C’est-à-dire l’auteur, Macqueriau

comment il l’avoit appellé la pirre femme du Réaime. Quant la Damme cuit ainsy oy son fllz parler et raconter ce que le Duc avoit dit et respondu d’elle, comme une femme desviée de sens prit ces cheveux ad tirer, soy disant vrayement folle de soy ainsi avoir habandonnée, pour avoir un tel rcffuz ; puis dict fort courrouchée : « La chose ne demourera pas « ainsy; car, parle créateur de noz âmes, le mot luy « coustera. Mon fdz, je vous renie, si ne m’en vengés, « et vous tieng pour ung lasche Roy. » Le Roy luy respondy : « Ma Mère, souffrés à tant, il n’est pas heure « de ce faire; car j’ay receu nouvelle que le pape « Adryen nouveau créez et les Yénissiens avec les « Italles ont faict serment à l’Empereur, et qu’il veult « tirer envers la cité de Rome pour y estre à la Pasque « prochaine ; et vous sçavés que mon intention es! de « lui rompre son voiaige, et de moy y aller faire cou- « ronner. Le Duc de Bourbon est saige homme aux « affaires de la guerre, y m’y compagnera. On dit un « parler véritable : tel baise la main qui voldroit le « bras avoir colpé. Souffrés, ma Mère, je le sçaray en « la fin bien payer. » La Dame se contentoitfort à grant paine, néantmoins elle dissimula; mais ne fu pas ung mois après que, par haulteur, ce que le Duc de Bourbon tenoit de par sa femme la Mère du Roy fist tout mettre en sa main ; tellement que plus on n’ozoit obéir au Duc en la duchié de Bourbon. Quant le Duc de Bourbon perchut la foulle1 que on luy faisoit, vint ung jour au Roy lui demander pour-