencement.

Or. Monsieur, reprenant mon propos, je diray donc que sy, pour obéyr au feu roy, je me suis nieslé de cette paix, auec les aultres qui ont été employez qui estaient d'aultre estoff'e que moy, ores qu'il en soit mal aduenu à S. M. et à ses ministres, on ne doit pourtant inférer de là que j'aye trahy mon maistre et vendu mon pays aux Espagnols. Si tel argument estoit receuable, Ton me pourroit, par mesme raison, justement accuser de pareil crime enuers les Anglois pour auoir traicté la pais de Bergerac et les articles de Flex auec ceulx de la religion prétendue reformée, ez années 1577 et 1580; car j'en fus le principal négociateur sous l'auctorité de monseigneur frère du roy et de feu monseigneur le duc de Montpensier, grand père de celluy cy, voire plus absolu qu'aucun aultre, comme sçait le roy, auec ceux qui l'assistoienl lors. Peult estre aussy que ce médisant réserue ce subject à vn aultre temps qu'il estime qui sera plus propre à le mettre en besongne, comme font ordinairement ces sortes de bouffons qui se déguisent et transforment selon le cours d'iceluy, plus adonnez à leur proftit que ne sont les charlatans qu'il nous représente au

commencement de son liure. Voila ma response à son premier argument.

Passons aux deux aultres, lesquelz il peult fonder, comme j'ay dict, sur mon bannissement de la cour et ma retraicte à la Ligue, disant que le feu roy ne se fust iassé de moy ny chassé au fort de ses affaires,, et lors qu'il vouloit se deffaire des chefs de la Ligue, s'il n'eust recongneu en moy quelque tare ou infidélité, veu la générale congnoissance que j'auois de ses affaires dedans et dehors le royaume; et dauantage que je ne me fusse retiré à Paris après sa rébellion si j'eusse eu le cœur net. Ces raisons joinctes ensemble sont certainement très apparentes et fortes.

Je responds à la première que je veux croire, comme les autres, que S. M. ne m'eust donné congé, comme elle fit, si elle n'eust eu de moy quelque deffiance et mauuaise oppinion, soit qu'elle creust que j'estois affectionné ou trop indulgent à ses ennemis, que je n'eusse approuue le conseil qu'elle auoit pris contre eulx, ou pouuoir mieux conduire ses affaires quand je ne m'en meslerois plus; car ce prince estoit trop bon et équitable pour, à mon aduis, me traicter ainsi qu'il fit, sans croire en auoir occasion, après l'auoir serui si longuement et confidemment que j'auois faict. Touteffois il fault que je die qu'il me semble qu'il eust faict beaucoup mieux, pour son seruice et pour la justice, de me faire rendre compte de mes actions, deuant que de me licentier, pour me punir et faire seruir d'exemple aux aultres, trouuant que je l'eusse mérité, au lieu de me laisser, comme il fit tous ceulx qui eurent le billet comme moy, jouir de mes commoditéz sans me dire aultre chose ne faire distinction des bons et des meschans; car ce chemin n'est pas, comme vous sçauez, ordinaire en la justice, ny celuy qu'vn prince doibt tenir pour estre bien seruy. Celuy qui dissimule ou chastie à demy vne infidélité mérite et est subject d'estre vne aultre fois trahy tout à faict. C'est trop ou trop peu punir vn seruiteur que de le traicter ainsi.

C'est bien vn affront, si affront l'on penlt receuoir de son roy et souuerain seigneur, niais non vue condamnation légitime, laquelle doibt estre précédée d'vne conuiction, comme je pris la hardiesse de remonstrer à S. M., après auoirreceu son commandement. Or, comme je ne fus seul licentié, cette raison ne peult agir contre moy seul, ny estre suffisante pour marquer de la desloyauté, non plus que les aultres qui estoient aussi nécessaires à S. M. que moy et la seruirent aussi très dignement.

Mais l'on adjouste que j'ay depuis esté de la Ligue, ce que n'ont esté les aultres. C'est icy l'acte qui auctorise mes malveillans et qui donne auec raison plus de crédit à leurs médisances, comme le champ auquel véritablement ils trouuent plus à moissonner contre ma réputation. Car encore que mes actions et seruices, depuis l'exécution de Salcède jusques à ce que je sois entré en la dicte Ligue, m'ayent deub purger de ceste accusation, néantmoins j'excuse aucunement ceulx qui y ont eu esgard et m'ont jugé coupable me voyant en ce party ; car certainement j'aduoue que je deuois plus que nul aulfre fuir ce gouffre, comme je proteste deuant Dieu et les hommes que j'eusse faict si j'eusse cogneu pouuoir sauuer ma vie sans faire ce sault. Qu'ainsi ne soit, après la mort de M. de Guyse, voyant lesrenmemens qui se préparoient, j'escriuis à M. de Rambouillet et à M. de Reuol de me faire ce bien que de sçauoir du feu roy si les miens et moy pouuions le seruir de quelque chose, afin de m'en aduerfir; d'autant que S. M. ne nous auoit encore honorés d'aucun commandement ainsi qu'elle auoit faict quasi tous ceulx qui auoient en ce royaume semblable charge que mon père auoit au Vexin-le-Franeois et moy à Corbeil, Tasseurant que nous y obéirions fidèlement; et que, si S. M. nous en estimoit indignes, il luy pleust au moins nous donner vne sauvegarde pour demeurer seurement en nos maisons, et à moy un passeport pour sortir du royaume. Mais mon malheur

