De la Constance et consolation es calamités publiques

de lustre que deuant, à cause de la religion que le roy souloit faire profession, car j'ay dès le commencement trop bien recongneu le but des Espagnols et des autheurs de ces remuemens pour m'y laisser abuser. Vous sçauez aussi que je l'ay descouuert et publié de bouche et par escript des premiers; et, lorsque c'estoit crime ou péril d'en parler, je le dis au cardinal Cajetan, quand il vint en France, et que la conuoitise des dicts Espagnols auroit bien plus tost ruiné la religion que leur forces n'auroient conquis le royaume. Chacun l'a sceu; les gens de bien m'en ont loué, et les aultres, jusques à certains prédicateurs, m'en ont descrié publiquement.

Or venons maintenant à compte. Est-il vraysemblable, Monsieur, sy du temps du feu roy que rien ne me manquoit, j'eusse mendié la faueur et les doublons du roy d'Espagne, au péril de ma vie et de mon honneur, que je les eusse ainsi mesprisez, estant engagé en leur party et auoir faultede tout, quand il n'estoit pas seulement loisible mais jugé quasi de tous honnorable de s'en préualoir, leurs bourses et leurs armes et desseins n'estant encore descriez comme ils ont depuis esté. Le roy et ses seruiteurs ont peu descouurir aussi, par plusieurs et diuerses despesches des ministres du pape et du dict roy d'Espagne qui ont esté prises, s'ils se tioient en moy et en quel prédicament ils me tenoient. Qui a plus conseillé, recherché et poursuivy la paix que moy? Si je ne l'ay faict heureusement, s'en suit-il que je l'aye faict malicieusement, comme l'on me l'a reproché? J'y ay contribué en homme de bien, tout ce qui a esté en ma puissance depuis le premier jour jusques au dernier, deuant et depuis la conuersion de S. M., sans auoir jamais varié ny changé de dessein et conseil, quoy que l'on ait dict de moy de part et d'aultre et me soit aduenu. Et, combien que ma poursuitte n'ait produit le fruiet que les gens de biendésiroient, peut estre qu'elle n'a esté si inutile au seruice du roy et du publicq qu'elle mérite d'estre blasmée comme

LETTRES ET PIÈCES DIVERSES. i i:5

elle est; car, par le moyen (ficelle, le masque a esté leué, et a-t-on recongneu ceux qui ne voulaient pas la paix et leur dessein; ce qui n'a de peu serui à S. M. ny au royaume. .Tant y a que je me suis à la tin résolu de faire en particulier auec les miens ce que je conseillois et poursuiuois que le publicq fîst ensemble, affin de gagner par mon exemple ce que par mes raisons je n'auois peu faire ; car j'ay esté des premiers de la Ligue à recongnoistre le roy après sa conuersion et à conseiller à tous mes amis d'en faire autant, estant désespéré de la paix publicque. Quoy pouuois-je faire mieux pour expier la faulte que j'auois faicte en mon corps deftendant, me justiffier de la déposition de Salcède et de toutes mes intentions passées. Je pourrois encore icy vous représenter plus particulièrement les tours el retours que j'ay faicts en la poursuitte de la dicte paix, les conseils que j'ay donnez de bouche et par escript, les injures que j'ay aualées et les pertes que j'y ay faictes, pour mieux vous esclaircir de la sincérité de laquelle j'y ay procédé; et que, s'il y a eu de la tromperie, je n'y ay eu part ains regret et dommage. Mais ce discours seroit trop long ; il mérite d'estre escript à part; et espère, auec l'aide de Dieu, vous le faire veoir quelque jour.

Donc, Monsieur, puisque du temps du feu roy dernier décédé et du feu roy Charles, son frère, que j'ay seruis l'un après l'aultre auec quelque crédit et faueur, l'ambition et l'auarice ne m'ont aucunement commandé , que personne en la Ligue ne s'est opposé aux desseins des Espagnols si ouuertement que moy, n'a plus conseillé ny recherché plus franchement la paix du royaume, que j'ay faict depuis le commencement jusques à la fin; que j'ay esté des premiers à recongnoistre le roy et luy promettre et jurer fidélité après sa conuersion; que je n'enuie encore de présent aucune charge publicque ny les biens d'aultruy, me contentant de viure en ma maison soubs la protection et obéissance de S. M., prest d'exposer ma vie et Tes biens

qui me restent, comme font les miens, à l'exécution de ses commandemens comme son très fidèle subject, quel droit ont ces enuieux de me despeindre et descrier tel qu'ils font? Je ne sçay, s'ils eussent couru ma fortune, s'ils eussent eu le courage et l'entendement d'en sortir plus nettement quej'ay faietpar la grâce de Dieu et de S. M., laquelle m'a faict l'honneur de m'asseurer d'en auoir contentement, et, qui plus est, me le faire paroistre par les effects de sa libéralité comme de sa clémence.

