FRANÇOIS I" ET MARIE D’ANGLETERRE

tendue de drap d’or, là où tout le monde les pouvoit veoir. Et estoit le Roy et la Roync assis, et la Royne, toute deschevelée, avoit un chapeau sur son chef le plus riche de la chrestienté ; et ne porta point de couronne, pour ce que la coustume est de n’en point porter si elles ne sont couronnées et sacrées à Sainct-Denis. Et là servit monsieur d’Angoulesme d’olfrande au Roy1 d’une fort honnestc sorte, comme plus prochain du sang, et madame Claude sa femme servit la Royne d’offrande et à la messe fort honnestement ; et sçay bien que ladicte dame Claude avoit un merveilleusement grand regret : car il n’y avoit guères que la Royne sa mère estoit morte, et fallut à ceste heure qu elle servist ce qu’on avoit accoustumé de faire à la Royne sa mère... La nuict venue se couchèrent le Roy et la Royne; et le lendemain le Roy disoit qu’il avoit faict merveilles. Toutesfois je crois ce qu’il en est, car il estoit bien mal aise de

sa personne. »

Louise de Savoie note de son côté : « Le 9 d’octobre 1514 furent les amoureuses nopces de Louis Xll roi de France et de Marie d’Angleterre, et furent espousés à dix heures du matin et le soir couchèrent ensemble. » Reprenons Fleuranges .

« Monsieur d’Angoulesme, qui estoit jeune homme, voullust bien monslrer qu’il n’ estoit pas malcontent de ce mariage, nonobstant que si la Royne eust eu un fils il lui eust merveilleusement venu mal a

1. C’est-à-dire : tendit au Roi la bourse où il devait déposer son offrande.

propos; et feust un temps qu’il en sceut bien mauvais gré au sieur de Longueville, pour ce qu’il avoit traicté et pratiqué ce dict mariage. Toustefois ledict sieur d’Angoulesme , deux jours après les nopces à Abbeville, priât l’Adventureux en venant du logis du Roy et allant au sien, et lui dist : « Adventureux, « je suis plus joyeux et plus aise que je fus passé « vingt ans, car je suis seur, ou on m’a bien fort « menti, qu’il est impossible que le Roy et la Royne « puissent avoir enfans; qui est faict à mon advan- « tage. » Et avoit tant faict ledit sieur que madame Claude sa femme ne bougeoit de la chambre de la Royne ; et lui avoit on baillé madame d’Aumont pour sa dame d’honneur, laquelle couchoit dans sa chambre. »

Suit la description des joutes qui furent faites entre les Anglais et les Français :

« Quand toutes ces choses eurent durées six semaines, les seigneurs et dames d’Angleterre prindrent congé du Roy, de la Royne, de monseigneur d’Angoulesme... Et demoura pour ambassadeur ordinaire le duc de Suffolk; car, à ce que j’en pus congnoistre, il ne voulloit point de mal ci la sœur de son maistre.

« Le Roy partit du palais et s'en vint loger aux Tournelles à Paris, parce que le lieu est en meilleur air, et aussi ne se sentoit pas fort bien, car il avoit voullu faire du gentil compaignon avecques sa femme ; mais il s’abusoit, car il n’estoit pas homme pour ce faire; car, de longtemps, il estoit fort malade, et spécialement des gouttes... et vivoit d’ung

FRANÇOIS Ier ET MARIE D’ANGLETERRE. 87

merveilleusement grand régime, lequel il rompist quand il feut avecques sa femme ; et lui disoient bien les médecins que s’il continuoit il en mourroit. Pour se jouer, ceulx de la basoche à Paris disoient que le roy cV Angleterre avoil envoyé une hacquenée au roy de France , pour le porter bien tost et plus doucement en enfer ou en paradis'.

« Le roy Louis mort et enterré, monsieur d’Angoulesme, comme roy, faisoit fort son debvoir de réconforter la royne Marie ; aussi faisoit madame sa femme. Et est la coustume telle des roynes de France que quand le Roy est mort elles sont six sepmaines au lict, sans veoir, fors de la chandelle. Et estoient journellement avecques ladicle Royne madame de Nevers et madame d’Aumont... Après la mort du feu roy Louis, monsieur d’Angoulesme, daulphin, demanda à ladicte Royne s’il se pouvoit nommer roy, à cause qu’il ne savoit si elle estoit enceinte ou non : sur quoi ladicte dame lui fist responsequ’ouv, et qu’elle ne sçavoit aultre roy que luy ; car elle ne pensoit avoir fruict au ventre qui l’en peust empescher.

« Or avoit entendu le Roy, luy estant monsieur d’Angoulesme, l’amitié que le duc de Suffolk portoit à ladicte royne Marie, et aussi qu’elle ne le hayoit pas ; et lui dit : « Monsieur de Suffolk, je sçai « bien de vos affaires, et l’amitié qu’avez avecques « la royne Marie et vostre gouvernement, et beaucoup « d’aultres choses plus que vous ne pensez. Je ne

1. Brantôme, qui avait lu les Mémoires de Fleuranges, répète ce bon mot en substituant à la hacquenée des Basochiens « une jeune guilledine ».

« voudrois point que quelque chose se fist là où je « peusse avoir honte, ny le roy d’Angleterre, mon « frère, avccqucs lequel je veulx garder toute l’al- « liance et amitié qu’il avoit. avecques le feu Roy « mon beau-père; pour ce je vous prie que ne fassiez « chose qui ne soit à mon honneur, et s’il y avoit « quelques promesses entre vous et la Royne, faites « tant que vostre maistre, duquel vous estes bien « aimé, m’en escrive, et en serai fort bien content. « Mais autrement, gardés vous sur vostre vie que « ne fassiés chose qui ne soit à faire; car si j’en « suis adverli, je vous ferai le plus marry homme « du monde. » Et la luy promist ledict Suffolk, et lui dit : « Sire, je vous jure sur ma foy et sur mon « honneur, et suis contant que me fassiés couper « la teste si je fais chose qui soit contre vostre hon- « neur ni la volonté de mon maistre ; » laquelle chose il ne tint pas, car, trois ou quatre jours après qu’il eust faict ladicte promesse, espousa secrètement ladicte Royne ; et ne seust mener son affaire si secrètement, que le Roy n’en feust adverti. Laquelle chose par lui entendue, manda ledict duc de Suffolk à parler à luy et lui dit : « Monsieur de Suffolk, je « suis averti de telle chose : je ne pensois point que « feussiez si lasche ; et si je voulois bien faire mon « debvoir, tout à cette heure je vous ferois trancher « la teste sur les espaules ; car vous m’avez faussée « vostre foy, et me fiant en vostre foy, je n’ay point « faict faire le guet sur vous, et secrètement vous « avez espousé la royne Marie sans mon sceu. » A quoi respondil le dict duc de Suffolk ayant belle peur et