ENIGME TROUVÉ ES FONDEMENS DE L'ABBAYE DES TBELEHITES
Pauvres humains, qui bon heur attendez.
Levez vos cœurs, et mes dicts entendez.
S’il est permis de croire fermement Que. par les corps qui sont au firmament.
Humain esprit do soy puisse advenir A prononcer les choses à venir;
Ou, si l’on peut, par divine puissance.
Du sort futur avoir la cognoissance.
Tant que l’on juge, en asseuré discours.
Des ans loingtains la destinée et cours.
Je fais sçavoir à qui le veult entendre Que, cest hyver prochain, sans plus attendre,
Voire plus tost, en ce lieu où nous sommes,
11 sortira une maniéré d’hommes Las de repos, et faschés de séjour,
Qui franchement iront, et de plein jour.
Suborner gens de toutes qualités A diflerents et partialités.
Et qui vouldra les croire et escouster (Quoy qu’il en doibve advenir et couster),
Hz feront mettre en debatz apparents Amis entre eux et les proches parents :
Le filz hardy ne craindra l’impropere De se bander contre son propre pere.
Mesmes les grands, do noble lieu saillis.
De leurs subjects se verront assaillis;
E-t le devoir d’honneur et reverence Perdra pour lors tout ordre et dilTerencc.
Car ilz diront que chascun en son tour Doibt aller hault, et puis faire retour.
Et sur ce poinct aura tant de mcslées,
Tant de discords, venues et allées.
Que nulle histoire, où sont les grands merveilles.
Ne fait récit d’esmotions pareilles.
Lors se verra maint homme de valeur.
Par l’esguillon do jeunesse et chaleur.
GARGANTUA
Et croire trop ce fervent appétit,
Mourir en fleur et vivre bien petit.
Et ne pourra nul laisser ccst ouvrage,
Si une fois il y met le courage.
Qu’il n’ait emply, par noises et debatz,
Lo ciel de bruit, et la terre de pas.
Alors auront non moindre autorité Hommes sans foy que gens de vérité ;
Car tous suivront la créance et estude Do l'ignorante et sotte multitude ;
Dont le plus lourd sera receu pour juge.
O dommageable et pénible deluge!
Deluge (dis je), et à bonne'raison :
Car ce travail ne perdra sa saison,
Ny n’en sera délivrée la terre,
Jusques A tant qu’il ne sorte à grand erre Soudaines eaux ; dont les plus attrempés En combattant seront prins et trempés.
Et à bon droict : car leur cœur, adonné A ce combat, n’aura point pardonné,
Mesme aux troupeaux des innocentes bestes. Que, de leurs nerfs et boyaux deshonnestes Il ne soit faict, non aux dieux sacrifice.
Mais aux mortelz ordinaire service.
Or, maintenant, je vous laisse penser Comment le tout se pourra dispenser.
Et quel repos, en noise si profonde.
Aura le corps de la machine ronde.
Les plus heureux, qui plus d’elle tiendront. Moins de la perdre et gaster s’abstiendront, Et tascheront, en plus d’une maniéré,
A l'asservir et rendre prisonnière.
En tel endroit que la pauvre defaicte N’aura recours qu’à celuy qui l’a faicte.
Et, pour le pis de son triste accident,
Le clair soleil, ains qu’estre en occident, Lairra espandre obscurité sus elle.
Plus que d’eclipse ou de nuyt naturelle.
Dont en un coup perdra sa liberté.
Et, (lu hault ciel, la faveur et clarté;
Ou, pour le moins, demeurera deserte.
Mais elle, avant ceste ruyne et perte Aura long temps monstre sensiblement Un violent et si grand tremblement Que lors Elhna ne fut tant agitée Quand sur un filz de Titan fut jettée;
No plus soubdain ne doibt estre estimé Le mouvement que fit Inarimé Quand Tiphoeus si fort se despita Que dans la mer les monts précipita.
