Fortifiées au moyen de guérites
manière que elles sont commenciés, en restrangnant l'œvre en montant.
Item, montera la massonnerie desdictes tours aussi haut comme la feste de la grant sale ; ainsi averont environ vuxx pies de haut de massonnerie sans la couverte du marrien.
Item, en chascune tour avéra n estages ou soliers de volte de pierre, et n de bois ou de marrien.
Item, que en chascun des soliers de ladite tour avéra une grant pierre qui saudra dehors toute l'œvre, pour geter les yaues.
Item, sera chascune desdites tours en haut garnie de saillies de pierre, si comme dessus est devisé du mur reont.
Item , en chascune desdites tours avéra chambres aisiés, qui se feront dehors les murs desdites tours, toutes par tuyaus bons et fors qui descenderont jusques au fons du fossé, et porront estre curées toutes quant mestiers sera; et avéra es tuyaus fenestres pour issir et widier le mauvais air desdictes chambres.
Item, il avéra en chascune tour n ou m sièges des chambres basses, et seront fais devers la closure reonde, afin que ne nuiset ou grièvent à l'air de la chambre ne de la sale.
Item, ou second estage, ou solier de la tour neuve qui est à destre et devers soleil levant, et qui sera de volte de pierre, avéra une chapelle, et dessus avéra, se il plait au seigneur, ou garderobe ou ce qui lui plaira.
Item , on entrera esdictes tours de la sale ou de la grant chambre tant seulement.
Item, ouderrenier estage de la tour qui est à destre, descendera on par un trou qui sera laissiés dessus à un tour.
Item, ou derrenier estage de la tour qui est à senestre, au rez du fossé, devers la grant sale, avéra une petite fausse porte pour issir hors du chastel, se mestiers estoit, sans aler par devant par le pont; et sera faite bien bas au fons du fossé, si que il avéra devant un pou de volte de pierre où il avéra une porte, si que il avéra n portes.
Item, es autres estages de ladite tour qui est à senestre, porront estre boutellerie , garderobes , ou ce qu'il plaira au seigneur.
Item, le long de la grant sale ancienne venra jusques as dictes il neuves tours et à la closure reonde, et sera l'entrée de la sale ou milieu entre les n tours dessus dites.
Item, au coing de ladicte sale, au lez senestre, devers ladicte neuve tour, avéra un degré qui se avalera jusques à la plus basse vol te qui est au piet du mur ancien de ladicte sale, et d'ilecques ainsi entrera on en l'autre volte qui est au dessus , et sera tels que on y puist descendre et avaler une pièce de vin1.
Item, pour fortefier le mur qui soustient la terre d'une partie de ladicte sale où il n'a point de volte, au rez et à le haut d'un archet qui est oudit derrenier estage de la sale , sera tout fait de volte, qui sera fondée sur bonne taille en eslargissant la place au plus que on porra convenablement.
Item, ou fondement qui sera fais en ladicte plus basse maison pour faire ladicte volte, sera faite une porte de taille, afin que, se ledit seigneur avoit conseil de faire volte dessous toute la sale, que on y entrast par celle porte, et sera nientmains ladicte porte massonée.
Item, pour ce que l'autre volte ancienne au-dessous estoit neccessaire à réparer et estoit trop haute, et pour ce que en la haute sale puist avoir n bons estages, elle sera abaissié d'une toise et de plus, et seront en icelle volte et en toutes au dessus mis croches et aniaulz de fer bons et fors, pour pendre lars ou ce que on voldra.
Item, ou mur qui se fait de nouvel à senestre joingnant de la sale , sera faite une arckière qui donra jour et clarté à la volte plus basse et à l'autre dessus et au degré par où on ira en y celle.
Item, en icellui mur meismes, assés près de la tour, sera faite une autre archière qui puisse donner clarté à la cave, se le seigneur avoit conseil de faire volte partoute dessous la grant sale, et aussi au degré par où on iroit et avaleroit en icelle.
Item, n samblables archières seront faites de l'autre costé, qui donront jour samblablement.
Item, samblablement seront faites en chascune tour une archière, pour donner clarté au fons des tours.
Item, ou mur de la tour qui est à senestre, là où seroit le coing de la volte se elle se faisoit partout dessous la sale , se fera une porte et entrée de taille par où on porroit aler de ladicte cave ou derrenier estage de la tour.
