COMMENT FUT BASTIE ET DOTÉE L’ADDAVE DES TUELEMITES

Pour le bastiment et assortiment de l’abbaye, Gargantua fit livrer de content vingt et sept cens mille huit cent trente et un mouton à la grand laine, et, par chascun an, jusques à ce que le tout fust parfaict, assigna, sur la recepte de la Dive, seize cent soixante et neuf raille escus au soleil, et autant à l’estoille poussiniere. Pour la fondation et entretenement d’icelle, donna à perpétuité vingt trois cent soixante neuf mille cinq cent quatorze nobles à la rose, de rente foncière, indemnés, amortis et solvables par chascun an à la porte de l’abbaye. Et de ce lenr passa belles lettres. Le bastiment fut en figure exagone, en telle façon qu’à chascun angle estait bastie une grosse tour ronde, à la capacité de soixante pas en diamètre. Et estoient toutes pareilles en grosseur et portraict. La riviere de Loire descoultoit sus l’aspect de Septentrion. Au pied d’iccUc estoit

GARGANTUA

une des tours assise, nommée Arctice. En tirant vers l’orient estoit une aultre, nommée Calaer. L’aultre ensuivant, Anatole; l’aultre après, Mesembrine; l’autre après, Hesperie; laderniere, Cnere. Entre chascune tour estoit esoace de trois cens douze pas. Le tout basty à six estages, eompreuant les caves sous terre pour un. Le second estoit voultè à la forme d’une anse de panier. Le reste estoit embrunchè de guy de Flandres à forme de culz de lampes. Le dessus couvert d’ardoise fine, avec l’endoussurc de plomb à figures de petits mannequins, et animaux bien assortis et dorés ; avec les goutieres qui issoient hors la muraille entre les croisées, peintes en figure diagonale d’or et azur, jusques en terre, où finissoient en grands eschenaux, qui tous conduisoient en la riviere par dessous le logis.

Ledict bastiment estoit cent fois plus magnifique que n’est Bonivet, ne Chambourg, ne Chantilly ; car en iceluy estoient neuf mille trois cens trente et deux chambres, chascune garnie de arriéré chambre, cabinet, garderobe, chapelle, et issue en une grande salle. Entre chascune tour, au milieu dudict corps de logis, estoit une viz brisée dedans iceluy uiesme corps. De laquelle les marches estoient part de porphyre, part de pierre numidique, part de marbre serpentin, longues de vingt et deux pieds; l’espesseur estoit de trois doigtz, l’assiette par nombre de douze entre chascun repos. Eu chascun repos estoient deux beaux arceaux d’antique par lesquelz estoit reçue la clarté : et par iceux on entroit en un cabinet faict à claire voys, de largeur de ladictc viz; et montoit jusques au dessus la couverture, et là finoit en pavillon. Par icelle viz un entroit de chascun coslé en une grande salle, et des salles es chambres.

Depuis la tour Arctice jusqu’à Criere estoient les belles grandes librairies en grec, latin, hebrieu, françois, tuscan et espagnol, disparties par les divers estages selon iceux langages. Au milieu estoit une merveilleuse viz, de laquelle l’entrée estoit par le dehors du logis en un arceau large de six toises. Icelle estoit faicte en telle symmetric et capacité que six hommes d’armes, la lance sur la cuisse, pouvoient de front ensemble monter jusques au dessus de tout le bastiment.

Depuis la tour Anatole jusques à Mesembrine estoient belles grandes galeries, toutes peintes des antiques prouesses, histoires et descriptions de la terre. Au milieu estoit une pareille montée et porte, comme avons dict du costé de la riviere. Sus icelle porte estoit escript en grosses lettres antiques ce qui s’ensuit.