De par le Roi

Très chers etfoialx. Corne nostre très cher frère... le markys de Julers soit demorez devers nous en cestui nostre guerre, sur quelle demoere nous lui eons octroiez deux mil livres, dont l'une moyté a la Ghandelure preschein avenir, et l'autre moyté a la Pasqe adonqes preschein suant, solom ce q'en noz autres letres du privé seal ent directes a vous nostre trésorier est contenuz plus au plein ; et por ce qe nous vorriens volentiers qe mesme le paiement se feist en autre manere plus hastiement, pur le très grant busoign qil en ad, dont il nous ad bien monstre la cause ; et nous consideranz sa nécessité et auxint le grant lieu qil nous tient de jour en autre, et la bone volenté qil ad de nous servir et de si leez cuer, et qi nous sert de jour en jour pur mesmesles deniers, si vorriens molt qe par telle cause hom ordenast de lui servir de mesme la somme a plus en haste qom purroit. Si vous mandons qe, ewe parlance od... l'ercevesqe de Ganterbirs, a qi nous avons excrit sur ceste matire, vous tretez outre ove nostre amé Johan de Wesenhan par tieu manere qil vorra enprendre, sanz defaute le dit paiement et de le faire de temps en temps a plus en haste qil purra et sur ce, vous, nostre trésorier susdit, lui facez avoir assignement covenable et vous, nostre chancellier, facez faire briefs, tielx come appendent, solom ce qe par entre l'ercevesqe et vous et le dit Johan serrez accordez del assignement susdit. Et, cestes choses accordez, facez qe le dit Johan mande ses letres a son attourné Henri de BruseUe de faire grie a nostre dit frère de la dite somme solom les ditz accordz. Donné souz nostre secré seal, devant Caleis, le XX jour de novembre^.