Procés, Bibl. N., fonds fr., n° 5109, f

varletz de chambre, comme luy semble, lequel Connestable l’appela, luy disant : « Mon évesque, venez « yous seoir en cette chaise (qui estoit auprés de son « lict), et que tout le monde voise dehors. » Et aprés que tous ceulx qui estoient dedans la chambre, hors mis led. Connestable et luy qui parle, furent sortis, icelluy Gonnestable dit aud. qui parle : « Re- « gardez s'il y apersonne en ceste garde-robbe. » Et led. qui parle y alla veoir et luy rapporta qwil n’y avoit personne. Alors led. Connestable commencaa luy dire qu'il se vouloit confesser a luy, et luy demanda s'il tiendroit secret et ne révéleroit ce qu'il luy diroit; et led. qui parle luy promist de le tenir secret. Et lors icelluy Connestable en continuant luy dit quwil y avoit deux ans ou environ' que sa belle-mére, voullant dire de feu madame Anne de France, et luy menoient ensemble une practique avec |’Empereur, cest assavoir que led. Empereur donnast aud.

Connestable sa seur en mariage, et que la chose avoit esté longue pour autant que led. Empereur estoit loing de luy. Et que depuys peu de temps en ca, le seigneur de Beaurain estoit venu devers led. Connestable et luy avoit apporté des lettres de ’Empereur, lesquelles il monstra aud. qui parle; et estoient escriptes de la main dud. Empereur, comme il disoit, de la substance que s’ensuyt comme luy semble : « Mon cousin, je vous envoye le seigneur de « Beaurain, mon second chambellan, pour aucuns « affaires qwil vous dira. Je vous prie le croire. »