UU Vétait réellement

led. depposant avec luy seulz. Et lors icelluy déposant commenca a dire aud. Connestalse : « Mons’, ne « vous fiez vous pas bien en moy? ne me tenez vous

pas pour vostre trés humble serviteur? » Auquel

led. Connestable dist : « Cousin, je te prometz que je

me fye tant a toy et te ayme que si mon propre frére estoit en vie, jene le saurois plus aymer que je te ayme. » Kt led. déposant le remercia en luy

disant : « Mons", vous me distes hyer beaucoup de

choses esquelles j’ay fort pensé et resvé toute ceste nuyt, tellement que je n’ay sceu dormir, et vouldroye que Dieu me feist la grace de vous savoir bien dire ce que je vous vueil dire selon Dieu, raison et conscience. Mons", vous me distes hyer et je voy que, par ceste alliance que l’on vous présente, vous devez estre cause que |’Empereur et le roy d’Angleterre, Allemans, Espaignolz et Anglois, entreront en France. Pensez et considérez le gros mal et inconvénient qui s’en suyvra, tant en effusion de sang humain, destruction de villes, bonnes maisons et églises, forsemens de femmes, et autres maulx qui viennent de la guerre ; et considérez que vous estes sorly de la maison de France et l'un des principaulx princes qui soient aujourduy en France, et tant aymé et estimé de tout le monde que chascun se resjouyst de vous veoir. Kt si vous venez a estre cause et occasion de la ruyne et perdicion de ce royaulme, vous serez la plus mauldile personne que jamais homme fut, et les malédictions que l’on yous donnera dureront mil ans aprés vostre mort. Dayantage, considérez-vous

point la grant trahyson que vous faictes, que aprés que le Roy sera parti de son royaulme et aura tourné le doz pour aller en Italye, et vous aura laissé en France, se confiant de vous, vous lui irez donner doz et le destruire et son royaulme? Je vous prie pour l’honneur de Dieu de considérer tout cecy; et si vous n’avez esgard au Roy et a Madame sa Mére, lesquelz vous dictes vous tenir tort, au moins ayez esgard 4 la Royne et 4 mess" ses enffans, et ne vueillez estre cause de la destruclion et perdicion de ce royaulme ; et aprés que vous aurez mis les ennemys dedans ce royaulme, ilz vous chasseront vous mesme. » Et & l’heure,

led. Connestable luy dit : « Cousin, que veulx-tu que

je fasse? Le Roy et Madame me tiennent tant de tort et me vuellent destruire. Ils ont ja prins la plus grant partie de ce que j’ay, et me veullent faire mourir. » A quoy led. depposant dit: « Mons’, je vous prye, vucillez laisser toutes ces meschantes entreprinses, et vous recommandez a Dieu et faictes tant que vous parlez au Roy franchement; ct vous verrez quwil yous dira. » Et led. Connestable se

meit lors fort a plourer, et feit plourer led. déposant, et dit a icelluy déposant : « Cousin, je le pro-

melz ma foy que je ne le feray point, et je te croiray, et te prye que selon le serment que tu m’as fait de tenir tout cecy secret tu le vueilles tenir, et qu'il n’en soit jamais nouvelles. » Kt a Pheure

led. déposant luy dit qu’il n’en diroit jamais riens. Et cuydoit icelluy déposant du tout avoir destourné led. Connestable de l’entreprinse dessusdite, et croit

Il. 8

led. déposant fermement que led. Connestable pour ceste heure-la n’avoit plus autre voulloir que de demourer 4 la bonne grace du Roy et de demourer bon Francois. Et led. depposant dit aud. Connestable : « Mons", ne parlons plus de cecy ; allons jouer. » Et s’en allérent jouer au flux led. Connestable, led. déposant, l’évesque d’Ostun et le s" de Saint Chamant’*. »

Ces aveux de Saint-Vallier sont parfaitement confirmés par ceux de l’évéque d’Autun, Jacques Hurault, prélat insinuant, qui parait avoir eu la plus funeste influence sur le caractére violent, versatile et crédule du malheureux Connétable. Aprés avoir longtemps nié quwil eit la moindre connaissance de la conspiration, poussé 4 bout par les autres témoins, il déclara en avoir recu l’aveu en confession et par conséquent ne le pouvoir révéler. Puis il se laissa persuader qu’une confession non suivie d’absolution n’était pas sacramentelle, et qu’il pouvait sans scrupule la révéler, quand il s’agissait de l’in-. térét public. Il consentit donc a parler.

« Aprés serment par luy fait par ses sainctz ordres de dire vérité, et en continuant les sermens qu'il a par cy devant faitz, a dit que ceste année dernicre, au mois de juillet (4523), cependant que led. Conneslable estoit 4 Montbrison, ung jour duquel il n’est records... icelluy qui parle entra en la chambre dudit Connestable, qui estoit au lict, et estoient en icelle chambre Teusanes, Bayent et quelques autres