Que n'imitent-ils au moins sa prudence, s'ils ne peuuent imiter sa boute? Quoy! veulent-ils, en controllant les actions de S. M., estre estimez d'vii chacun, aussi maladuisez que malicieux? Ils Guident, en bouffon nant et mesdisant, estre tenus pour galans hommes et affectionnez au seruice du roy. Mais ils ne considèrent pas, aueuglez. de passion, qu'en offensant des particuliers ils peuuent nuire grandement au seruice de S. M. et au publicq; car quel courage donnentils de poser les armes et recongnoistre le roy à ceux qui ne l'iint encore faict, de leur faire veoir, par ce liure qui se vend publiquement au palais ou l'on dict qu'il a esté forgé, les aultres qui leur ont tracé le chemin seruir maintenant de jouet à tels bouffons, estre tenus et chantez pour bons traistres, sans auoir esgard à leurs seruices et mérites: eulx dis-je, qui n'ont quitté le party que pour s'acquitter de leur debuoir entiers le roy et leur pays. Certes il est tout besoing que la vertu et le bonheur de S. M. supplée à leur imprudence pour ranger à la raison ceux qui restent; et croy qu'ils sont du nombre (qui n'est que trop grand) de ceux qui craignent, pour leurs maléfices, l'entière restauration du royaume et le parfait establissement de S, M. Voyonsnous pas qu'ils taschent , par tous moyens et artifices, à desmouuoir S. M. d'y plus employer sa honte, blasmant trop indiscrètement les conseillers de la paix publioque et de la douceur qui sont auprès de S. M., dont ils l'admonestent de se garder, aftin qu'il ne luy en aduienne

comme au feu roy qu'ils ont seruy? Pouuoient-ils parler plus clairement pour se faire congnoistre auec leur ambition et mauuais courage! Quoy! la prudence et bouté de S. M. lui ont-elles si peu valu depuis six mois, qu'elle se doiue ainsi repentir d'en auoir vsé, et sur cela préférer le conseil de tels gens à celuy de tant de personnages d'honneur qui Font assistée et dont elle s'est si bien trouuée? La ville de Laon luy couste-elle si peu et à son royaume que S. M. doiue auoir regret au marché qu'elle a faict des aultres? 0 imprudente malice! encore ne se contentent-ils pas d'offenser ceux qui ont abandonué la Ligue, ny d'effaroucher les aultres qui en sont, ils en veulent encore à quelques vus qui seruent S, M. peult estre plus fidèlement qu'eulx, comme s'ils auoient mal au cœur de veoir ce roy prest à sortir d'affaires, et pour ce vouloient de bonne heure luy préparer besongne nouuelle, pour pouuoir continuer à pescher en eau trouble et exercer leurs passions, se donnant fort peu de peyne du péril que court S. M. et de tant de princes, seigneurs et gentils hommes qui l'assistent en ses armées, non plus que de la ruine du peuple et des désordres que nourrit la guerre, pourueu qu'ils viuent à leur aise sans participer à tels dangers, ny contribuer aux frais de la guerre. Si je sçauois leurs noms, comme par leur hure je recongnois leur malice, je parlerois plus clairement et dresserais vn tableau de leur vie qui seroit plus véritable et peult estre aussi plaisant que celuy par lequel ils m'ont voulu figurer et calomnier, encore que je sois mal duict à cette lutte pour auoir toute ma vie faict prouision d'honneur et non de mots de gueule, dont leur ouurage est tarcy. Monsieur, si d'auenture vous les connoissez, je vous prie, par charité et en recongnoissauce de ce qu'ils parlent de vous auec honneur, encore que ce ne soit qu'à demy, leur faire sçauoir et remonstrer non le tort qu'ils me font (car c'est trop peu de chose) mais celuy que, par leur indiscrétion, ils font au seruice du roy et au publicq, en offensant

