juin 1249; cf, p

Co CU ee ie - Le É

LE DÉBARQUEMENT A DAMIETTE 451 barge aloït devant et tout li autre vaissel alerent aprés - et suïrent le confanon. La coche ou li roys estoit, et li legas delez lui, qui tenoit la sainte vraie crois, et nous, | estions touzjourz alans derrieres.

Quant nous aprochasmes de la rive a une arbalestree, mout grant plenté de Turs a pié et a cheval et bien armé, qui estoient devant nous sus la rive, ; traissent à nous mout espessement, et nous à eus. Et quant nous aprochasmes de terre, bien deus mile Turs, qui la estoient a cheval, se ferirent en la mer bien avant encontre nos gens, et assez de ceulz a pié. Quant nos gens qui estoient bien armé es vaissiaus, meïsmement li chevalier, virent ce, n’entendirent pas à suïr le gonfanon monseigneur saint Denis, ainz alerent en la mer a pié tout armé, li uns jusques as aisseles, li autres jusques as mameles, li uns plus en parfont et li autre mains, selonc ce que la mers estoit plus parfonde en un lieu que en un autre. Assez y ot de nos gens qui traisent leur chevaus par grant peril, par grans travaus et par granz prouesces hors des vaissiaus ou il estoient. Adonques s’esforcierent nostre arbalestrier et traisent si durement et si espessement que c’estoit merveilles a veoir. Lors vinrent nos gens a terre et la gaaignierent.

Quant li Turc virent ce, si se ralierent ensamble et parlerent en leur langage, et vindrent sus nos gens si durement et si fierement que il sambloit que il les deussent touz occirre et decouper. Mais nos gens ne se murent de sus le rivage, ainz se combatirent si viguereusement que il sambloit que il n’eussent onques

ARE 7 SE ARE El. : ,