Thème

Robinson explore son Ile. — Quanquam in insula jamdiu habitabam, minimam tantum partem exploraveram. Quamobrem statui sine mora proficisci. Postridie, orto sole, postquam me Dei tutelæ commendaveram, viam ingressus sum. Maris litus, quantum fieri poterat, sequebar, silvestriaque loca vitabam ne in feras inciderem. Quo longius progrediebar, eo certius comperiebam me in sterilissima insulæ parte sedem collocavisse. Multis enim in locis arbores inveni vario pomorum genere abundantes, quæ mihicibum salubrem jucundumque præberepossent. Multo jam itinere confecto, in arbore pernoctavi posteroque die iter perrexi, donec ad extremam insulæ partem perveni. Solum arenosum erat in quod cum conjecissem

oculos, subito, quasi fulmine ictus essem, toto cor pore perhorrui : videbam enim, quod numquam me visurum speraveram, vestigia hominis arenæ impressa.