mars 1459. — « De par le roy de Sicile, etc

Noz amez et féaulx, Par maistre Jehan Gay, nostre bouchier, avons receu vos lettres au fait de la commission neccessaire pour Jehan de Champgirault, faisant la despense de nostre beau filz Nicolas S de laquelle vous a esté monstre la minute. Nous avons

i. Nicolas d'Anjou, petit-fils de René, alors enfant.

commandé ladite commission, laquelle sera portée par delà en forme. Au sourplus, Guillaume Bernard nous a escript pour le fait de la despense de la feste de l'ydrie derrenièrement faicte en l'église d'Angiers i. Nous recordons que pieça il fut parlé et dit que la maison de feu Jehan Jouye devoit estre convertie en la fondacion des mises et despenses de ladite feste de l'ydrie. Nous ne savons qu'elle est devenue ne qu'il en a esté fait ; et pour ce, informez vous en bien à plain et nous en vueillez adviser par les premiers venans par deçà. Ledit Bernard nous a oultre escript qu'il reste encores ex livres à payer par Guillaume de la Planche à Ponset l'ymagier pour nostre sépulture, dont ledit de la Planche a sa descharge, et est en noz estatz ; et parce que ledit Poncet ne se poye ou autrement, il s'est absenté, allant à Nantes ou ailleurs, et ainsi demeure l'euvre de nostredite sépulture. Parlez ausdits de la Planche et Ponset et les afrontez l'un davant l'autre, si faire se puet , pour savoir la vérité, laquelle sceue , si trouvez ledit Ponset torçonnier , le contraignez à parachever ladite sépulture en quelque lieu qu'il soit, ainsi que verrez estre à faire por raison. Aussi Pierre Roux nous a escript pour l'acquit qu'il luy est neccessaire pour les réparacions qu'il a faictes es treilles du jardin de la Menistré, et pour la couverture des maisons des métayers dudit lieu : si luy aloez en ses comptes ce que verrez estre raisonnable et qu'il aura poié à ceste cause. Messire Loys de Bournan nous a escript touchant la réparacion qui est neccessaire de faire es jardrins du Pont de Sée ; essayez à trouvez quelque argent par delà et le lui baillez , car autrement lesdits jardrins pourroient du tout tourner en ruine, qui seroit dommaige. Noz amez et féaulx, Nostre Seigneur soit garde de vous. Escript en nostre cité d'Aix, le xvne jour de mars. Ainsi

signé : René. — Charnières. »