ΓΝ ἈΝ PO ON TETE ENT SRE UC

NAS χα CAMES ETAT ESC ET MNT PTS TRS

bat; et nullus poterat per viam securus ambulare. Ve- |

niens autem Jesus de Jericho, cognoscens quod in crypta illa leaena filios suos generasset, videntibus cunctis introivit in eam. At ubi viderunt leones Jesum, cucurrerunt ei obviam et adoraverunt eum. Et Jesus sedebat in caverna, et catuli leonum discurrebant circa pedes ejus, blandientes cum eo et ludentes. Leones vero seniores demisso capite a longe stabant et adoraverunt eum, et caudis suis blandiebantur ante eum. Tune populus qui a longe stabat, non videns Jesum, dixit : « Hic nisi gravia fecisset peccata aut parentes ejus, non se ultro leonibus obtulisset ». Et cum populus haec intra se cogitaret et moerori nimio subjaceret, ecce subito in conspectu populi exivit Jesus de crypta et leones antecedebant eum, et catuli leonum ante pedes ejus ludebant inter se. Parentes vero Jesu demisso capite stabant a longe et observabant; pariter et populus propter leones longe stabat : non enim se conjungere eis audebat. Tunc Jesus coepit dicere ad populum : « Quanto meliores sunt bestiae vobis quae suum agnoscunt Dominum et glorificant, et vos homines, qui ad imaginem et similitudinem Dei facti estis, ignoratis. Bestiae agnoscunt me et mansuescunt; homines me vident et non cognoscunt ».