COMMENT GARGANTUA ASSAILLIT PICROCHOLE DEDANS LA ROCHE CI.ERMAUD

ET DEFIT l’armée DUDIT PICROCHOLE

Gargantua eut la charge totale de l’armée : son pere demoura en son fort. Et, leur donnant couraige par bonnes paroles, promit grands dons à ceux qui feroient quelques prouesses. Puis gaignerent le gué de Vedcj et, par basteaux et pons legierement faicls, passèrent oultrc d’une traicte. Puis, considérant l’assiette de la ville, qu’estoit en lieu hault et advantageux, délibéra celle nuyt sus ce qu’estoit de faire. Mais Gymnaste liy dist ; a Seigneur, telle est la nature et eomplexion des François qu’ilz ne valent qu’à la première poincte. Lors ilz sont pires que diables. Mais, s’ilz séjournent, ilz sont moins que femmes. Je suis d’adv-is qu’à l’heure présente, après que vos gens auront quelque peu respiré et repeu, faciez donner l’assault. »

L’advis fut trouvé bon. Adonc produict toute son armée en plein camp, mettant les subsides du costé de la montée. Le moine print avec luy six enseignes de gens de pied, et deux cens hommes d’armes ; et, en grande diligence, traversa les marais, et gaigna au-dessus le Puy, jusques au grand chemin de Loudun. Ce pendant l’assault continuoit ; les gens de l’icrochole ne savoient si le meilleur estoit sortir hors et les recevoir, ou bien garder la ville sans bouger. .Mais furieusement sortit avec quelque