et attaquant tant de sortes de personnes qu'ils font. Car, combien que ce royaume ait, par la grâce de Dieu et le bonheur de S. M., repris aucunement ses esprits, si est-il encore si débile et atténué qu'il a tout besoing de repos et d'un bon régime pour recouurer sa première santé. Ne voyons nous pas que ses veines sont encore pleines de sang infect et corrompu, et qu'il est nécessaire de rafraischir et tempérer les partyes nobles d'iceluy plus tost que les altérer et aigrir, comme ils s'estudient de faire. Si du temps du feu roy, au lieu d'employer le cautère, le feu et la violence, les ecclésiastiques les premiers, et après eulx les officiers de la justice et des finances se fussent bien refformez, nos maulx n'eussent pas si auant ny tant duré qu'ils ont faict. Au moins soyons sages par expérience et à nos despens, si nous ne l'auons peu ou pouuons estre par raison et prudence ; car certainement rien n'a tant engendré, ny excité les factions qui ont troublé Testât, ny tant entretenu et nourry nos divisions que le peu de soingque l'on a eu de cette réformation, ayant tous mieux aymé hazarder nos rois et nos royaumes, pour jouir de nos plaisirs et commoditez aussi licentieusement que de coustume, que de nous en relascher et desdire d'vn seul poinct. Et, combien que chacun en ait esté chastié à son tour, voire que le ciel et la terre nous menacent encore d'vne nouuelle tempeste, où sont ceulx qui mettent la main à se radouber en s'amendant et refformant comme ils devroient pour s'en garantir? Je dis que les prélats et officiers qui manquent à ce deuoir méritent vrayment le nom de proditeurs de leur pays ; car quand Dieu aurait faict la grâce à S. M. de luy donner vne entière victoire sur tous ses ennemis, si sera il difficile qu'il en jouisse pleinement, que l'on n'ait pourueu à la religion et aux abus trop communs qui régnent en l'administration de la justice et des deniers publicqs; car aduertissemens sont communs et congneus de tous, mais l'exécution en est encore plus preignante et nécessaire, et toutesfois plus inespérée.

Si tout ainsi que S. M. trauaille sans cesse et sans espargne auec sa noblesse au recouurement et restablissement de son auctorité royale^ lesaultres commençoient aussi, ne pouuant mieux faire, à disposer et préparer en leurs charges les moyens d'affermir et asseurer ses victoires par une générale réconciliation et réunion de tous les subjects auec la règle de justice en toutes choses, en semant d'exemple d'équanimité, bonté et prudence à vn chacun, ils emploieroient le temps plus honorablement et vtilement qu'aucuns ne font à se partialiser et exercer leurs passions si publicquement et honteusement qu'ils font au grand scandale d'vn chacun et aux despens du seruice du roy, de la vie et personne duquel ils feront, par effect, paroistre auoir plus de soing et de crainte qu'ils ne publient par leurs escrits ; car c'est le vray moyen de destruire la Ligue tout à fait, et tirer S. M. des ordinaires dangers de la guerre en laquelle il semble qu'ils la veuillent perpétuer.

Je prie Dieu, Monsieur, qu'il vous conserue en parfaicte santé. Escript ce premier jour d'aoust 1594.

Vostre très affectionné seruiteur et amy.

De Neufuille.

RESFONSE DE DU YAIR A VILLEROY.

... 1594. —Du Vair partage l'indignation de Villeroy, lui annonce que les exemplaires injurieux sont supprimés, le console en opposant aux censures de la malveillance l'opinion des gens de bien, et se cite lui-même en exemple pour prouver que nul ne peut échapper a la malignité et à l'envie.

