PAR GUERIN

Manuscrit de Saint-Germain, n" i85o.

Qui qu'en ait ire ne despit.

Sans terme prenre, ne respit.

Vos dirai d'un Provoire un conte , (Si com GuERiNS le nos raconte.) Qui au marchié voloit aler :

Sa jument a fait ensscler.

Qui granz estoit et bien péùe ; Deux ans l'ot li prestres tenue ; N'avoit gaires ne soi ne fain , Assez avoit aveine et fain.

Li prestre son chemin atorne, ]Ve fait que monter, si s'entorne Vers le marchié sor la jument ,

DU PROVOIRE QUI MENGA DES MORES.

Se l'estoire ne nos en ment; Por icele saison me manhre, Bien sai que ce fu en setenbre , Qu'il estoit grant plenté de meures.

Li prestre vait disant ses eures , Ses matines et ses vegiles.

Mais à l'entrée de la vile , Plus loing que ne giete une fonde A voit une rue parfonde, En un buisson avoit gardé.

Des meures i vit grant plenté, Grosses et noires et meures , Et li prestres tôt à droiture Dist que se Jhesu Crist li aist , Si heles meures mais ne vit.

Grant fain en ot, si ot talent , La jument fait aler plus lent, Si s'arrestut tôt à estai ; Mais une chose li fist mal, Que les espines li nuisirent, Et les meures qui si hait furent Les plus bêles el front devant , Que venir n'i pot en séant.

Adonc est li prestres dreciez, Sor la sele monte à deux piez , Sor le buisson s'abaisse et cline.

Puis menjue de grant ravine Des plus bêles qu'il i eslut , Aiuz la jument ne se remut.

Et quant il ot mengic assez Tant que il en fut toz lassez.

Vers terre garde, et ne se mut, Et vit la jument qui s'estut Vers le roschoi trestote qoie, S'en ot li prestres molt grant joie Qui à deux piez est sus montez; Diex , fait-il, qui or diroit, Htz.

Il le pensa, et dist ensanble; Et la jument de poor tranble , Un saut a fait tôt à bandon , Et li prestre chiet el buisson En tel manière entre les ronces, Qui d'argent li donast cent onces N'alast arrière ne avant. Et la jument s'en vait fuiant.

Chez le provoire est revenue Quant li serjant l'ont connéue , Chascun se maudit et se blasme ,

Et la feme au prestre se pasme, Qu'ele quide que il soit morz, Ci fut molt granz li desconforz.

Coraut s'en vont vers le marcliié , Tant ont aie, et tant marchié, El buisson vienent trestot droit Où le prestre en malaise estoit.

Et quant il les ot dementier , Commença lors à escrier:

Diva , Diva , où alez-vos , Ge sui ici molt doulerox, Pensis, dolenz, molt esmaiez, Quar trop sui malmis et bleciez , Et poinz de ronces et d'espines Don j'ai sanglentes les eschines.

Li serjant li ont demandé :

Sire , qui vos a là monté ?

Pechié, fait-il, m'i embati; Hui matin quant ge ving par ci.

Que j'aloie disant mes ores , Si me jirist molt grant fain de mores, Que por rien nule avant n'alasse Devant que assez en mengasse; Si m'en est ainsi avenu , Que li buissons m'a retenu :

Quar m'aidiez tant que fors en soie, Quar autre chose ne querroie , Mais que ge fusse à garison; Et à repos en ma maison.

Par cest flabel poez savoir, Que cil ne fait mie savoir.

Qui tôt son pensé dit et conte , Quar maint domaige en vient et honte A mainte gent, ce est la voire.

Ainsi com il lîst au Provoire.

CEST LI FÀBLIAUS

DE COQUAIGNE.

Manuscrits, n. 7218 et 7615.

Or entendez qui estes ci , Tuit devez estre mi ami Et honorer com vostre père.

S'est bien droiz et reson que père

C'EST LI FABLIAUS DE COQUAIGNE.

Li granz sens que Diex m'a doné.

Mes ainz qu'il vous aie conté,

I porrez-vous tel chose oïr

Qui moult vous fera resjoir.

Une chose poez savoir

Qu'en grant barbe n'a pas savoir ;

Se li barbé le sens séussent ,

Bous et chievres molt en eussent,

A la barbe ne baez mie ,

Tels l'a grant n'a de sens demie :

Assez ont de gent li jone home.

Entor l'Apostole de Rome Alai por penitance querre , Si m'envoia en une terre Là où je vi mainte merveille :

Or oiez comment s'apareille Li pueples qui ou pais maint.

Je cuit que Diex et tuit si saint L'ont miex benéie et sacrée Que il n'ont une autre contrée.

Li pais a à non Cocaingne , Qui plus i dort, plus i gaaigne:

Cil qui dort jusqu'à miedi, Gaaigne cinc sols et demi.

De bars , de saumons et d'aloses Sont toutes les mesons encloses ; Li chevron i sont d'esturjons.

Les couvertures de bacons.

Et les lates sont de saussices.

Moult a ou pais de délices , Quar de hastes et de courz os I sont li blé trestuit enclos ; Par les rues vont rostissant Les crasses oes et tarnant Tout par eles, et tout adès Les siut la blanche aillie après , Et si vous di que toutes voies Par les chemins et par les voies Trueve-1'en les tables assises , Et desus blanches napcs mises :

Si puet-l'cn et boivre et mangier Tuit cel qui vuelent sanz dangier; Sanz contredit et sanz deffense Prent cbascuns quanques son cuer pense, Li uns poisson, li autres char.

S'il en voloit chargie un char.

Si l'auroit-il à àon talant; Char de cerf ou d'oisel volant

Qui veut en rost, qui veut en pot:

Ne jà n'i paieront escot ,

N'après mengier n'i conteront

Ausi come en cest pais font:

C'est fine véritez provée

Qu'en la terre benéurée

Cort une rivière de vin.

Si arrivent li Mazerin

Et li voirrc i vont arrivant.

Et li hanap d'or et d'argent.