Probablement en avant

lis trouvèrent1 les gens de cheval de l’avant-garde par le costé, et combien que lesdicts hommes d’armes chargeassent bien et gaillardement, le Connétable, le mareschal Chabannes, Ymbercourt, Telligny, Pont de Remy2 et autres qui estoient là, si furent ils reboutéz sur leurs gens de pied, de sorte, avec grand poussière, que l’on ne se pouvoit voir, aussi que la nuict venoit, il y eut quelque peu de désordre ; mais Dieu me fit la grâce d’arriver sur le costé de ceux qui les chassoient un peu chaudement : me sembla bon de les charger, et le furent de sorte, et vous promets, Madame, si bien accompagné3, et quelques gentils gallans qu’ils soient, deux cens hommes d’armes4 que nous estions en défeimes bien quatre mille Suisses, et les repoussâmes assez rudement, leur faisans jetter leurs picques et crier France, laquelle chose donna haleine à nous gens de la pluspart de nostre bande ; et ceux qui me peurent suivre allasmes trouver une autre bande de huict mil hommes : laquelle à l’approcher cuidions que fussent lansquenets5, car la nuict estoit desjà bien noire ; toutesfois quand ce vint à crier France, je vous asseure qu’ils nous jettèrent cinq ou six cents picques au nés, nous monstrant qu’ils n’estoient point nos amis. Nonobs-