De par le Roy

Très cher et féal, par consideracion du bon service que nostre bien amé esquier Johan de Pritewell nous ad fet et fera en temps avenir, lui avons grantez, en tant come a nous apartient, l'office de conestable de nostre ville de Ghirburgh en Normandie, a avoir ovec les droitz et fées a mesme l'office apartenantz, quiqe soit capitain du dicte ville, tant come nous plerra. Si vous mandons que sur ce vous facez fere et avoir au dit Johan noz letres patentes souz nostre grant seal en duhe fourme. Donné souz nostre signet, a nostre paleys de Westminster, le vi Jour de septembre.

A nostre très cher et féal Michel de la Pale, nostre chaunceller *.