C’est-a-dire l’auteur, Macqueriau

comment il l’avoit appellé la pirre femme du Réalme. Quant la Damme eult ainsy oy son filz parler et raconter ce que le Duc avoit dit et respondu delle, comme une femme desviée de sens prit ces cheveux ad tirer, soy disant vrayement folle de soy ainsi avoir habandonnée, pour avoir un tel reffuz; puis dict fort courrouchée : « La chose ne demourera pas « ainsy; car, parle créateur de noz ames, le mot luy « coustera. Mon filz, je vous renie, si ne m’en vengés, « et vous tieng pour ung lasche Roy. » Le Roy luy respondy : « Ma Mére, souffrés a tant, iln’est pas heure « de ce faire; car j’ay receu nouvelle que le pape « Adryen nouveau créez et les Vénissiens avec les « Italles ont faict serment al’Empereur, et qu'il veult « tirer envers la cité de Rome pour y estre ala Pasque « prochaine; et vous scavés que mon intention est de « lui rompre son voiaige, et de moy y aller faire cou- « ronner. Le Duc de Bourbon est saige homme aux « affaires de la guerre, y m’y compagnera. On dit un « parler véritable : tel baise la main qui voldroit le « bras avoir colpé. Souffrés, ma Mére, je le scaray en « la fin bien payer. » La Dame se contentoit fort a grant paime, néantmoins elle dissimula; mais ne fu pas ung mois aprés que, par haulteur, ce que le Duc de Bourbon tenoit de par sa femme la Mére du Roy fist tout mettre en sa main; tellement que plus on n’ozoit obéir au Duc en la duchié de Bourbon. Quant le Duc de Bourbon perchut la foullet que on luy faisoit, vint ung jour au Roy lui demander pour-