LIVRE I, CHAPITRE LUI

plus grande resverie du monde estoit soy gouverner au son d’une cloche, et non au dictd de bon sens et entendement. »

Item, parcequ’en iceluy temps on ne mcttoit en religion des femmes, sinon celles qui estaient borgnes, boiteuses, bossues, laides, defaictcs, folles, insensées, maleficiées, et tarées; ny les hommes, sinon catarrés, mal nés, niais, et empesche de maison (« A propos, dist le moine, une femme qui n’est ny belle, ny bonne, à quoy vault taille? — A mettre en religion, dist Gargantua. — Voire, dist le moine, et à faire des chemises »), fut ordonné que là ne seroient receu, sinon les belles, bien formées et bien naturées, et les beaux, bien formés et bien naturés.

Item, parce que es convens des femmes n’entroient les honunes, sinon à l’emblée et clandestinement, fut décrété queja ne seroient là les femmes, au cas que n’y fussent les hommes; ny les hommes, au cas que n’y fussent les femmes.

Item, parce que tant hommes que femmes, une fois receuz en religion , après l’an de probation, estaient forcés et astraincts y demeurer perpétuellement leur vie durante, fut estably que tant hommes que femmes là receuz sortiroient quand bon leur sembleroit, franchement et entièrement.'

Item, parce que ordinairement les religieux faisaient trois vœux, sçavoir est de chasteté, pauvTeté, et obedience, fut constitué que là honorablement on peult estre marié, que chascun fust riche, et vesquist en liberté. Au regard de l’aage légitimé, les femmes y estoient reçues depuis dix fusques à quinze ans; les hommes, depuis douze jusques à dix et huit.