fut tel que j'attendis près de trois mois leur response sans la receuoir : durant lequel temps il aduint que mon Hls qui estoit à Lyon, désespéré de sa fortune, voyant que le feu roy auoit donné à vn aultre le gouuernement de la dicte ville après la mort de M. de Mandelot duquel il auoit espousé la fille, sur l'asseurance d'iceluy, comme jeune et très mal conseillé, se joignit à la rébellion des habitans de la dicte ville, dont je sceus que S. M. n'estoit pas si indignée contre luy que contre moy, croyant que je lui eusse faict faire cette folie. Et combien que j'en fusse du tout innocent, comme je puis prouuer, toutesfois il est certain que je fus si estourdi et intimidé de ce coup que, ne sçachant plus à qui recourir, je me retiray à l'heure mesme en la dicte ville de Taris, où quatre jouib après je receus par le moyen du dict sieur de Reuol le susdict passeport de S. M. pour sortir du royaume, excusant le retard d'iceluy sur l'absence de la cour de M. de Rambouillet, et sur ce qu'il n'en auoit osé parler seul à S. M. Mais j'estois desià engagé. Toutesfois je me retiray incontinent en ma maison des champs; et, quelques mois après, fis supplier S. M. de me remettre cette faulte et me reprendre en sa protection, lui faisant remonstrer qu'elle auoit peu conguoistre par le traictement que M. de Nemours auoit faict à mon fds, lequel il auoit chassé de Lyon, qu'il s'estoit laissé enuelopper dans la désobéissance des dicts habitans, plus tost par légèreté et imprudence que par dessein ; mais cette grâce me fut refmsée tout à plat, encore que le roy qui est de présent eust pris la peyne d'en parler à S. M. à la recommandation de feu M. de Chastillon, au bon naturel duquel je deuois, comme je fais à sa mémoire, ce bon office. Les biens de ma maison et tous mes estats et offices auoient aussi esté donnez et expédiez, et estois menacé d'y laisser bientost la vie et l'honneur. Voilà l'eseueil de mon deuoir, naufrage contre lequel je me perdis tout à l'ait auec les miens quinze jours seulement ou trois sepmaines deuant la mort du feu roy,

LETTRES ET PIÈCES DIVERSES. '..il

que je me sauuay à Paris auprès de M. de Mayenne, abandonnant le reste à la fortune.

Monsieur, vostre nu sine Hure ' nous aduertit certes très justement que les interests particuliers ne peuuent excuser ceux qui adhèrent aux autheurs de la calamité publicque : toutesfois après, comme expérimenté, il nous pose des cas qu'il estime dignes de quelque considération et excuse: entre lesquels si celuy que je vous représente icy m'auoir forcé de franchir ce sault mérite d'eslre compris, je vous en remets le jugement, et vous supplie m'en mander vostre aduis; car c'est de présent le secours que je désire et demande de vostre vertu et amitié. Pour le moins suis-je asseuré que vous le trouuerez à son commencement, au milieu et à la fin, moins accompagné d'ambition et d'auarice que d'infirmité de nature ; laquelle nous oblige d'auoir soin de nostre estre et de la conseruation de nos pères ei enfans sur toute chose. Les lois aussi ne punissent si séuérement cesfaultes que nous commettons en nostre corps dépendant, ou combattant pour le salut et pour la vie des nostres, que les aullres: et, comme mou père et mon fds estaient plongez dedans l'abisme de ma misérable fortune, quand je n'eusse este transporté du péril de moy uiesme, encores m'eust-il esté honteux de les abandonner en celuy qu'ils couroient pour ma considération. C'est donc là la pierre qui m'a faict culbuter: car je ne me suis jamais paré du bouclier de la religion comme d'au l très, non par faulte de zèle et de piété dont je ne veux céder à personne, mais pour ce que je soavois que le feu roy nWectionnoit pas plus la conseruation de sa vie que celle de nostre religion : de quoy je luy auois veu rendre de si notables prennes (pie j'eusse esté trop meschant d'eu doubler et de me joindre à la Ligue pour cette considération, laquelle encore ne m'y a retenu depuis sa mort, encores que ce prétexte seuiblast auoir plus