Budget

168. — 26 juin 1459, Aix. — Lettre de René aux gens des comptes :

« ... Et quant au fait de nostre sépulture, de laquelle nous escrivez bien au long, nous vous savons très bon gré de ce que avez fait venir Poncet pour y besongner, vous priant et mandant très acertes que le vueillez faire continuer à y besongner en toute diligence, et d'autre part que luy facez faire et asseoir la table d'autel qu'il doit faire pour mectre au grant autel de l'église de Nostre-Dame des Carmes i, selon le marché qui fut fait avecques luy par le sire de Beauvau, lequel vous envoyons cy dedans encloux et dedessus ce qu'il a receu sur ledit marché. Et pour ce faire et acomplir ladite sépulture, voulons et vous ordonnons que y faictes convertir et emploier les premiers deniers qui pourroient escheoir, comme de rachats et autres choses ; de distribuer, prendre et bailler l'argent à cellui qui tient le compte de ladite sépulture vous avons donné et donnons plaine puissance, pour icelle, ensemble aussi ledit

aultier, parfaire et du tout acomplir... »

169. — 19 juillet 1459. — Lettre des gens des comptes à René :

«... Sire, Pour ce que Colin de Hurion, qui avoit en garde les pierres de mabre de vostre sépulture, s'en va demourer au Mans, nous avons recogneu ledit mabre par les pièces et l'avons baillé en garde à celui qui pour présent demeure en la maison où demouroit ledit de Hurion. Au regard de la grant table que autresfoiz on a parlé estre syée et mise en deux, vous en ferez savoir vostre bon plaisir. Poncet en demande quarente

1. René faisait alors reconstruire tout le couvent des Carmes d'Angers, comme le prouve une autre lettre écrite par lui de Tarascon le 16 juillet 1459, et dans laquelle il mande à ses gens des comptes de payer à ces religieux 450 livres à eux assignées « pour l'édifice de leurs cloîtres » sur la ferme des greniers d'Anjou (P 1334% f° 62 v°). En 1457, il leur avait déjà donné 500 livres pour le même objet {Ibid., f° 151). Les travaux n'étaient pas encore finis le 11 décembre 1462, date d'un marché passé avec des menuisiers d'Angers pour « faire le lambruns des cloaistres de l'église des Carmes d'Angiers, pour faire et fournir de toutes choses pour ledit lambruns, tant es lucannes que par touz les lieux où il est besoing, de bon boys de chesne neuf, pour la somme de cent escuz d'or..., dedans Pasques fleuries prouchain venant. » (P 1334*. f° 8 v°.)

escuz, sans riens en relascher. A la vérité, c'est la plus belle pierre que on pourroit guières trouver; et si vostre plaisir est qu'elle soit syée, il est temps, car Poncet dit que on mectra troys moys à la syer.

Maistre Jacques Moreau est presque à la fin des chevaliers et darames de vostre sépulture. Nous les visitons souvent, et est très-belle et riche besongne. Le maistre de voz euvres dit que en ce royaume n'a ouvrier qui sceust approucher en ce cas dudit maistre Jacques 1. Il est seul et besongne tout de luy, et par ce convient que l'ouvraige prenne long train.

Poncet besongne aussi luy seul en vostre chasteau d'Angiers en l'euvre de ladite sépulture. Il y fait ce qu'il puet, mais à grant peine povons croyre qu'il la puisse parachever. Il est entretenu d'un pou d'argent que on luy baille par sepmaine pour luy et son mesnaige, et autrement n'auroit de quoy vivre. »

170. — 9 septembre 1459, Marseille. — Lettre de René aux gens des comptes :

« ... Au ixc [article], qui est que Colin de Huryon, qui avoit la garde des pierres de marbre de nostre sépulture, s'en va demourer au Mans, et que les avez pour ceste cause baillées en garde à celui qui demoure à présent en la maison où il souloit demourer, nous vous en savons très bon gré et avez bien fait. Et au regart de la grant table que autresfoiz avions ordonné estre syée, faictes qu'elle le soit, et en marchandez avecques Poncet pour ce faire, en le faisant poyer des premiers deniers qui escherront à la recepte ordinaire.