Monsieur, vous me faictes beaucoup d'honneur de descharger vos plainctes en mon sein, et plus encore de me

rendre arbitre de vos actions passées. Pour le premier, je vous diray que j'ay senty vostre mal deuant vous et ma voix vous a serui à en faire la première plaincte, si juste certes que je n'ay trouué personne qui ne l'ait receue auec regret de vous veoir si indignement traicté. Ceux mesmes de qui j'auois quelque soupçon de sçauoir qui estoient les àutheurs de cet escript, le confessoient ainsi, et alléguoient pour toute excuse, qu'il auoit esté imprimé à Tours auant la réduction de Paris, auquel temps on tenoit tout estre lieite contre ceux qu'on tenoit pour ennemis. Enfin je les voyois tous d'accord qu'il falloit supprimer cela et, sur ma seule remonstrance, il y fut mis ordre. J'eusse fort désiré que cela eust été tellement exécuté que vous n'en eussiez point eu la veue et, pour moy, je n'eusse jamais esté d'aduis de vous le faire veoir puisque tout ce qu'on y pouuoit apporter de remède se pouuoit faire sans vous, et que la veue ne vous pouuoit apporter qu'vne très-juste indignation, qui auoit pour son plus grand effect vn despit et courroux contre personnes que vous ne congnoissez, ou qui, en tous cas, sont indignes de vostre colère. Or, Monsieur, puisque vous m'auez choisi pour m'ouurir vostre cœur sur ce subject, et que je doibs, par l'obligation de l'amityë dont il vousplaist m'honorer, participerai! ressentiment que vous auez de cette injurieuse atteinte, ayant tasché d'y apporter le remède en ce que le mal estoit hors de vous, je doibs, ce me semble, essayer aussi de le faire en ce qui en demeure en vous. Ce n'est pas assez de chasser la mousche de dessus la main de l'enfant, si on ne tire puis après Pesguillon qu'elle y a laissé, qui enfle la chair et enuenime la peau; car bien que vous ayez de longue main donné loy à vos passions, si vous veois-je, par cette lettre, beaucoup esmeu et anime; et lors j'entre en considération en moy-mesme qui en peult être la cause. Qu'.vn homme de bien, ne doiue estre fort sensible en son honneur, je l'aduoue, qu'il ne doiue purger les calomnies dont on le

veull tacher, je l'approuve ; mais qu'il doiue indifféremment s'offenser des injures qui sont jettées en public sans autheur, mesmes celles qui sont générales et par forme de bouffonnerie, c'est de quoy je suis en doubte. Qu'elles ne soient fort blasmables, que le public irayt grand interestde lés réprimer , que le magistrat ne s'y doiue opposer, c'est chose trop claire ; mais que pour nous il nous faille esmouuoir de tels subjects, je ne puis, le comprendre. Quoy donc ! il sera en la puissance de tous les bouffons et plaisans du monde de vous apparier à eulx, vous faire descendre au pair auec eulx et vous contraindre de les receuoir pour partyes et entrer en deffense contr'eulz ! Voyez combien vous vous offenseriez en vous pensant deffendre : car il est sans doubte que, depuis que vous venez à demander raison d'vn homme, vous vous égalez aucunement à luy, et constituez celuy qui vous escoute par dessus vous et celuy dont vous vous plaignez. Je veois, entre nous, parmy la pernicieuse licence qui y règne d'appeler les hommes en duel, qu'il y a quelqu'exception : l'on dict qu'il n'est pas gentilhomme, je suisd'aultre qualité que luy. L'on demandoit à Alexandre le Grand pourquoy, veu qu'il estoi! si désireux de gloire, il n'alioit combattre aux jeux olympiques : « Faictes-y, ce disoit-il, trouuer d'aultres Alexandres et j'iray. » Il est sans double que nous ne nousdeuons commettre, pour quelque subjeet que ce soit, qu'auec ceux dont la contention nous peult estre honorable et la victoire glorieuse; et, quant aux aultresqui sont incongneus ou bien bas au dessous de nous, il n'y a point de vengeance si séante et si asseurée que le desdcin et le mespris. Toutes ces injures-là ne nous offensant qu'en ce que nous les îvcongnoissons, si nous les négligeons, elles ne nous touchent point.

