Lettre de Simon Renard déjà citée

Interrogatoire de mademoiselle de Piennes.

Du cinquième jour d'octobre 1 556.

Monseigneur le cardinal de Lorraine, accompagné de messieurs les évesque de Soissons, archevesque de Vienne, l'évesque d'Orléans, le s. du Mortier, conseiller au conseil privé du roy, et maistre Pierre Séguier, conseiller dudit seigneur et président en la cour de parlement à Paris, s'est, par commandement dud. seigneur et de la royne, transporté au château du Louvre, où il a fait venir devers luy damoiselle Jehanne de Halwuin, l'une des demoiselles de la royne, laquelle, après serment par elle faict de dire vérité, a dict qu'elle est âgée de 19 à 20 ans.

Enquise par ledit seigneur depuis quel temps elle a cognoissance de messire François de Montmorency, fîlz aîné de monseigneur le duc de Montmorency, connestable de France, dict que ce feust tost après le commencement du règne du roy, qu'elle le veoyoit souvent chez la royne et ailleurs, et parloit à elle et à ses compaignies.

Quelz propoz elle a euz à ce commancement avecques led. s. de Montmorency, dict plusieurs, dont elle n'est recordz.

Enquise si elle a euz propoz de mariage avecques luy, depuis quel temps et quelz lesd. propos et en quelz lieux ils ont esté tenuz, dict que les premiers propos luy en furent tenuz par led. s. de Montmorency, il y a environ cinq ou six ans, et que ce fut au palais de ceste ville de Paris ou à Saint-Germain-en-Laye, et autrement ne sçauroit dire où premièrement il commença à luy en parler.

Lesd. propoz furent qu'il la prenoit à femme et elle respondit qu'elle le prenoit à mary. Bien dit que auparavant il luy en avoit plusieurs fois parlé, mais qu'elle ne le vouloit accepter, parce qu'elle le voyoit bien fort jeune et aussi qu'elle craignoit que mond. s. le connestable le trouvast mauvais ; à quoy il luy respondoit qu'il atendroit si longuement et qu'il luy seroit si obéissant qu'il le luy feroit trouver bon, et qu'elle ne l'eust poinct déclaré si led. s. de Montmorency n'en eust parlé à cause du mariage de madame de Castres.

Enquise si il y avoit personne présent à tous les propoz qu'ils ont euz dud. affaire, dit que non.

Enquise s'il luy a jamais riens donné ne faict aucun présent en nom de mariage, dit que non.

Enquise s'il y a riens eu de faict aud. mariage et autre chose que parole entre eux et si ausd. promesses est intervenu quelque homme d'église, dict qu'il n'y a riens eu de faict, mais de parollc seulement, et qu'il ne l'en a pas requise et que aussi bien ne y eust-elle jamais consent) '.

1 . Cet article, le plus important de tous, est chargé de ratures et de cor-