De par le Roy

Très révèrent père en Dieu, et nostre très chier et très amé cousin. Nous vous saluons très souvent ; et pour ce que le révèrent père en Dieu et nostre très bien amé Thomas Langley, evesque de Duresme, nagairs par les prelatz et la clergie de la province d'Everwyk, en leure darreine convocacion, ordonnez estoit d'aler au conseil gênerai a Pise en les parties de Touscaine, combien que pour le fait du traittié d'entre nous et ceux de France nous luy cons fait uncore demourer par deçà, nientmains, par certeines causes nous a ce moevantes, avons de présent ordennez le dit evesque de soy transporter en toute bonne haste par devers mesme le conseil. Si vous mandons pour tant que si bien noz briefs de faire son eschange de mil livres de nostre monnoie ovec la compaignie des Albertyns et noz briefs de passage en quelque port qui lui plerra, comme noz letres de familiarilé pour lui et cent personnes en sa compaignie, de quelque estât ou condicion quils soient, et aussi comme a cellui qui demoerten nostre service es parties de Touscaine et aillours par delà la mer pour la fait de l'union de l'église nostre mère, noz letres de protection ovec clausula volumus, adurercs par un an, facez faire an dit evesque, dessoubz nostre grant scel, en due forme. Donné soubz nostre signet, a nostre manoir de Eltham, le w' jour de mars.