COMMENT ESTOIENT VESTUZ LES RELIGIEU.X ET RELIGIEUSES I)E THELEME

Les dames, au commencement de la fondation, s’habilloient à leur plaisir et arbitre. Depuis, furent reformées par leur franc vouloir en la façon que s’ensuit ; elles portoient chausses d’escarlate, ou de migraine, et passoient lesdictes chausses le genoul au dessus, par trois doigtz justement. Et ceste bsicre estoit de quelques belles broderies et descoupeures. Les jartieres estoient de la couleur de leurs bracclletz, et comprenoient le genoul au dessus et dessous. Les souliers, escarpins, et pantoufles de velours cramoysi rouge ou violet, deschiquetées à barbe d’escrevisse.

Au dessus de la chemise vestoient la belle vasquine, de quelque beau camelot de soye ; sus icelle vestoient la verdugale de tafetas blanc, rouge, tanné, gris, etc. Au dessus, la cotte de tafetas d’argent faict à broderies de fin or, et à l’agueille entortillé, ou (selon que bon leur sembloit, et correspondant à la disposition de l’air) de satin, damas, velours ; orangé, tanné, verd, cendré, bleu, jaune clair, rouge cramoysi, blanc, drap d’or, toille d’argent, de canetille, de brodeure, selon les festes. Les robes, selon la saison, de toille d’or à frizure d’argent, de satin rouge couvert de canetille d’or, de tafetas blanc, bleu, noir, tanné, sarge de soye, camelot de soye, velours, drap d’argent, toille d’argent, or traict, velours ou satin porfilé d’or en diverses portraictures.

En esté, quelques jours, en lieu de robes, portoient belles marlotes des parures susdicles, ou quelques bernes à la moresque, de velours violet à frizure d’or, sus canetille d’ai^ent, ou à cordelieres d’or, garnies aux rencontres de petites perles indicques. Et tousjours le beau panache, selon

LIVRF. 1-, CHAPITRE LVI

les couleurs des mauchoiis, bien garny de papilleltes d'or. En hiver, robes de Utfelas des couleurs comme dessus, fourrées de loups cerviers, genetles noires, martres de Calabre, zibelines, et aullres fourrures précieuses. Les jialenostres, anneaux, jazerans, carcans, estoient de fines pierreries, escarboucles, rubis, balais, diamans, saphis, esmeraudes, turquoises, grenatz, agatlies, berilles, perles, et unions d’excellence. L’accoustrement de la teste estoit selon le temps. En byver, à la mode française. Au printemps, à l’espagnole. En esté, à la lusque. Excepté les festes et dimancbes, «squelz portoient accoustrement françois, parce qu'il est plus honorable et mieulx sent la pudicité matronale.

Les hommes estoient habillés à leur mode : chausses pour les bas, d’estamet, ou seige drapée, d’escarlate, de migraine, blanc ou noir. Les baults, de velours d’icelles couleurs, ou bien prés approchantes : brodées et deschiquetées selon leur invention. 1æ pourpoint, de drap d’or, d'argent, de velours, satin, damas, tafetas, de mesmes couleurs, deschiquetés, brodés et accoustrés en paragon. Les aiguillettes, de soye de mesmes couleurs; les fers, d’or bien esmaillés. Les sayes et chamarres, de drap d’or, toille d’or, drap d’argent, velours porlilé à plaisir. Les robes, autant précieuses comme des dames. Les ceinctures, de soye, des couleurs du pompoinl : chascun la belle espée au costé; la poignée dorée, le fourreau de velours (le la couleur des chausses, le bout d’or et d’orfevrerie. Le poignart de mesmes. Le bonnet, de velours noir, garny de force bagues et boutons d'or. La plume blanche par dessus, mignonnement partie à paillettes d’or, au bout desquelles pendoient en papillettes beaux rubis, esmeraudes, etc.

.Mais telle sjinpathie estoit entre les hommes et les femmes, que, par chascun jour, ilz estoient .vestuz de semblable parure. Et, pour à ce ne faillir, estoient certains gentilz hommes ordonnés pour dire es hommes, par chascun matin, quelle livrée les dames vouloient en icelle journée porter. Car le tout estoit faict selon l’arbitre des dames. En ces vestemens tant propres et accoustremens tant riches, ne pensez que ny eux ny elles perdissent temps aulcun : car les maistres des garderobes avaient toute la vestun* tant preste par chascun matin, et les dames di chambre tant bien estoient apprinses qu’en un moment elles estoient prestes et habillées de pied en cap. Et, pour iceux accoustremens avoir en meilleure opportunité, au tour dn bois de Theleme estoit un grand corps de maison, long de demie lieue, bien clair et assorty : en laquelle demouroient les orfèvres, lapidaires, brodeurs, tailleurs, tireurs d’or, veloutiers, tapissiers, et haultelissiers ; et là (cuvroient chascun de son mestier : et le tout pour les susdicts religieux •et religieuses. Iteux estoient fournis de matière et estoffe par les mains du seigneur Nausiclete, lequel, par chascun an, leur rendoit sept navires

GARGANTUA

lUo

des isles de Perlas et Canibales, chargées de lingolz d’or, de soie crue, de perles et pierreries. Si quelques unions tendoient à vétusté, et changeoient de naïve blancheur, rcelles par leur art renouvelloient en les donnant à manger à quelques beaux coqs, comme on baille cure es faulcons.