C est-à-dire tout près des portes

portes de Milan nous advertit comme les Suisses se jettoient hors de la ville pour nous venir combattre. Laquelle chose entendue, jettasmes nos lansquenets en ordre, c’est assavoir en trois trouppes, les deux de neuf mil hommes, et la tierce d’anviron quatre mil hommes, que l’on appelé les enfans perdus de Pietre de Navarre, sur le costé des advenues1 avec les gens de pied de France et advanturiers. Et pour ce que l’avenue par où venoient lesdicts Souysses estoit un peu sarrée, il ne fut si bien possible mettre nos gensdarmes de l’avant-garde2 comme ce estoit en plain pays, qui nous cuida mettre en grand désordre. Et de ma bataille j’estoye à un traict d’arc et deux trouppes de ma gendarmerie, et à mon dos mon frère d’Alençon avec le demourant de son arrière-garde, et nostre artillerie sur les advenues3 ; et au regard des Suisses ils estoient en trois trouppes, la première de dix mil hommes, la seconde de huit mil hommes, et la tierce de dix mille hommes, vous asseurant qu’ils venoient pour chastier un prince, s’il n’eust esté bien accompagné. Car d’entrée de table, qu’ils sentirent nostre artillerie tirer, ils prindrent le pays couvert, ainsi que le soleil se comenceoit à coucher, de sorte que nous ne leur fismes pas grand mal pour l’heure de nostre artillerie; et vous asseure qu’il n’est pas possible de venir en plus grande fureur ny plus ardamment.