Sorte de canon

Item, en chascun costé de fenestre, entre le coing , avéra une archière pour traire d'une arbalestre.

Item, doit avoir au-dessus du mur saillies de n corbiaus l'un sur l'autre, de piet et demi chascun, pour porter la saillie de la couverte du mairren de ladicte tour, qui sera ci dessous devisée.

Item, le mur ancien qui est devers le degré par où on monte en ladicte tour, qui est encores , demourra tous et le piler qui y est.

Item, sera lidis pilers remassonnés au dessus plus haut et bretechiés comme une tournelle.

Item, li autres pilers qui est à l'autre costé, plus près de la tour dessus la porte, demourra ainsi adprésent, et ce qui sera bon du mur qui li est joingnant devers la grant sale; et sera lidiz pilers haussiés, crénelles et breteschiés, ainsi comme dit est de l'autre piler qui est à l'autre costé.

Item, le mur abatu entre ledit piler et la porte sera refais adprésent sur l'ancien fondement en la fourme du vieil mur.

Item, ainsi de présent le mur tout à reont du chastel, et joindra à il tours nouvelles et à la grant sale.

Item, là où faut maintenant le mur ancien, devers le degré de la tour dessus la porte, on commensera le mur nouvel, qui seront joint et reliez ensamble bien et fort; là se fera i tuel dehors, couvert de pierre de taille, bon et fort, pour faire chambres au commun, et se descendra couvers de la terre du fossé jusques au fons dudit fossé, en descendant tousjours devers le fons, et y avéra une bouche de taille bonne et forte par où lesdictes chambres puissent estre curées et widiés quant mestier sera.

Item, unes autres chambres seront faites de l'autre part, à l' opposite, en samblable fourme et manière que les autres chambres dessus dites.

Item, toute ladicte closure reonde, en tant qu'elle resgardera sur les fossés, jusques as tour neuves, sera crénellée et faite à saillies de pierre dehors garitez i, si que sauvement dedens on puist deffendre les murs.

Item, les n tours nouvelles commenciés, se parferont en la