L’oppression

quoy sa Mère luy faisoit telle destriance en ses biens. Le Roy luy respondit, disant : « Vous sçavés quelle « chose luy avés mesfaict ; comme j’entens, vous l’avés « injuriet; je désyroye l’aliance de vous à ma Mère; « et vous n’en avés non plus tenu que d’une pallarde « la plus ville de mon Réaime. Touchant des héri- « taiges et possessions qu’elle a faict mettre en main « séquestre, elles luy sont eschues par le trespas de « vostre femme, à ceste fin que heuissyôs joyz des sei- « gnouries vostre vye, pour ce que vous estiés mon « grant amy ; mais maintenant vous en fault des- « porter, car jamais, tant que je soye sur la terre vi- « vant,vous n’en possesserés. » Le Duc, pensés, estoit fort courrouchié ; mais après avoir modéré son courraige, dist au Roy : « Sire, je vous diray : les « douze pers de France et le Parlement de Paris sont « par-dessus vous en toutte raison. Si je ne veulx pas « prendre vostre mère, fault-il pourtant que je soyè « ainsy menet, en moy ostant les héritaiges qui sont « miens de droicte ligne?... Mais velà, ce n’est pas le « premier tort que vous avez faict à vos gentilshommes « et aux bons hommes de votre réaime. » Sur ces mots respondit le Roy : « Charles, Charles de Montpensier, « apaisiés-vous à tant; autre chose n’en sera fait pour « vous ne pour autre qui soit vivant. » Lors le Duc estraignit les dens et mordit ses lèvres, et sy n’estoit en ciel ny en terre. Luy party du Roy, demanda sur ces affaires conseil à ses privés amis, lesquelz luy conseillèrent de soy retirer en Parlement, lequel ainsy en hesoigna, où il dit la chose ainsy quelle alloit, en leur baillant le traictiet de son mariaige,

leur priant que justice fuist tenue en son droict. Les seigneurs de Parlement luy prosmèrent que ainsy en seroit faict. Que vous diroy-je plus? le procet fu tellement demenet que de droict Charles de Monpensier, comte daulphin d’Auvergne, debvoit joyr et possesser paisiblement de la duchié de Bourbon et des appendences. La mère du Roy seult que ilz avoient déterminé la chose telle ; elle leur manda en plain Parlement que ceulx qui s’ingeroient de l’ainsy jugier, qu’ilz comparroient1 tous. Ces nouvelles entendues, les seigneurs de Parlement se rethirèrent par devers le Pmy pour sçavoir si c’estoit de son faict que sa Mère les menachoit. Le Roy respondy: « Pourquoy me demandé-vous telle chose? « — Parce, respondèrent, qu’elle les menachoit de « faire endurer quelque grief, en tant que nous « voilons juger la cause du Duc de Bourbon bonne « contre elle. « Le Roy leur respondyt furieusement : « Gardés-vous bien de ce faire ; car il en seroit fait « comme elle mande, je la congnoy bien. » Les seigneurs de Parlement se partèrent du Roy, en prendant congié de luy ; lesquelz bien peu après se trouvèrent en Parlement, où en usant de raison, sans craindre en riens la fureur du Roy ne de sa mère, rendèrent la sentence telle que le seigneur Charles de Monpensier, Duc de Bourbon, debvoit joyr et possesser de la duchié de Bourbon, comme vray seigneur et héritier de ceste ligne, et parreillement par le traictict de son mariaige. Le Roy sceut que le jugement estoit