Mais, Monsieur, si j'osois aussi librement parler à vous comme je pense, et que le respect que je vous doibs. ne retirast point la hardiesse que me donne l'amityé dont vous me fauorisez, je vous dirois que vous estes bien délicat de

refuser la condition commune de tous ceux qui ont esté signalez pour auoir grande part au gouuernement des affaiïres publicques. Quant à moy je n'en ay encore jamais remarqué vnqui se soit peu exempter de réunie et calomnie qui sont continuellement attachées aux aduenues des grands maniements d'affaires, pour abboyer ceulx qui y entrent et deschirer leur réputation. C'est chose indivisible que le gouuernement et la calomnie ; et n'y a tiltre d'honneur ny puissance si illustre qui en exempte les hommes. Les rois y sont les plus subjects, et pour ce, est-ce vn ancien proverbe que c'est chose royale que bien faire et mal ouïr. Quoy donc! ce qui s'obserue en tout temps n'aura pas lieu pour vous en cette triste et calamiteuse saison où la licence est extrême, où les misères qu'endurent les hommes aiguisent leurs langues et font creuer leur fiel de colère ! Qui veoit le mal et l'endure ne sçait à qui s'en prendre. Comme les frelons irritez s'attachent à ce qu'ils trouuent de plus apparent, la calomnie a toujours esté et sera toujours au monde et donnera toujours à ce qui sera pluséminent. Et, pour ce, qui sera eleué à vn grand maniement n'a non plus de droit de s'en plaindre qu'vn bâtiment éleué d'estre souvent battu du vent. Mais, Monsieur, vous auez bien peuproffité en l'expérience du monde si vous sentez estrange de sentir la détraction. Auez-vous perdu la mémoire du lieu d'où nous venons de sortir ? ne vous souuenez-vous plus d'avoir veu dans Paris cinquante chaires qui estoient autant d'escolles de mesdisance, armées du respect de la saincteté et de la religion ? n'en auez-vous pas senty les effects? Ceux-ci peuuent-ils quelque chose de nouueau après ce que ceux-là ont vomy contre vous et contre nous ? Encore fault-il enfin s'accoustumer à ce qui ne se peult éuiter. Les chirurgiens disent que les cicatrices sont plus dures à entamer que n'est pas la peau qui n'a point esté entamée. Aussi fault-il que nos esprits qui ont esté tant et tant touchez s'endurcissent, mesmes quand ils sont appuyés sur vue saine et entière

LETTRES ET PIÈCES DIVERSES. i(il

conscience qui par la solidité repousse tout ce qui la vient heurter et enrejecte le conp sur celuy qui luy darde. Vous l'auez, Monsieur, et, oultre le témoignage que l'intérieur de vostre âme vous en rend, vous auez celuy de tous les gens d'honneur qui vous le continuent. C'est de ce jugement là que vous deuez faire cas. Tout le reste n'est rien. Si passant par la rue vous oyiez des crocheteurs qui vous condamnassent, vous n'iriez pas prendre vn relief d'appel de leur jugement; vous diriez simplement : qui sont ces fols-là? Vous vous en ririez. La qualité et l'autorité de ceux qui jugent de vos actions sont celles qui vous doi tient rendre sensible à leurs jugemens et vous émouuoir à vous en deffendre. D'un costé, les gens de bien vous louent et vous estiment; de l'aultre, il y a du vulgaire qui mesditde vous. Vous négligerez la voix de ceux-là pour vous arrêter à celle de ceux-ci. Vous ressembleriez aux malades qui rejectenl de bonnes viandes pour vser des mauuaises, ou à ce marchand de Chios qui auoit sa caue pleine de bon vin et en alloit acheter d'aigre et esuenté pour son dîner.

Monsieur, j'apperçois à plus près ce qui vous empesche et vous donne de la peyne. Vous considérez en cette grande confusion, de laquelle à peine sommes-nous sortis, vn estrange désordre. La tempeste qui certes a esté étrange a tellement emporté les hommes, qui deçà, qui delà, hors de leur route, que tous ceux qui sont jaloux de leur honneur ont vne juste crainte que les gens de bien ne leur imputent les faultes de la fortune et leur facent porter le blasme qui est deu à la violence et au malheur des temps. Voilà pourquoi vous désirez rendre raison de vos actions et sçavoir de moy comme les aultres les prennent; car si vous ne demandiez que mon jugement, je croy, Monsieur, que vous l'auriez assez appris, connoissant combien je vous estime et honore. A la liberté où je suis nay, je ne pourrois ny aymer ny vénérer ce que je ne penserois pas en estre digne ; et n'en estimerois digne celuy en qui pour-

