CHAPITRE PREMIER
ricusement le sanglier hericé et tarquetant ses marteauls, qu’i sembloit que ce fussent orfèvres. Aux fantosmes s’en vint de course, et à sa grant dent les commença à dessirer, et les faisoit tournoyer çà et là autour des cordes, qu’il sembloit que ce fussent joueurs de soupplesses. Celle maulvaise beste s’amusa ung temps après ces fantosmes. Ceulx qui estoient aux galleries basses la arauldoient, et il revenoit à eulx de cource ; mais il ne pouvoit saillir si hault. Il alloit tournoyant, une foiz le trot autrefoiz le cours, et tant vira par léans qu’il vit à l’entrée de la vis qui estoit près du portail une brèche mal taudissée, par où il luy fut bien advis qu’il passeroit. Si vint heurter d’un grant zelant à celle entrée si fort qu’il renversa les deux coffres qui le passage estouppoient, tellement qu’il entre es premières galleries.
« Il ne fault demander si ceulx furent espouvantez qui lians estoient. Hz se essaient de reculer, mais ils ne peuvent pour la presse qui y estoit si grande. Les ungs se prindrent à monter sur l’acoudouer des galleries et embrassoient les piliers pour se gecter en la court, si besoing eust esté. Et ne se fault point esmerveiller si l’on i devoit avoir peur, car ils n’avoient nulz bastons propices à eulz deffendrc d’une si cruelle beste; avecques ce que l’ungeust empesché l’aultre. Toutesfoiz le sanglier ne vint point à eulz, ains s’en va monter la vis dudict portail, si prent son chemin droit où estoit le Roy, lequel se fust bien gecté dans la chambre de la Royne s’il luy eust pieu; mais il ne daigna, ains fist reculer à son doz tous ceulx qui en sa compaignie estoient, et voulut attendre le san-
ENFANCE ET EDUCATION
glier tout seul pour veoir qu’il voudra faire; mais ce fut par une aussi grande asseurance comme s’il eust veu venir à luy une demoiselle. Ne demandez pas en quelle fraeur fut lors la Royne et madame la Régente, voire toute la compaignie, qui en tel péril veoient le Roy. Nul n’ozoit passer son commandement de se mectre entre deux, combien que cinq ou six de ses gentilzhommes le voulsissent faire : mais il ne le souffrit. Le sanglier d’entrée venoit à luy tout le pas. Le Roy, qui jamais n’estoit sans une bonne espée tranchant et poignant à son costé, y mist la main, si la tire. Quant le sanglier se voit approuché de luy environ la longueur dedcuxtoises, si s’empcint de grant viveté pour luy cuyder donner de sa dent parmy la cuisse et luy faire playe mortelle. Mais le Roy qui est hardi et assuré desmerche ung demy pas, et de celle bonne espée qu’il tint au poing luy donne de poincte en l’escu par si grant force qu’il la luy passa tout au travers du corps. Le sanglier se voiant atainct laissa le Roy et s’en va descendre par l’aultre vis qui estoit devant le puis, et marcha dedans la court environ cinq ou six pas, puis tomba mort. Vous ne sçauriez pas croire la joye que la Royne et Madame eurent quant elles virent le Roy eschappéde ce péril.
« Soyez seures, mesdames, ajoute Nicole Sala, que de toutes les contenances hardies que je vis oncques, ce fut celle du gentil Roy François [qui fut la plus hardie]. Et ce que je vous ay dit je vis à l’ueil. »
Pour revenir aux « Enfances » de François, disons que dès l’âge de sept ans, Louise avait eu soin de
