mars 1454. — Colin de Hurion, mandé en la

Chambre et interrogé sur le retard de l'arrivée des pierres de

marbre qu'il devait fournir dès le mois d'août passé, répond que

les paiements ne lui ont pas été faits aux termes convenus dans

le marché, « non obstant que par plnseurs foiz il soit venu céans

solliciter pour avoir argent; auquel Colin de Hurion, après

toutes sesdites responses, a esté enjoinct faire venir lesdites

pierres dedens xv jours pour touz délaiz ; et il a respondu qu'il y

fera diligence. »

165. — 18 mai 1454. — « Ou Conseil du roy de Secile, tenu en sa Chambre des comptes, à Angiers, ouquel estoient le sire de Précigni, le juge d'Anjou, le président des comptes, les trésorier et procureur d'Anjou, maistres Robert Jarry, Thibault Lambert et Jehan Alardeau, receveur d'Anjou, s'est présenté Pons Poncet, ymagier, filz de feu Jehan Poucet, pareillement ymagier, soy disant et portant tuteur par justice de Colas Poncet et Jehanne Poncete, héritiers par bénéfice d'inventoiredudit feu; lequel a exposé que, dès le moys de may nnc lu et pou après le trespas dudit feu et de Macée sa femme, à la requeste dudit procureur d'Anjou, touz et chascuns les biens meubles et héritaiges demourez du décès d'icellui feu et de sa femme furent prins et saisiz en la main dudit seigneur roy de Secile, pour le deffault que on disoit que ledit feu avoit fait de son mestier de ymagerie en l'ouvraige de la sépulture dudit seigneur roy de Secile et de la feue royne Isabel son espouse, à qui Dieu pardoint l, et que par plusieurs foiz il s'estoit tiré devers feu maistre Gilles de la Réante, lors juge d'Anjou, et aussi devers ledit juge d'Anjou qui à présent est, et en présence dudit procureur avoit requis, comme tuteur dessusdit, que om luy voulsist mectre à plaine délivrance

1. Cette saisie avait eu lieu au préalable et sur de simples présomptions. Les fautes imputées à l'arlisle ne pouvaient être, du reste, que des infidélités au devis arrêté.

lesdits biens, offrant à réparer à ses despens toutes les faultes qui pourraient estre trouvées estre faictes en ladite sépulture par le deffault dudit feu Poncet et de ses gens ; lequel procureur d'Anjou a respondu que, sans bailler plége suffisant et bien cautionné de réparer et amender les faultes qui pourraient estre trouvées en icelle sépulture, il ne s'est voulu consentir que délivrance lui fust faicte d'iceulx biens meubles et héritaiges, mais que , en baillant plége et caupcion solvable de réparer et amender les faultes qui pourraient estre trouvées en icelle sépulture , comme dit est, il n'avoit que empescher que délivrance ne lui fust faicte d'iceulx biens, et que autreffoiz le luy avoit offert, mais tousjours luy avoit respondu qu'il ne trouvoit homme qui le voulsist caupcionner contre ledit seigneur roy de Secile, et ancores du jourd'uy le luy offrait, et qu'il s'enrapportoit à mesdisseigneurs du Conseil d'en faire ce que serait leur bon plaisir en ordonner. Et pour ce, après le serment prins dudit Poncet de réparer toutes les faultes qui seront trouvées en ladite sépulture, et que à ce s'est obligié soy et touz ses biens et juré qu'il n'y a personne qui le vueille plévir ne cautionner en ceste matière, pour cause que ce touche le fait dudit seigneur roy de Secile, et mesmement que icellui Pons Poncet besongne continuellement luy et ses gens en l'ouvraige d'icelle sépulture, par quoy de luy meismes pourra réparer et amender lesdites faultes, et qu'il a des héritaiges en ce pays d'Anjou audit Pons Poncet, en présence dudit procureur, luy ont esté mis au délivre lesdits biens meubles et héritaiges demourez du décès dudit feu Jehan Poncet et de ladite feue Macée sa femme, pour en joïr comme tuteur dessusdit au prouffit desdits Colas Poncet et Jehanne Poncete sa seur, ainsi que de raison, et sans préjudice de la main mise à la requeste dudit procureur dudit seigneur roy de Secile. Fait oudit Conseil, le xvme jour de may, l'an mil cccc cinquante et quatre. »