INSCRIPTION MISE SUR LA GRANDE PORTE DE THELEHE

Cy n’entrez pas, hypocrites, bigolz,

Vieux matagotz. marmiteux borsouflés,

Torcoulx, badaux, plus que n’estoient les Getz, Ny Ostrogotz, précurseurs des magotz :

Hairés, cagotz, cafars empantouflés,

Gueux mitouflés, frapparts escorniflés,

Refilés, enflés, fagoteurs de tabus;

Tirez ailleurs pour Tendre vos abus.

Vos abus meschans Rempliroient mes champs De meschanceté;

Et par faulseté Troubleroient mes chants Vos abus meschans. .

Cÿ n’entrez pas, maschefains practiciens.

Clercs, basauchiens, mangeurs du populaire, Olliciaux, scribes et pharisiens.

Juges anciens, qui les bons parroiciens Ainsi que chiens mettez au capulaire;

Vostre salaire est au patibulaire.

Allez y braire : icy n’est faict exces Dont en vos cours on denst mouvoir procès.

Procès et debatz Peu font cy d’esbatz,.

Ou l’on vient s’esbatre.

A vous, pour debatre Soient en pleins cabatz Procès et debatz. .

Cy n’entrez pas, vous usuriers chichars, Briflaulx,^ leschars, qui tousjours amassez, Grippeminaux, avalleurs de frimars.

Courbés, camars, qui en vos coquemars De mille marcs ja n’auriez assez.

Poinct esgassés n’estes quand cabasséz Et entassez, poiltrons à chicheface :

La male mort en ce pas vous deface!

Face non humaine De tolz gens, qu’on mene Braire ailleurs : céans Ne seroit séans.

Vuidez ce dommaine,

Face non humaine.

GARGANTUA

Cy n'entrez pas, vous rassotés mastins,

Soirs ny matins, vieux chagrins, et jaloux ;

Ny vous aussi, séditieux mutins,

Larves, lutins, de dangier palatins.

Grecs ou Latins, plus à craindre que loups ; Ny vous galoux, verolés jusqu'à Tous ;

Portez vos loups ailleurs paistre en bon heur, Oroustelevés, remplis de déshonneur.

Honneur, los, deduict,

(>éans est deduict Par joyeux accords.

Tous sont sains au corps.

Par ce, bien leur duict Honneur, los, deduict.

•Cy entrez, vous, et bien soyez venus Et parvenus, tous nobles chevaliers.

Cy eu le lieu où sont les revenus Bien advenus : afin qu'entretenus.

Grands et menus, tous soyez à milliers.

Mes familiers serez, et peculiers :

Frisques, galliers, joyeux, plaisans, mignons; général tous gentils compaignons.

Compaignons gentilz,

Scrains et subtilz,

. Hors de vilité,

De civilité

Cy sont les boustili,

Compaignons gentilz.

€y entrez, vous, qui le sainct Evangile Elw sens agile annoncez, quoy qu'on gronde. Céans aurez un refuge et bastille Contre l'hostile erreur, qui tant postille Par son faulx style empoisonner le monde : Entrez, qu'on fonde icy la foy profonde,

Fuis, qu'on confonde, et par voix et par rolle. Les ennemis de la saincte parole.

La parole saincte Ja ne soit extaincte En ce Ueu très-sainct.

Chascun en soit ceinct ;

Chascune ait enceincte La parole saincte

Cy entrez, vous, dames de hault parage.

En franc courage. Entrez y en bon heur.