roit tomber ce reproche que ceux dont vous vous plaignez vous ont voulu donner. Pour vous esclaircir donc de ce que vous pouvez désirer en cela de moy et apprendre par ma voix le sentiment des honnestes gens auec lesquels j'ay a< quis quelque grâce,, essayons de les imiter. Je n'en ay jamais veu qui tissent grand cas de la déposition de Salcède, je dis lors que ce bruit estoit tout récent, qui est lors qu'il prend force et vigueur de la nouueauté et s'imprime «U an t qu'on ait loisir de le diuertir ou dissiper par la vérité. Pourquoi ? Parce que vous estiez vn second roy en France, qui n'aidez borne en vostre auctorité que celle que vostre prudence et modestie y mettoient. Quelle apparence y eust-il en que celuy qui ne peult rien profiter au changement, le désire et conspire la ruine du maistre duquel appen doit sa grandeur, et du pais où il a tant de biens et de richesses acquises ? Vostre éloisgnement de la cour fit à la vérité penser à beaucoup de gens que le roy se deffioit de vous, mais estant enueloppé auec tant d'aultres, les plus aduisez jugèrent que cette deffiance n'estoit sinon qu'il vouloit prendre quelque nouueau conseil plus conforme à la jalousie qu'il auoit de son estât qu'vtile peult estre au bien de ses affaires. Pour moy, Monsieur, de si longtemps que je me suis mis à contempler les actions du monde, j'ay appréhendé la fortune de ceux qui sont au maniement des affaires, lesquels je n*ay point trouué d'anltre condition que ceulx qui flottent en haulte et profonde mer à la mercy des vents, qui ont à craindre Pair, Peau et la terre; car les éuénements des affaires qu'ils manient deppendent de tant et tant diuerses rencontres que je ne veoy rien en leur puissance que les conseils. Encore comment? Ils ne sont pour la plus part du temps qu'exécuteurs de ceulx d'aultruy, et comme les médecins portent le blasme de l'intempérance des malades, les affaires les entraînent le plus soutient et font ce qu'ils ne voudroient nullement faire. Ce que j'ay plus remarqué en vostre fortune de ce que j'ay peu congnoistre, et peult

estre m'y puis-je tromper comme la regardant de loing; on tient, Monsieur, que vous auez este introduict aux affaires par feu M. de Moruillers, auec lequel comme vous estiez noue d'alliance, ainsi vous estes-vous lié de desseins et de conseils Personne de ceux qui l'ont cogneu n'a nié que ce n'ait esté vn des plus suffisans et plus prud'hommes qui ayent approché les roys de nostre temps ; et croit-on que si toutes choses eussent esté à sa disposition et à la vostre, vous eussiez choisi les conseils les plus propres pour asseurer et affermir l'estat menacé de long temps. Mais quoy! souhs la minorité des roys, les princes du sang, ayant commencé à remuer et, pour ce faire, pris vn prétexte contre l'ancienne religion et produit des effects contre l'auctorite des rois, il a fallu de nécessité cpie ceux qui vouloient fidèlement seruir les roys et l'estat leur feussent contraires et par conséquent demeurassent vnis auec la royne mère du roy et ceulx de la maison de Lorraine qui en apparence maintenoient l'obéissance des roys. On pourroi t dire que de sages et bons conseillers deuoient en cela tempérer les choses et empescher que les princes du sang qui sont, les vrais estançons de Testât ne fussent traictez de façon qu'ils s'aliénassent entièrement , et fissent place à des estrangers qui ne se pourraient aggrandir qiTauec la ruine de Testât. Mais, oultre que cette division formée par vn si grand remuement apportoit de la deffiance et de Taigreur entre ceulx qui estoient desià diuisez, la royne mère et Messieurs de Lorraine auoienttant d'auctorité et de puissance, que de penser s'opposera leurs desseins, c'eust esté taire naufrage de gayeté de cœur. Tout ce que pouuoient faire ceux qui désiraient le bien esloit de retirer en la personne du prince l'auctorite, et empescher que ceux qui commandoient soubs sa faueur ne corrompissent entièrenieiit Testât. MonsieurdeL'Hospital, chancelier de France, qui voulut plus courageusement conseruer l'auctorite des princes et tendre à une réconciliation, fut incontinent em-

