LIVRE U, CHAPITRE V
espingle. Et pria audit de Sainct-Pierre qu'il luy aidait à ravoir, ce qu'il fiât. Et icelle baisa et bailla audit monseigneur le chancelier.
« Et puis luy demanda ledict monseigneur le cban* celier, où estoit son espée que baillée luy avoit esté en le faisant connestable. Lequel respondit qu'il ne Tavoît point, et que quant il fut rois en arrest que tout luy fut osté, et qu'il n'avoit rien avecques luy aultrement qu'ainsi qu'il estoit quant il fiit amené prisonnier en ladicte Bastille, dont par mondit seigneur le chancelier fut tenu pour excusé.
«Et à tant se départit mondict seigneur le chancelier , et tout incontinent après vint et arriva maistre Jehan de Poupaincourt , président en la court; qui luy dist aultres paroles telles que s'ensuivent : « Monseigneur , vous sçavez que par l'ordonnance du aroy vous avez esté constitué prisonnier en la Basic tille Sainct-Ântoine, pour raison de plusieurs cas «et crimes à vous mis sus et imposez. Auxquelles «chai^^ avez respondu et esté ouy en tout ce que «vous avez voulu dire, et sur tout avez baillé vos ex- «cusations; et tout veu à bien grant et meure déli- «bération, je vous dis et déclaire, et par arrest d'i- « celle court, que vous avez esté crimineux de crime «de lèze-majesté, et comme tel estes condemnéà «souffrir mort dedans le jourd'buy, c'est à sçavoir , «que vous serez décapité devant l'hostel de ville de «Paris , et toutes vos seigneuries, revenues , et aul- « très héritages et biens déclarez acquis et confisquez « au roy nostre sire. »
«Duquel dictum et sentence ledict de Sainct-Pol se trouva fort perpleux , et non sans cause , car il ne caidoit point que le roy ne sa justice le deussent faire mourir. — Et dist alors et respondit : « Ha, ha ! cDieu soit loué, veez cy bien dure sentence; je luy € supplie et requier qu'il me doint grâce de bien le «recongooistre aujourd'huy.» — Et si dist oultre à monseigneur de Sainct-Pierre : «Ha, ha! monsei- « gneur de Saint-Pierre , ce n'est pas cy ce que m'a- « vez tousjours dict. »
«Et lors ledit monseigneur de Sainct-Pol fut mis et baillé es mains de quatre notables docteurs en théologie, dont Fun estoit cordelier, nommé maistre Jean de Sordun , l'autre Augustin, le tiers penancier de Paris, et le quart estoit nommé maistre Jehan Hue, curé de Sainct-Andry-des- Arts , doyen de la Faculté de théologie audict lieu de Paris, auxquels et à monseigneur le chancelier ledict mon? seigneur de Sainct-Pol , requist qu'on luy baillast le corps de nostre Seigneur , ce qui ne luy fut point accordé, mais luy fut feit chanter une messe devant luy , dont il se contenta assez.
«Et cette messe dicte, luy fut baillé de l'eau beniste et du pain benoist, dont il mengea, mais il ne bust point lors ne depuis ; et ce faict demoura avec
lesdicts confesseurs jusques à entre une et deux heures après midy , qu'il descendit du palais et remonta à cheval pour aller en l'hostel de ville, où estoient faits plusieurs eschaffaulx pour son exécution; et avecques luy estoient le greffier de la court, et huissiers d'icelle.
a Et audict hostel de la ville descendit, et fut mené au bureau dudict lieu, contre lequel y avoit un grant eschaffault drécié, et au joignant d'icelluy on venoit par une allée de bois à ung aultre petit eschaffault, là où il fut exécuté. Et en Icellqy bureau fut illec avec sesdicts confesseurs fusant de grans et piteux regrets, et y fit utig testament tel quel, et soubs le bon plaisir du roy^ que sire Denis Hesselin escripvlt soubs luy. En faisant lesquelles choses il demoura audict bureau jusques à trois heures dudict jour, qu'il issist hors d'icelluy bureau , et s'en vint getter au bout du petit eschaffault et mettre la hct et les deux genouils fléchis devant l'église Nostre-Dame de Paris , pour y faire son oralson, laquelle il tînt assez longue en douloureux pleur et grant contrition , et tousjours la croix devant ses yeux , que luy tenoit maistre Jehan Sordun , laquelle souvent il baisoit en bien grant révérence, et moult piteusement plourant.
Et après sadicte oraison ainsi faicte , et qu'il se fust levé debout , vint à luy un nommé Petit Jehan, fils de Henry Cousin, lors maistre exécuteur de la haulte justice, qui apporta une moyenne corde dont il lui lia les mains, ce que ledict de Saint-Pol souffrit bien benignement. Et en après le mena ledict Petit Jehan et fist monter dessus ledict petit eschaffault, dessus lequel il se arresta et tourna le visaige par devers lesdits chancelier, de Gaucourt, prevost de Paris, seigneur de Sainct Pierre, greffier civil de ladicte court, sire Denis Hesselin, et aultres officiers du roy nostre sire, estans illec en bien grant nombre, et leur cria mercy pour le roy, et les requit qu'ils eussent son ame pour recommandée. Et aussi se retourna au peuple estant du costé du Saint-Esprit , en suppliant aussi de prier pour son ame.
« Et puis s'en ala mettre à deux genoulx dessus un petit carreau de laine aux armes de la ville de Paris; il fut illec diligemment bandé par les yeulx par ledit Petit Jehan, et lui toujours parlant à Dieu et à sesdits confesseurs, et souvent baisant ladicte croix. Et incontinent ledit Petit Jehan saisit une espée que son père luy bailla, dont il fist voUer la teste de dessus les espaules, si tost et si transivement, que le corps cheyt à terre aussi tost que la teste, laquelle teste incontinent après fut prise par les cheveuhc par Petit Jehan, et lavée en un seau d'eau, et puis jnise sur les appuys du petit eschaffault, et rooostrée aux regardants, qui estoient bien deux cent mil personnes et mieulx. x>
