DE PICROCHOLE

En ces mesmes jours, ceux de Ressé, du Marché vieux, du bourg Sainct Jacques, du Trainneau, de Parillé, de Riviere, des Roches Sainct Pol, du Vau breton, de Pantillé, du Brehemont, du pont de Clain, de Gravant, de Grandmont, des Bourdes, de ‘ la Villeaumerej de Hujines, de Segré, de Hussé, de Sainct Louant, de Panzoust, des Couldreaulx, de Verron, de tjoulaines, de Chosé, de Vàrenes, de Bourgueil, de l’isle Boucard, du Groulay, de Narsay, de Cande, de Montscreau, et aultres lieux confins, envoyèrent devers Grandgousier ambassades pour luy dire qu’ilz esioient advertis des torts que luy faisoit Picrochole ; et, pour leur ancienne confédération, ilz luy .ofiroient tout leur pouvoir, tant de gens que d’argent et aultres munitions de guerre. L’argent de tous montoit, par les pactes qu’ilz luy envoyoient, six vingt quatorze' millions, detq^-oscus et demy d'or.

90 LIVRE I, CHAPITRE XLVll

Les gens estoient quinze mille hommes d’armes, trente et deux mille chevaux leviers, quatre vingts neuf milles harquebousiers, cent quarante mille adventuriers, unze mille deux cens canons, doubles canons, basilics et spiroles ; pionniers, quarante sept mille : le tout souldoyé, et avitaillé pour six mois et quatre iouro. Lequel offre Gargantua ne refusa, ny accepta du tout. Mais, grandement les remerciant, dist qu’il composeroit ceste guerre par tel engin que besoing ne seroit tant empescher de gens de bien Seulement, envoya qui ameneroit en ordre les légions lesquelles entrêtenoit or- ' dinairement en ses places de la Deviniere, de Chaviny, de Gravot et Quinquenays, montant en nombre deux mille cinq cens hommes d’armes, soixante et six mille hommes de pied, vingt et six mille arquebusiers, deux cens grosses pièces d’artillerie, vingt et deux mille pionniers, et six mille chevaux legiers ; tous par bandes, tant bien assorties de leurs thresauriers, de vivandiers, de mareschaux, d’armuriers et aultres gens necessaires au trac de bataille, tant bien instruicts en art militaire, tant bien armés, tant bien recognoissans et suivans leurs enseignes, tant soudains à entendre et obéir à leurs capitaines, tant expédiés à courir, tant forts à choquer, tant prudens à l’adventure, que mieulx ressembloient une harmonie d’orçues et concordance d’horologe , qu’une armée ou gendarmerie.

Touquedillon, arrivé, se présenta à Picrochole, et luy conta au long ce qu’il avoit et faict et veu. A la fin, conseilloit, par fortes paroles, qu’on fist appointement avec Grandgousier, lequel il avoit esprouvé le plus homme de bien du monde ; adjoustant que ce n’estoit ny preu ny raison molester ainsi ses voisins, desquelz jamais n’avoient eu que tout bien. Et, au regard du principal, que jamais ne sortiroient de ceste entreprinse qu’à leur grand dommaige et malheur. Car la puissance de Picrochole n’estoit telle que aisément ne les peust Grandgousier mettre à sac. Il n’eut achevé ceste parole que Hastiveau dist tout hault : « Bien malheureux est le prince qui est de telz gens servy, qui tant facilement sont corrompuz, comme je cognois Touquedillon : car jevoy son couraige tant changé que voluntiers se fust adjoinct à nos ennemis pour contre nous batailler et nous trahir, s’ilz l’eussent voulu retenir ; mais, comme vertu est de tous, tant amis qu’ennemis, louée et estimée, aussi meschanccté est tost cogneue et suspecte. Et, posé que d’icelle les ennemis se senent à leur profit, si ont ilz tousjours les meschans et traistres en abomination. »

A ces paroles, Touquedillon, impatient, tira son espée et en transperça Hastiveau un peu au-dessns de la mamelle gauche, dont mourut incontinent. Et, tirant son coup du corps, dist franchement : « Ainsi périsse qui féaulx serviteurs blasmera. » Picrochole soudain entra en fureur, et, voyant

GARGANTUA

l’csp^e et fourreau tant diapré, dist : « T’avoit on donné ce baston pour, en ma présence, tuer malignement mon tant bon amy Hastiveau? »

Lors commanda à ses archiers qu’ilz le missent en pièces. Ce que fut faict sus l'heure, tant cruellement que la chambre estoit toute pavée de sang. Puis fit honorablement inhumer le corps de Hastiveau, et celuy de Touquedillon jetter par sus les murailles en la vallée.

Les nouvelles de ces oultraiges furent sceues par toute l’armée, 'dont plusieurs commencèrent à murmurer contre Picrochole, tant que Grippeininauld luy dist : « Seigneur, je ne sçay quelle issue sera de ceste entreprinse. Je voy vos gens peu confermés en leurs couraiges. Hz considèrent que sommes icy mal pourveuz de vivres, et ja beaucoup diminués en nombre, par deux ou trois issues. Davantaige, il vient grand renfort de gens à vos ennemis. Si nous sommes assiégés une fois, je ne voy poinct comment ce ne soit à nostre ruine. totale.

— Bren, bren, dist Picrochole, vous semblez les anguilles de Melun : vous criez davant qu’on vous escorche. Laissez les seulement venir. »