FAIS CE QUE VOULDRAS
parce que gens libérés, bien nés, bien instruicts, conversans en compaignies honnestes, ont par nature un instinct et aiguillon qui tousjours les pousse à faicts vertueux, et retire de vice ; lequel ilz nommoient honneur. Iceux, quand par vile subjection et contraincte sont déprimés et asservis, détournent la noble affection par laquelle à vertu franchenieni tendoient, à déposer et cnfraindre ce joug de servitude. Car nous entrcjircnons tousjours choses défendues, et convoitons ce que nous est dénié. * Par ceste liberté, entrèrent en louable émulation de faire tous ce qu’à un seul voyoient plaire. Si quelqu’un ou quelqu’une disoit ; « Beuvons, » tous beuvoient. Si disoit : .« Jouons, » tous jouoient. Si disoit ; « Allons à l’esbat es champs, » tous y alloient. Si c’estoit pour voiler ou chasser, les dames, montées sus belles haquenées, avec leur palefroy gorrier, sus le poing mignonnement engantelé portoient chascune ou un esparvier, on un laneret, ou un esmerillon ; les hommes portoient les aultres oiseaux.
Tant noblement estaient apprins qu’il n’estoit entre eux celuy ny celle qui ne sceust lire, escrire, chanter, jouer d’instrumens harmonieux, parler de cinq à six langaiges, et en iceux composer, tant en carme qu'en oraison solue. Jamais ne furent veus chevaliers tant preux, tant gallans, tant dextres à pied et à cheval, plus verds, mieulx remuans, mieulx manians tous bastons, que là estoient. Jamais ne furent veues dames tant propres, tant mignonnes, moins fascheuses, plus doctes à la main, à l'agueille, à tout acte muliebre honneste et libre, que là estoient. Par ceste raison, quand le temps venu estoit que aucun d’icelle abbaye, ou à la requeste do ses parens, ou pour aultre cause, voulust issir hors, avec soy il emmenoii
LIVKE 1, CHAPITRE LVIII
une des dames, celle laquelle l’auroit prins pour son dévot ; et estoient ensemble mariés. Et, si bien avoient vescu à Theleme en dévotion et juuitié, encore mieulx la continuoient ilz en mariaige ; d’autant s’eutreajinoient ilz à la fin de leurs jours, comme le premier de leurs nopces.
Je ne veulx oublier vous descrire un enigme qui fut trouvé aux fondemens de l'abbaye, en une grande lame de bronze. Tel estoit comme s’ensuit :