Au xe, qui est que maistre Jacques Moreau est presque à la fin des chevaliers et dammes de nostre sépulture, et que les visitez souvent et est très-belle et riche besoingne, nous avons sceu par autres lettres comment il est trespassé et que ladicte sépulture n'est encores achevée. Et pour ce que ne savons nul pareil

1. Malgré l'estime de ses contemporains, le nom de cet artiste n'est pas autrement parvenu jusqu'à nous. Il pourrait cependant être le même que Jacques Morel, sculpteur de Montpellier, qui, en 1448, exécuta le tombeau du duc Charles de Bourbon à Souvigny : ce monument passe pour un chef-d'œuvre de goût; le devis en a été publié, d'après l'original des Archives nationales » dans .les Archives de l'art français (IV, 313).

ouvrier qu'il estoit, faictes enquérir et savoir à Bourges si les Flamans qui ont besongné en celle de feux le duc de Berry , en laquelle monseigneur le Roy a fait naguères besoigner et, comme croions, fait encores de présent, s'ilz y sont encores, et les faictes venir, s'il est possible de les avoir, pour l'achever, comment qu'il soit : car, comme avons entendu, se sont les meilleurs ouvriers qui soient en ces marches de par deçà d ; et les envoiez quérir jusques là, et avancez tousjours Poncet de besoingner en toute diligence et le plus toust que bonnement

faire pourra. »

171. — 15 septembre 1459. — Lettre des gens des comptes à René :

« ... Poncet besongné en vostre sépulture le mieulx qu'il puet selon sa faculté et l'argent que on lui baille. Il est seul et ne trouverait pas ung ouvrier. Et si ne estoit ce petit d'argent que on luy baille par sepmaine , il n'auroit de quoy vivre, et fault tirer de luy toute la peine qu'on pourra. Tousjours dit qu'il parachèvera , mais à peine le croions ; toutesvoies il est et sera avancé le plus que sera possible.

Sire, maistre Jacques Moreau est allé de vie à trespassement, en debte envers pluseurs personnes , et n'a esté trouvé riche en or et argent que de v sols. Les chevaliers et dammes de vostre sépulture sont parachevez, excepté une petite porcion de l'un des ymaiges, et a tout esté mis en vostre chasteau d'Angiers2. »

1. Ce passage important ajoute une certitude aux conjectures que l'on faisait sur les rapports du roi René avec l'école flamande (V. Dehaisnes, l'Art chrétien en Flandre, p. 253). Non-seulement il avait pu voir des maîtres flamands à Lille (ou plutôt à Dijon, à la cour du duc de Bourgogne, car il séjourna trèspeu dans la première de ces villes); mais il en connut réellement dans le centre de la France, les apprécia et les rechercha. A la vérité, il s'agit moins ici de peintres que de sculpteurs ; mais on sait combien ces deux arts étaient étroitement unis au moyen-âge, et, dans le monument même dont il est question, les statues devaient être peintes.

2. Toutes les parties du monument se faisaient donc séparément jusqu'au jour de l'assemblage, qui n'arrivait jamais. La lenteur des ouvriers et la pénurie des finances de René paralysaient ses meilleures intentions.

172. — 8 novembre 1459, Marseille. — Lettre de René répondant à la missive précédente :

« ... Au inf et Ve [articles], qui est que Poncet besoigne en nostre sépulture le mieulx que faire se puet, et qu'il y est seul, et que maistres Jacques Moreau est allé de vie à trespas, autreffoiz vous avons escript que feissez enquérir des ouvriers qui estoient à Bourges , et que, s'ilz y estoient encores, que les feissez venir pour y besongner : si fait ne l'avez, vueillez le faire comment qu'il soit; et, s'il se puet faire, faictes asseoir l'autel de ladite sépulture par ledit Poncet, et faites parachever par quelque bon maistre ce que a laissé à faire feux maistre Jacques Moreau. Et vouldrions bien que feissez aussi commancer à asseoir ladicte sépulture. »

173. — 5 février 1460. — « Le cinquiesme jour de février l'an mil imc lix. A esté appoincté, touchant la façon du reliquaire de Saint-Maurice d'Angiers1, que Pons Poncet, ymagier, doit et est tenu de faire et acomplir, qu'il sera paie par Macé Bachelot, commis au paiement de la sépulture dudit seigneur et dudit reliquaire, dedans le jour de demain, la somme de quarente solz, et par chascun sabmedi ensuivant jusques à karesmes prenant la somme de quatre livres , qui sont pour quatre sabmediz seize livres ; dedans lequel temps il rendra ledit reliquaire levé et assis de toutes choses, sauf de douze ymaiges qu'il est tenu et a promis faire quinze jours après ensuyvans et les asseoir et rendre prestes oudit reliquaire ; et luy sera paie par chascun de deux sabmediz desdiz quinze jours la somme de vingt solz tournois, qui est pour lesdiz quinze jours quarente solz, et, en somme, toute la somme de vingt livres. Et de parfaire et acomplir ledit reliquaire entièrement dedans le temps dessus dit, selon le povoir et devis que en a fait ledit seigneur roy de Sicile 2, s'est obligé et oblige ledit Pons Poncet , ymagier, soy, ses hoirs, etc., et son

corps à tenir prison, etc. »