Thème

C’est peine perdue! — Augusto, post victoriam Actiacam Romam revertenti occurrit inter gratulantes quidam corvum tenens, quem hæc dicere docuerat : « Ave, Cæsar victor! » Augustus, hac salutatione gavisus, de domino avem émit. Paulo post eodem modo a psittaco salutatus hune quoque emi jussit. Itaque, sutor quidam pauper alterum corvum eadem verba docere voluit ; sed cum parum docili discipulo uteretur, sæpe exclamare solebat : « Omnis periit labor! » Tandem corvus aliquid profecisse visus est. Augustum prætereuntem his verbis, quæ didicerat, salutavit, sed princeps se empturum negavit : « Ejusmodi, inquit, artificibus non egeo : assentatoribus mihi non opus est. » Tum vero corvus, quasi responso doleret, exclamavit : « Omnis periit labor! » Miratus Cæsar hanc quoque avem émit.