46i APPENDICE. '

porté du torrent, et donna vn signalé exemple aux aultres qu'd falloit rompre ou ployer. Le premier ne pouuoit seruir au public et ruinoit assurément celuy qui le faisoit, il ne restoit donc que le second. Le cours des guerres aigrit toujours les esprits : les crainstes et deffiances de la royne mère la séparèrent toujours dauantage des princes du sang, la rallièrent auec ceulx de Lorraine qui auoient suyui les rois. Ces mesmes passions-là passèrent aux rois quand ils furent en aage ; qui, voyant les princes de leur sang armez contr'eux, ne les purent tenir que pour leurs ennemis, faisant ce qu'ils pouuoient pour les ruiner, où ils engagèrent leurs plus spéciaux seruiteurs et conseillers. Plusieurs ont estimé que la royne, se souuenant de ce qu'elle auoit faict contre le roy qui est aujourd'huy et contre le feu prince de Gondé, voyant que le roy deffunct n'auoit pas d'enfants, auoit jette l'œil sur ses neueux de Lorraine et tracé en son esprit le chemin pour les esleuer à la couronne, et engagé à ce dessein tous ceux qui luy auoient obligation. Et à tout cela je n'y trouue rien d'estrange et n'estime pas que ceux qui en discourront sans passion et comme nous ferions des histoires passées, y trouuent rien à blasmer dauuantage que la faulte de ceulx qui, s'armant les premiers contre le roy, auoient auctorisé ceux qui auoient suiuy le prince légitime contr'eux et, les ayant rendus ennemis sur vne mauuaise querelle, leur auoient donné occasion de chercher à s'asseurer eontr'eulx. Il est bien certain que la royne qui entroit auec ses amis et seruiteurs comme par force en ce dessein, n'entendoit pas déposséder son fils, ains disposer les choses pour réussir après sa mort ; car, encore que ce soit vn triste augure et omineuse présomption que le dessein de la mère fondé sur la mort de son fils, si peult dire que cette femme auoit l'esprit si vaste et si pénétrant qu'elle pensoit jusques-là, voire par delà. Elle employoit à cet ouuragedes gens qui se contenaient d'estre fauorisez d'elle, et qui, s'enforcissant sur prétexte de se préparer pour l'ad-

uenir pour aultruy, trauailloient dès à présent pour eulx niesmes. De vérité, s'estant fortifiiez tout d'vn coup des propres forces du feu roy, de sa négligence, d'un prétexte estrangement plausible, les conseils pour les dissiper estoient bien difficiles à prendre niesmes à ceux lesquels, les irritant et faisant leurs ennemis, demeuroient auec leur inaistre fort foibles, deffauorisez esgalement de toutes les nations estranges, mal voulus des peuples et ayant les deux partys de la Ligue et des huguenots ennemis. Certainement de ce grand malheur, et pour le roy et pour l'Estat, si, oultre la Providence diuine, il s'en peult rendre cause probable, c'estoit le mauuais gouuernement du feu roy; lequel se. voyant, par sa faulte plus que de nul aultre, réduict à cette extrémité, il ne se faultpas estonner si, comme les malades,* il a pensé de changer de médecin pour auoir plus tostguérison; car en tels accidens le changement semble remède. L'esloignement qu'il feit lors de vous, Monsieur, estoit plus vn argument de son mal et de son malheur que de vostre faulte. On sçauoit assez que vous l'ay niiez, auiez intérest qu'il fust heureux, que vous auiez prou de prudence pour luy donner les meilleurs conseils, mais je croy pour moy que Dieu vouloit faire deux effects tout ensemble ; l'vn, de luy oster ceulx qui pouuoient le préseruer de sa ruine; l'aiiltre, de les mettre en lieu qu'ils peussent seruir à restablir miraculeusement le prince qui règne aujourd'huy sur nous.

J'eusse bien souhaitté pour vous, qu'ayant esté ce que vous auiez esté, vous ne fussiez point entré dans la Ligue; mais, quand je considéray que vous auiez M. d'Espernon sur les bras qui ne vous recherchoit de rien moins que la vie, que vous auiez perdu la faueur du roy, que le faict de M. vostre fils vous auoit faict perdre l'espérance de la rerecouurer, j'estimay de vérité que vous estiez entre le feu et l'eau, et combien l'vn vous fust peu honorable, si vous estoit il nécessaire, sinon que vous voulussiez perdre l'hon-

neur, les biens et la vie : car, retombant en la puissance de Al. d'Espernon qui prétendoit que vous auiez voulu auoir la sienne, et ez mains du roy qui vous imputoit le faict de JM. vostre fils, et par là prenoit argument de croire tout ce qu'on vous auoil objecté, sans doubte je croy que la fortune vous auoit rendu subject à la peine à laquelle la faulte eust peu obliger vn aultre.

