COMMENT ESTOIT LE MANOIR DES TUELEMITES

.\u milieu de la basse court estoit une fontaine magnifique, de b alabastre. Au dessus, les trois Grâces, avec cornes d'abondance ; et je\ toient l’eau par les mamelles, Louche, oreilles, yeulx, et aultres ouver. tures du corps. Le dedans du logis sus ladictc basse court estoit sus grot pilliers de cassidoine et porphyre, à beaux arcs d’antique. Au dedans desquelz estoient belles galeries longues et amples, ornées de peintures, de cornes de cerfs, licornes, rhinocéros, hippopotames, dents d’elephans, et aultres choses spectables. Le logis des dames comprenoit depuis la tour Arclice jusques à la porte Mesembrine. Les hommes occupoient le reste. Devant ledict logis des dames, afin qu’elles eussent l’esbatement, entre les deux premières tours au dehors, estoient les lices, l’hippodrome, le théâtre, et natatoires, avec les bains mirifiques à triple solier, bien garnis de tous assortimens, et foison d’eau de myrte.

.louxte la rivière estoit le beau jardin de plaisance. Au milieu d’iceluy, le beau labyrinthe. Entre les deux aultres tours estoient les jeux de paulme r;t de grosse balle. Du costé de la tour Criere estoit le vergier, plein de tous arbres frucliers, tous ordonnés en ordre quincunce. Au bout estoit le grand parc, foisonnant en toute sauvagine. Entre les tierces tours estoient les butes pour l’arquebuse, l’arc, et l’arbaleste. Les offices hors de la tour Hesperie, à simple estaige. L’escurie au delà des offices. La fauconnerie au devant d’icelles, gouvernée par asturciers bien expers en l’art. Et estoit annuellement fournie par Candiens, Vénitiens et Sarmates, de toutes sortes d’oiseaux paragons, aigles, gerfaux, autours, sacres, lahiers, faucons, esparviers, esmerillons, et aultres ; tant bien faicts et domestiqués

GARGANTUA

que, partant du chasteau pour s’esbatre es champs, prenoient tout ce que reiicuiitroient. La venerie estoit un peu peu loin^', tirant vers le parc.

Toutes les salles, chambres et cabineU, estoient tapissés en diverses sortes, selon les saisons de l’année. Tout le pavé estoit couvert de drap verd. Les lictz estoient de broderie. En chascune arriere-cbambre estoit un ipiroir de cristallin, enchâssé en or fin, autour garny de perles ; et estoit de telle grandeur qu’il pouvoit véritablement représenter toute la personne. A l’issue des salles du logis des dames estoient les parfumeurs et testonneurs : par les mains desquelz passoient les hommes, quand ilz visitoient les dames. Iceux fournissoient par chascun matin les chambres des dames d’eau rose, d’eau de naphe, et d’eau d’ange : et à chascune la precieuse cassolette vaporante de toutes drogues aromatiques.