Bibl. Nat., f. fr., n° 2372, f 95 et suiv

On doibt tenir heureux le siècle qui l'a veue, Et malheureux ceulx-là qui par mort l'ont perdue. Que direz -vous, la France? en quel plainct honorable Pourrez-vous regreter celle tant prolfilable Non seullement à vous qui estiez ses amys, Voyant quelle louange elle a des ennemys?

N'a elle soustenu par son sens et prudance L'effort de tout malheur venant à vous, la France? Respondez moy et dites, pleurans en vérité, Que bien elle a de tous dueil et loz mérité.

0 cueur qui ne sentiez de femme que le nom, Immuable vertu, tant digne de renom, Tant crainte d'ennemys, des vostres plus aymée, Des meschans le contraire et des bons estimée, Qui avez triumphé du malheur triumphant, Sauvant le vostre honneur, paix et le vostre enfant, En guerre soustenant, avec la paix réduicte Par vostre grant vertu et très saige conduicte ! Las ! comme est grant vostre heur, puisqu'en hault habitez! Car ça-bas nous avons de maulx infmitez. Pour le moins vostre corps de nous sera pleuré Gomme celuy qui a sans cesser labouré A suivre l'esperit achevant son passaige, Qui a esté fine a la fleur de son eage Avecques plains et pleurs et mémoire éternelle Aussi long temps que peult louange temporelle.

Mais que diray-je plus? Quant ung prince ou princesse De ce monde s'en va, l'on voit adonc sans cesse Poètes, orateurs, trouver inventions A déplourer leur mort, mouvans affections Par leurs piteux escriptz ; mais ceste noble dame A tant eu de vertu et glorieuse famé Que plus sont empeschez ses louanges escripre Que matière chercher pour bon subget eslire. Par quoy je fmerai ma dolente escripture, Estant bien asseuré que si le monde dure

Autant qu'il a duré, que point n'aura seconde L'aprochant de vertu en cestuy mortel monde. Dont nous faull endurer que ceste heureuse chair Se joigne glorieuse à Tesperit tant cher, Et cependant prier qu'à elle et nous pardonne Noz défaulx le facteur qui toute chose ordonne'.