Pour moy, comme vous aymant, j'eusse bien souhaitté lors que vous n'eussiez point faict ce sault, et néantmoins Dieu a monstre depuis que c'estoit vu des principaux moyens par lesquels il vouloit sauver cet Estât; car il est sans doubte que le naturel de M. de Mayenne, estant si irrésolu que nous l'auons veu, esbranlé des mauuaises fortunes qu'il a eues, surchargé des artifices, engein et promesses des Espagnols, eust sans doubte trébuché à nostre ruine commune s'il n'eust esté balancé et tenu en contrepoids par vostre sagesse et l'affection que vous auez montrée à la conseruation de cet Estât; et ne puis que je ne blasme fort, comme trop ignorans ou malicieux, ceux qui vous peignent pour amy des Espagnols, que je sçay trop certainement n'auoir eu de tout ce temps -ey plus grand ennemy que vous et qui ait plus sappé leur auctorité, pour auoir mis M. de Mayenne en dëfnance d'eulx, luy auoir faict congnoistre leur impuissance et leurs artifices, vous estre rendu ennemy des factions populaires sur lesquelles ils faisoient tous leurs projects ; et, sur ces derniers temps, auoir, par tous les artifices possibles, empesché ceste belle royauté que peu de gens se peuuent imaginer auoir esté si preste à faire comme elle a esté. En cela je vous puis porter tesmoignage particulier pour me pouuoir vanter d'y auoir fidèlement et vtilement seruy mon pais et auoir néantmoins communiqué auec vous la plus part des conseils que j'y ay suiuis. Mais quoy ! affin que vous vous consoliez en la société> de vostre mal, je vous veux bien dire que mes actions, non plus que les vostres, n'ont esté exemptes des mor-

LETTRES ET PIÈCES DIVERSES. 4i;7

sures de l'enuie, ny esehappé les dentées de la détraction.

Puisque ma louange sert à votre justification, je veux bien, Monsieur, me glorifier auec vous, et vous représenter quelque chose de mes actions passées, affin que vous voyez qu'il n'y a conscience si nette ny action si entière qui ne soit, sinon entamée, au moins attaquée par ia calomnie.

Il n'y auoit homme en ce royaume qui deust plus tost estre de la Ligue que moy. Le feu roy auoit ruiné mon père pour rescompense de vingt cinq ans de seruice qu'il luy auoit faicts ' . J'estois pauure; j'estois recherché et n'y auoit rien proportionné à ma fortune qu'on ne me promist. Après les Barricades; ceux de la Ligue proposèrent de me faire procureur générai. Après la mort (Jes princes ils me voulurent enuoyer en ambassade à Rome et m'offroient force argent. On me feit parler de preinlre Testât d'aduoeat du roy. M. de Mayenne.me voulut retirer près de luy. Monsieur, vous le sçauez j'en ay encore les lettres qu'il m'en escriuist. Jamais cela ne m'empescha qu'en toutes les occasions qui se sont présentées, je n'aye de tout mon pouuoir ramené les choses où elles deuoient estre. Après les Barricades, ceulx de la Ligue firent ce qu'ils peurent pour joindre l'auctorité du parlement à leur party. M. le cardinal de Bourbon et M. de Guyse vindrent au parlement pour prier qu'il s'vnist auec la ville. Je parlay librement de l'auctorité du roy et promeus la résolution qui fut prise d'enuoyer vers le roy sans rien respondre à la requeste du dict cardinal. Au mesme temps on voulut faire vne Ieuée à la ville et d'hommes et de deniers pour assiéger Meleun : je l'enipeschay au quartier de la place Maubert où l'on feit déclaration qu'on entendoit seruir à la conseruation de la religion mais non pas faire la guerre au roy, dont M. de Guyse se trouua fort estonné. Lu <S'.), comme M. du Mayne estoit à Montereau, nous tismes entreprise de réduire la ville, et